يقولون لك مايشوف ابعاد المشكلة الا ابعد شخص عنها
انا مو متزوجه بس كل صديقاتي متزوجات ودايم يدور مثل هالحديث باجتماعاتنا
((كيف تخلين زوجك خات في اصبعك))
وانا اقولك بصراحه ليه يهتمون بهالشي

بسبب انه موجود وحدة في المحيط توضح للزوجه ان زوجها يعاملها بترفع وكأنها خادمة له
وتردد على مسامعها "انا لو مكانك سويت... وقلت... وحطيت...." فيما الواقع هي العكس تماما


اذكر وحدة من صديقاتي تقول ان قريبتها دايم تتفاخر ان زوجها مايرفض لها طلب ، وانا ممشيته على العجين مايلخبطة... ووصل تفاخرها انها تتدعي انها تضرب زوجها
هههههههههههههه
ايه وربي تقول انها تضربه

المهم حصل موقف فضحها
كانت صديقتي تقرا مسجات بجوال القريبة -طبعا بعد استأذانها- ووصل مسج من زوج قريبتها ... وطبعا رجعت صديقتي الجوال لقريبتها عشان تشوف مسجها، وطبعا استحت القريبة تخبي الجوال فاضطرت تقرا المسج وصديقتي تقرا معاها

الصدمة ان المسج كانت غزل من الزوج... طبعا توترت قريبتها وقالت انها اول مرة يرسل لها كذا... ويمكن عشانه مسافر اشتاق لها ... وهالخرابيط

ورجعت الجوال لصديقتي تكمل تشوف المسجات

طبعا لقافة الحريم خلت صديقتي تفتح الصادر تتأكد هل قريبتها مثل ماقالت لهم تنفخ على زوجها وماتعطيه وجه وكل كلامها معاه أمر... وانصدمت









كل الصادر كان مسجات غزل وتحبب
ومسج الزوج كان فقط رد على مسج ارسلته زوجته له


يعني كانت تكذب عليهم
وش الهدف .... محد يدري

بس هذا هو الشائع بين الحريم
فالمفروض المرأة تكون عاقلة ومتفهمه لهالطبيعة في الحريم وماتخلي الزوج المسكين حقل تجارب
وهالتجارب بتكون نتايجها الطلاق لا سمح الله


عذرا على الإطالة بس رحمت اخوي كاتب الموضوع لان شكل هالسالفة تشغله

فعلا هذا السؤال المعتاد بين الصديقات(كيف زوجك يسمع كلامك او يصير خاتم بصبعك)

العيب مو من الزوجه ولا الزوج العيب من طريقة تفكير بعض الزوجات والا الزوج شحقه مايسمع كلامي اذا

كان منطقي ويخص حياتنا فقط زي ماانا اسمع كلامه اذا اقنعني فيه ولابد من ان يكون الكلام بعيد كل البعد

عن خصوصيات الاخريين كثل اهله او اهلي والقيل والقال

اما اذا كان الموضوع في انه يسمع كلامي في شي افرضه على اهله او ابعده عن خدمتهم فهذا تفكير

بيئئ ووقاحه تعد من المرأه وضعف شخصيه من الرجل

ماأدري انا اشوف هذا الشي بالافلام والمسلسلات وبنات الطيبات واللي يحبون الخير للكل ماعندهم خاتم باصبعه والا مفتاح بعدين كل وحده تعرف شلون تتعامل مع زوجها وتطلب منه اللي تبي بس مو تطلب شي تعجيزي وتبيه ينفذه لها واذا ماقدر زعللللللللللللت ياشين ذا هالحركات.