السلام عــليكم ..



كيفكم ؟؟


كل عام وانتم بخير .. ينعاد على الجميع .. وينعاد على هاذا القسم بس بقسم جيراننا .. اللهم امين ..


بقولكم سالفة العنوان ..

امس بالليل يمكن على الساعه 2 فجرا .. اتصلت حرمه تخطب .. وقالت دلونا عليكم اهل الخير .. المهم .. خطبتني لواحد مطلق عمره 36 ويشتغل بالسلك العسكري ورتبته عاليه ..


الى هاذا الوقت كل شي تمام .. لكن .. عنده 3 عيال وكلهم اعمارهم مابين 3 _ 4 .. بس مو عايشين معاه .. عايشين عند اخته ..


يعني سبحان الله .. كل عريس متقدم لازم يكون فيه شي لايمكن نتغاضى عنه ..

انا ماوافقت لاني مااقدر اتحمل 3 عيال .. انا يادوب تحملت ولد اختي .. << هاذا اولا


وثانيا .. فكرت في السبب اللي خلااه يطلق حرمته وعنده منها 3 عيال وكلهم بسن الحضانه يعني المفروض يكونو عنده امهم ..

ونجي لسالفة العنوان .. قالت امي العريس مافيه شي ومواصفاته حلوه .. لكن سالفة الــ 3 عيال صعبه مره صعبه .. وخرجت من الغرفه وهي تقول ياالله يالحظ .. انا استغربت من كلمة امي .. لان الزواج مادخل فيه حظ ولا يحزنون ..


بس اللي فرحني من الموضوع اني لاتضايقت ولاشي بالعكس فرحت لشي بنفسي مااقدر اقوله .. ودعيت ربي بوقتهاانه قادر يرزقني الزوج الصالح اللي يناسب وضعي واناسب وضعه ..


بس هاذا كل شي .. تعرفون لازم افضفض لكم ..

__________________


اللهم فرج كربتي ويسر امري واكتب لي الخير يارب