كيف يتمكن من رؤيتي؟؟؟؟؟؟
السلام عليكم
أخي بندر الشوق والجيمع ممكن اخذ رأيكم؟
لقد مررت بابتلاء من الله كما قلت لي والحمد لله دائما وابدأ
هذا الكلام من سنين
والآن أنا بحاجه لزوج صالح وسماع كلمه ماما
من ثاني يوم لطلاقي اعلنت لالالالالالالالالالالالالالا اريد متزوج ولاحتى اعزب لم يتزوج
فالمتزوج المشاكل معه هو وزوجته الأولى كثيرة
والأعزب فالغالب لن يقدر التجربة التي مررت بها وممكن لاسمح الله يعايرني بها لأتفه الأسباب
بعكس المطلق (يقول المثل اسأل مجرب ولا تسال طبيب)
المهم يتقدم لخطبتي كثير ما اعرفهم وما أكون مرتاحة ابدأ لكن أرحب فيهم من باب (حرمه الامتناع عن الزواج) والحمد لله استخير دائما
المهم يخطبون ويقولن لنا نبي نجي نشوف البنت ونرحب فيهم ثم يختفون ههههههههههههه
وأنا والله ما نقهر عليهم وأقول خيره
و كنت اشكي دائما لشخص معين ولا يبخل علي بالنصيحة والمشورة جزاه الله (أخصائي اجتماعي ساعدني على تخطي مرحله طلاقي ) العام الماضي زادت المشاكل عندي ووصل بي الحال أن فكرت ارجع لطليقي حتى لو ضربني وقتلني فانا عنده او عند أهلي أتعرض لضرب .
بعد كم يوم قال لي الأخصائي فيه ولد يعرفه ويعرف ظروفه وهو محتاج لزوجه مثلكوبحكم انه يعرفنا الاثنين فهو يشوف أننا مناسبين لبعض
ما اخفي عليك أنا ارتحت للولد لأنه من طرفه ويعرفه أحسن من الآخرين إلي مانعرف عنهم شي
مواصفات الولد كما ذكرها لي الاخصائي:
* اكبر مني بسنه او سنتين ,له اخ واحد اكبر منه متزوج من ثلاث سنوات وعنده طفله, والده متوفي,له اخته من ابوه كبيره ومتزوجه بمدينه ثانيه. فاتح بيت عايشه عنده امه ولها شغاله وعندهم بيوت بالجنوب , يعني امه تتنقل. امه متوسطه بالعمر وتميل لسيطره عليه وهو خاضع لها تماما.
* انا وهو مولودين ومتربين بنفس المدينه انا اصلي من شمال المملكه وهو من جنوبها وعايشين بوسطها.
* تزوج مرتين بدون دخول المره الاولى من بنت عمه وبحكم عاداتهم كان يجلس معها ويكلمها وفجاءه طلب منه اعمامه انه يطلقها ولايطالب بالمهر الي قدمه لها وطلقها( هالموضوع اثر عليه جدا )
* خطب مره ثانيه من نفس قبيلته لكنها بمدينه ثانيه ونفس الشي اعطاهم المهر واتفق معهم على يوم الزواج ولما اتي وقت الزواج اخذ اجازه من عمله وذهب لهم لكن اهل البنت صاروا يماطلون ويسوفون هو رفع عليهم قضيه بالمحكمه
* انا وافقت عليه بعد مااستخرت الله شرط ان يطلق الثانيه وينهي الموضوع .
* مرت سنه كامله ولافيه أي بوادر باستثاء كلام الاخصائي لي وانه مناسب لكن الي يعيقه مشاكل زواجه الثاني. وانه يتكلم معه دائما وهو مقتنع تماما فيني كزوجه واحيانا يقوم من عنده على انه متجه لنا ؟؟؟؟؟؟؟؟؟؟؟؟
قبل ثلاث شهور قلت لازم ينحزم الامر اذا ببيني يجي يخطبني وتجي امه وتشوفني واذا يبي يشوفني ماعندي مانع بعد رضى والدي طبعا ,
الاخصائي يقول هو مشكلته ان امه وزوجه اخوه يماطلونه لما يطلب منه يزورونا يعني مو اخذين الموضوع جد.
