شكرا اخواني وخواتي الي رديتوا على المشكلة هاذي اللي مرهقتني من يوم ما تزوجت اتصدقون انه بعد زواجي بشهر ونص اي بعد شهر العسل باسبوعين رحت اكمل دراستي وخليته يعني ما حسيت اني متزوجه وكلامكم هذا عطاني دعم اكبير كثير والله ما تصدقون
وشكرا.

الله يوفقج في دراستج وييسرلج كل امورج ان شاء الله

(مرت اخوي كانت تدرس في احدى الدول واخوي كان عندنا يعني هي في بلد واخوي في بلد ومسكين تم ينطرها لين ماتكمل غير فترة الخطوبه اللي ماكان يقدر يشوفها لانها في بلد ثاني تدرس ونطرها وكانت تجي يومين في الشهر هو كان يروحلها بس لانه شغله فصعب انه دايما يروح والحمدلله الحين خلصت بس هو عطوه بعثه والحين هو راح وهي معاه وماشاء الله عليهم.. واخوي يمووووت فيها ومايدري شيسوي عشان يريحها والحين هي بترجع لان عندها دراسه ..لافكر يتزوج ولاشي بالعكس يمكن هالشي زاد الحب بينهم صارلهم 3 سنين وشوي متزوجين وماقعدو مع بعض الاشهور )
الله يزيد الحب والشوق بينكم ويسعدكم مع بعض

كلامكم كله مهم وعين العقل بس الي ما تعرفونه ان زوجي دايمن يحسفني ويقول حسبي الله ونعم الوكيل فيك الي حرمتيني طفلي بسبت الدراسة ليش ما تنقلين عندي وهذا الكلام او الاسطوانة حفظتها من كثر ما ينقنق على راسي وش لي بوجع الراس الله يعين وشكرا على ارائكم

اختي الكتوم ..

من رايي وطبعا انتي ادرى الناس بزوجج ..

بس من كلامك انه زوجك مشتاااق لك ولولده حيييل حرام تحرميه ...

راح اقول لك قصتي مادري اذا راح تفيدك او لا ..

انا تزوجت وزوجي مايدرس ف بلادي .. تركت دراستي وقررت اسافر معاه .. في بلاد بعيدة يعني ماشوف هلي بالشهور .. لكن طبعا بديت ادرس معاه .. وانا ادرس حملت الحمدلله كل حد قال لي ردي ... وماتقدرين تولدين لحالك .. وبتتعبين ومن هالكلام .. باختصار كل هلي وهله كانوا ضد اني اولد هني .. وييقولون لي ردي معززة مكرمه المرأة في النفاس مالها بارض حد وتتضايق من كل شي .. لكن زوجي مايقدر يستغنى عني الحمدلله وانا ايضا ماقدر .. اصافة انه ماراح يكون موجود في بلادي وقت ولادتي لو كنت برجع يعني

استخرت وتوكلت على الله وولدت عند زوجي وماقصر ساعدني الحمدلله صج تعبت وتعبت وايد .. لكن الوحدة يوم تفكر انه في ارضاءها لزوجها طاعة لله وراحة لزوجها .. صدقيني تنسى كل التعب .. وكل شي يروح عنها ..


اللي ابي اوصل له .. انه اكيد راح تتعبين يوم تروحين تدرسين عند زوجك وفي البدايه ممكن انج ماتقدرين توفقين بين زوجك والبيت والولد والدراسه لكن صدقيني راح تلاحظين كيف ربي ييسر امورك لانك اردت طاعة زوجك ..

اسفة على الاطاله .. لكن زوجك له حق في اللي يقوله .. ومحتاااج لكم .. وصدقيني لو رديتي بتحمدين ربك ان شاء الله وبتحسفين على الايام اللي قضيتيها بدونه ..


اخيرا .. الله يوفقك ويفتح عليك .. وييسر امورك ويسخر لك زوجك وبسخرك له .. ويقر عينكم ببعض ..

اتفقي مع زوجك اكيد هو كمان بريد مصلحتك

و لو كانت الجامعة الي انتي فيها افضل اصبري عالترم و اخلصي

هانت

__________________
.
.

استودعتك أهلي في سوريا يا من لا تضيع ودائعه

انا من رأيي انه ترم وااااااااااحد يعني مره حيرتك جات متأخرة

واذا زوجك من الأول على قولك وهو نفس الاسطوانه المفروض ترجعي

واللي خلاك من اول ما ترجعي يخليكي تكملي الترم عند اهلك

واذا كل الظروف ملائمة انك ترجعي وعندك شغالة وكدا روحي بدون ماتفكري ترى زوجك وولدك اهم

اعتقد انه أهلك معهكا حق اختي الغاليه وبعدين ما باقي الا نصف ترم يعني صير اشوي وتحملي مادام زوجك رجل متفم ومتعلم والله يكون في عونك

حرام عليك
ليش طيب تتزوجين
ماصار زواج اللي هذا اوله ينعاف تاليه

__________________
سبحان الله وبحمده
سبحان الله العظيم

أختي الله يعطيكي العافيه من كلامك يدل ان الرجل قدم لك تنازلات كثيرة فماهي تنازلاتك اتجاهه بعدين نصيحتي لك هذه حياتك انتي فاتمنى أن الاهل مايدخلو في حياتك لان حياتك محصورة بكي وبزوجك
فكثير من القصص اللتي نسمعها ان خراب العلاقه الزوجية تكون بسبب اراء المقربين الا وهم الاهل والله المستعان اتمنى لك التوفيق في الدنيا والاخرة

__________________

اللهم احفظ مولودتي حنين وام حنين يارب العالمين

أقول الحقي على زوجك قبل لا يفلت من ايدك وبعدين تعضين أصابع الندم وخصوصا زوجك مبسوط انك تجين عند والدليل أنه قاعد يساعدك في الأجراءات وبعدين عنده من عرض عليه يزوجه وقاعده تشاورين تجين وإلا لا والله إنك بارده اعذريني بس خايفة عليك