الصيف موسم الاعراس وانا خارج السرب
اقبلت الاجازه الصيفيه واقبل معها موسم الاعراس
وطبعا اغلب البنات يستبشرن خيرا بالمناسبات
ويعتبرونها فرصه بعد الله للزواج وعلى قولتهم
نشوووف وننشاف
لكن انا للاسف لاتعتبر المناسبات وخصوصا مناسبات الزواج
فرصه لي او حتى سبب من الاسباب اقولكم ليش؟؟
اسكن في منطقه بعيده عن قرابتي وبالتالي فرصة الالتقاء بهم قليله جدا
قد تمر السنتين والثلاث والله وانا ماسافرت لهم
بسبب بعض المشاكل وبعد المسافه وانشغال اهلي
وعندنا قانون بالعائله يحرم الزواج من برا القبيله
وتواجد قبيلتي في مدينتي نادر جدا لايتجاوز من غير مبالغه 1%
يحصل دايم اني انخطب من تلك المناسبات لكن
غير مسموووووووح ابدا ابدا ابدا لي بالموافقه والزواج
اخر مناسبه حضرتها قبل كم يوم
فيه وحده سألت صديقة امي عني على طول قالت لها
ترا مايزوجون اي احد
تحطيييييييييييم
هذا حالي كل خاطب لازم ينرفض قبل حتى مايشوفونه او يسألون عنه
احيانا اايأس والغي فكرة الزواج من بالي وتعافه نفسي
واحاول ابرمج حياتي من غير زواج
واحيان كثيره اتمنى اتزوج مثل اي بنت وافرح امي وتشوف عيالي
خاصه اني مو صغيره بالسن
وربي ماينقصني شئ عن باقي البنات بالعكس البعض يحسدني على نسبي
مايدرون ان مشكلتي في هذا النسب
من وين اجيب لااهلي واحد من قبيلتي مناسب وهم حتى مايدرون عني
ولايشوفوني اصلا الا ماندر؟؟
انا الحمدلله بكل الاحوال راضيه باللي ربي كاتبه لي والله يرزقني الصبر
لكن ودي القى حل لمشكلتي
اعطوني حلول منطقيه الله يجزاكم الجنه
__________________
ياااااااارب فرجا عاجلا من عندك
اللهم اغنني بحلالك عن حرامك ومن فضلك عمن سواك
وارزقني زوجا صالحا قرة عين لي
التعديل الأخير تم بواسطة remany ; 21-06-2007 الساعة 12:57 AM
21-06-2007, 12:53 AM
ضوابط المشاركة
العرض الشجري