ماتمشي عليهم أي سالفة أبوي وامي لازم سبب مقنع .. لانه جوالها جديد واهي الي كانت تحن تبي رقم الحين وربعاها دوم تكلمهم .. فكرت اقول انه في واحد يتصل يزعجها بس ماعرف هل بيصدقون او لا ..


تحياتي لج وتقديري على مشاركتك غاليتي

__________________

اختي الغاليه..
اجلسي مع اختك وكلميها وهدديها وخبريها كم قصه عن الشباب اللعوب الي يلعبون على البنات..خوفيها بالقصص..
وعلشان الجوال خليه عندك فتره ولو رجعتيه لها كوني دائما معاها بكل مكان ولاتتركين لها مجال تكون لوحدها ابدا..الله يهديها..واذا مو حابه ترجعيه تكلمي مع الوالده انك خايفه عليها وانها بسن مراهقه ولازم يناخذ منها الجوال من باب الحرص والخوف عليها..وخليها تقنع الوالد

هلا أختي الحائرة .. أنا سويت مثل ماقلتي بس من كلمتها وإهي متاثرة وتصيح مادري على الجوال ولا ندمانة ماتاكل وعيونها منتفخة من الصياح إن شاء الله الله يهديها وشكرا أختي على مرورج .
وجزاك الله خير الجزاء

__________________

ماينفع إلا إقناعها بمخاطر هالطريق

لازم تسمع تسجيل أصوات شباب يهددون بنات

وتقرأ في النت قصص بنات وين وصلهم المغازل

هذا اللي رح يصحي قلبها

أما الضرب والتوبيخ صدقيني يزيد تمردها وعنادها وتقدم على حركة أكبر كنوع من التحدي

كلميها بأسلوب مقنع وبهدوء بدون ماتدخلين أحد وقولي عصبيتي من خوفي على مستقبلك وسمعتك

هذا ممكن ينزل صوتك في اي موقع في النت وتروح سمعة العائلة بأكملها

وبكرة يطلب منك شغلات أكثر واكبر من المكالمات

هذا لو يحبك مايعرضك لمصيبة لو أكتشفوا أهلك هالعلاقة

ومن هالكلام

الله يصلحها ويحفظها ويستر عليكم أجمعين

تسلمين يالغالية على مرورج الكريم ونصايحج وأنا كسرت خاطري لين ضربتها ورجعت كلمتها بحنان وبهدوء ومارجعت لها الجوال والله يهدينا أجمعين ...
جزاك الله خير الجزاء

__________________

كلميها اكثر من مره الين تقتنع واهم شي استخدمي اسلوب التخويف وانه ممكن يسجل صوتهاا او ياخذ صور لها ويرسلها لابوها اواقاربها او يفضحهااا بالنت والشريحه اكسريها احسن شي وخليها تعرف انك كسرتيها وحتى لو بترجعين الجوال لها مع اني مانصحك لازم تغيرين الشريحه حتى الشاب مايكلمها مره ثانيه اما انك تكلمينه ماتوقع انه يتفهم اللي يضحك على بنت صغيره هذا شكله واحد مايخاف الله ومايأثر فيه شي واهم شي خليك قريبه من اختك وخليها تحس انك تسوين كذا لمصلحتها وليس تحكم عليهااا

هلا أختي .. أنا كلمتها وبظل معاها خايفة بعد فترة من الزمن ترجع لهالطريج الله يستر علينا أجمعين .. مادري شسوي بهالجوال ماقدر اكسره بدون سبب لازم ابوي وامي بيسالوني فانا مابيهم يشكون فيها ولو بلحظة فقلت بخليها تستخدمه واهي معاي اذا طلعنا بس وترجعه لي بعدين ومادري اذا تنفع هالفكرة

جزاك الله خير الجزاء على مرورك الكريم

__________________

تقربي لاختك كوني امها وابوها وخليها تفضفض لك وتقول لك اللي في قلبها .. الظرب والتهديد والوعيد ليس حل قد تستقيم امامك ولكنها من خلفك ستعمل مايحلو لها .... الحل الوحيد كوني لها مخزن الاسرار والمستشار الاجتماعي وحينها ستعالجين الوضع . أما الشاب الذي يكلمها فلا تكلمينه ابدا ً وعندما اختك تجد الأمان منك بالامكان تغيير رقمها ...

اخوك البدوي .

هلا أخوي البدوي أنا كلمتها اليوم بعد الضرب أمس قلت لها أنا آسفة وأحبج إنتي أختي أنا ماقدر اشوفج تضيعين لو فيج شي تعالي وخبريني بس اهي تمت تصيح ولا تاكل .. الله يهديها بظل اكلمها بعد واتقرب منها الف شكر لك اخوي
وجزاك الله خير الجزاء

__________________

اختي الحبيبه
انا صار لي نفس الموقف
واتصرفت مثلج
ضربتها وصرخت عليها
وتكرر الموضوع فاضطريت اني اكلم الوالده
وما قصرت قعدت معاها ونصحتها
مع عقاب بانها ما سمحت لها اتدش النت لين ما تخلص الثانويه
خلي الوالده تتدخل
اما الوالد فلا والف لا
لانج راح تكسرين اختج العمر كله
وراح تنكسر علاقتهم للابد
نصيحه