[poem=font="Traditional Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
خَمْسَةْ عَشَرْ عَامْ وَشُهُورْ=تِـهِيمِ بِالدّنيا تِهِيــمْ
تِحْمِلْ بَصِيصٍ مِن الأَمَلْ=وَيَمُوتْ إِذَا قَالَوْا عَقِيمْ
تِرْجَعْ تِشِيلْ أَحْزَانَهَا=وَالْيَاسْ وَالْهَمّ الْمِقِيمْ
تَسْهَرْ تِنَاجِي حِلْمَهَا=وَتْسَامِرْ اللّيِلِ الظّلِيمْ
تِشْرَبْ مَرَارَةْ صَبْرَهَا=وَفْقَلْبَهَا مِثْلِ الْجَحِيمْ
وِإنْ صَارِ لَمّة وَاجْتِمَاعْ=تَلَقّفْ أَطْفَالَ الْحَرِيمْ
تِلَمّهُمْ وَتْضَمّهُمْ فِي=رُوضَة الصّدْرِ الرّحِيمْ
تِبْكِي تَمَنّاهُمْ لَهَا=وتقُولْ يَالله يَاكِرِيمْ
بِنْت وّ وَلَدْ .. وَلاّ وَلَدْ=أَوْ بِنْتْ .. جُودِكْ يَاعَظِيمْ
يَارَبِّ لاَتِقْطَعْ رَجَايْ=يَارَبّنا حَالِي سِقِيمْ
يُمُوت حِلْمِي فِي حَشَايْ=وِيِعِيشْ بِي جَرْحٍ أَلِيمْ
يَارَبّنـــا لِكْ عَايِدَة=ياللّي بِمَا نِخْفِي عَلِيمْ
فِيْ لِيلِ شَافَتْ بِالْمَنَامْ=طِفْلٍ يِخَاطِبْهَا وَسِيمْ
يُقُولْ يُمّـــة أَبْشِرِي=أَنْتِ مِنَ اللّيلَة سِلِيمْ
قَامَتْ تِنَادِيهْ وَتْصِيحْ=تَعَــالْ يَالطّفْل الْكِلِيمْ
تَعَالِ بَـــدّدْ وِحْدِتِي=واجْبَرْ عَزَا الْقَلْبِ الْيِتِيمْ
بِالْفِعْلِ رَبّي عَاضَاهَا=وَهَبْ لَهَا خِلّ وَنِدِيمْ
طِفْلٍ كَمَا الْبَدْرِ الْمنِيرْ=وَأَلْطَفْ مِنْ أَنْسَامَ السّدِيمْ
وَعَاشْ الْفَرَحْ فِيهَا وَمَاتْ=الْهَمّ وَالْحُزْنِ الْقِدِيمْ[/poem]