المهم اصريت حتى لو يجي هو لوحده( الزواج بيننا الاثنين) بعد كم يوم اتصلت امه وقالت بكره او بعده بزوركم ورحبنا فيها والغريب انهم ماجوا او اعتذروا والي صار ان امه ارتفع عندهاالضفط ووداها للمستشفى عاد الاخصائي هزأه وقاله عيب عليكم كذا ولازم تتصل تعتذر وتحدد موعد ثاني وفعلا الظهر اتصل وجونا المغرب
* ماحدث في الزياره:
دخلت امه ( وواضح انها من غير نفس) ومعها صديقه لها وشافتني
وكنت في حرج كبير
والي زاد الموضوع ان الاخصائي يقول انها خطبه وبيكلم ابوك وانا قلت لاهلي وصديقه امه فاهمه مثلي و تتكلم على انها خطبه وتسال عن شروطنا
وابوي استعد لاستقباله لكنه نزل امه عند بابنا وراح وكملتها امه تقول انا بشوف البنت بس والولد كمان بيشوفها بس مو الحين بعدين لاني بسافر الحين اصيف بالجنوب واذا رجعنا يممممممممممممممممممممممممكن بعد رمضان . وانكرت انه خطب او ملك او تزوج قبل كذا حتى صديقتها انحرجت واسكتت. وتكرر انها مو خطبه هي تبي تشوفني فقط واني اعجبتها
انا حسيت انها تنفرني من ولدها وتبيني افقد الامل ويجي الرفض مني
ردت عليها امي طيب لوخطبها غيركم ماردت علي امي و لبست عباتها وطلعت
قالت لها امي طيب خليه ينزل الحين ويسلم على ابوها ويطلب يشوفها قالت لالالالالالالالالالالا هو مواصل مانام وطلعت ومشت
ومن يومها مااحد كلمنا!!!!!!
الاخصائي يقول انه هزاه مره ثانيه وقاله مو عيب توقف عند بابهم ولاتنزل تسلم على ابو البنت وتتعرف عليه حتى لوماخطبت منه قاله ان عادات اهل الجنوب كذا يعني اول مره النساء بس !!!!!!!
المهم انا انحرجت جدا من اهلي وتضايقت جدا وتمنيت انهم ماجوا
يعني حسيت انه ضعيف شخصيه وامه مسيطره عليه وبنفس الوقت تبيه لها بس وماتبيه يتزوج ابدا
وهو مو شاريني ( اكيد لاننا مانعرف بعض ولاشفنا بعض)
ومن زعلي قلت للاخصائي خلاص انا مالي نصيب بالزواج وسكروا الموضوع
ابيهم يصرون ويتحمسون شوي
والاخصائي يؤكد انه لو شافني بيتعلق فيني ويخف تعلقه بامه مثله مثل اخوه الكبير
طيب هو كيف يشوفني؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اخ بندر عندك حل؟؟؟؟؟؟؟؟؟
احد عنده حل؟؟؟؟؟؟؟؟؟
الله يجزاك الجنه اذا عندك فكره نتقابل انا وياه وفق الشرع والعرف وتحفظ لي ماء الوجه تدلني عليها فكرت اننا تنقابل عند الاخصائي لكن الاخصائي نفسه رجل كيف بيجلس مع رجالين؟؟؟؟؟؟؟؟؟؟؟؟ ومو محارم لي
واصلا كيف اقول هالكلام للاخصائي نفسه
مع اني حساسه وحكايه اني الي اطلب مو سهله علي
ارجوكم ساعدوني لو بدعوه صادقه
27-09-2007, 05:23 PM
ضوابط المشاركة
العرض الشجري