اختي الغالية...ماذا يمكن ان يفعل بأسمها؟؟ لا شيء
يشوه اسمها؟؟؟ ممكن أي احد يفعل نفس الشيء..يمكن أي احد يعرف اسمها الكامل يفعل هذا ..سواء بالمدرسة..الجامعة...أو أي مكان ينعرف فيها اسمها
ولكن لا احد سيصدقه...فهل عنده دليل؟؟ لا
يعني انه فقط يهددها ليأخذ منها شيء أخر والعياذ بالله
وهو يريدها ان تستمر بالكلام لكي يسحب منها معلومات اخرى وأشياء اخري
فأفظل شيء ان تتركه ولا ترد عليه أيا كان ..حتى لو هددها بأي شيء..واحتفظي بأي تهديد منه كأثبات لو لا قدر الله اضطررت ان تلجأي للهيئة للأبلاغ عنه انه يضايق ابنتك
وفقكم الله

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

جزاكي الله خير وهو فعلا مايعرف غير الاسم وبعدها ماتصل
تسلمين

ما يصير انتي تردين هذا ما يبي له الا رجال مثله(مع انه خسيس مو رجال)

حبيبتي ما يصير تخبين هالشيء عن ابوها
بعدين لو يصير شيء اكبر بيلومك انتي لانك خبيتي عنه
و بعد حرام تظل صورة بنت اخوك و امها مشوهه في نظره لانه مالهم ذنب
كلمي زوجك و اشرحي له الموضوع بالتفصيل و اذا هو عصبي كلميه بالتلفون علشان ما يجي لكم الا لمن يهدى و بيني له انه هي كلمته تحت تهديده وهو يعرف بنته و اكيد واثق فيها
هذا ما يصلح له الا رجال صدقيني

ادري انك خايفه على بنتك من ابوها بس هذا التصرف الصح
ارجوك سويه قبل لا يكبر الموضوع علشان يبتره من الاساس

اقول تراها صغيره شوي شوي عليها وبعدين المشاكل هذي يوميا تمر على الاهل انا شخصيا ياما صارت لي مع اهلي
يعني عادي شوي شوي عليها مسكينه يمكن انها تحبه ولا شي
مافي شي اسمه دق وهددني هذي سالفه مالفتها من عندها شوي شوي على البنت كل شي بالتفاهم وهي بسن مراهقه يعني عادي
اهم شي الاب لا يدري عن شي

انا ماوافقك الراي البنت فعلا صغيره وفي لحظه خوف من ابوها كان قلبها بيوقف
هي الفت القصه على ابوها ومن سؤا التصرف ظلمت البنت وامها وانا احمل ابوها تصرفها الغضب والصراخ مايجيب نتيجه
واحنا ياما قرينا قصص وتهديدات من الشباب لبنات ضعاف فيهم من حمها ربي وفيهم من ضيعت نفسها بسبب التهديد
ولكن البنت من نفسها جتني وخبرتني القصه كامله
شكرا لردك

لا حول و لا قوة الا بالله, الله يحفظ بنتك و بنات جميع المسلمين لازم تفهمي بنتك غلطها و تنمي عندها الوازع الديني و تنمي عندها مراقبة الله و الخوف منه و هكذا لكي لا تخضع لاحد بعد الان و انتبهي لصديقاتها و اجعليها تختار الملتزمات بالدين, فالصاحب ساحب , و الغي رقم الجوال و خذي منها عهد بان لا تعود لهذا ابدا و اخبري والدها عما حدث و ان ابنته غلطت و تابت و ان ابنته محتاجه لوجوده و حمايته و ان ما قالته عن اقاربها غلط من خوفها منه و لا تتكلموا مع الرجل خلي رجال يكلمه و يوقفه عند حده و الله يصلح الاحوال .

السلام عليكم ورحمة الله و بركاته

نفس المشكلة حصلت لبنت أخي ...... وفي نفس سن ابنتك

باختصار..... البنت علمت الام...بأن احد الشباب يتصل ويهددها

أمها خبرت أخوي....... أخوي ماكثر خبر.....اتصال على الشرطة

الشرطة .... طلعت اسمه وعنوانه......وجرجروه الى القسم...وكان ابوه معاه

وطلع الشاب في نفس سنها .... يعني صغير

لما سألوة .... على ايش كنت تهددها ...قال ولا شي.... لما كلمتها كانت خايفة

قلت استغل الفرصة

يعني لازم تخبرين ابوها....علشان يتصرف

ان شاء الله افدتك


احترامي

__________________

الله يحميهم من كل مكروه وبنسبه لشرطه مانحتاجهم انشاءالله وبارك الله فيكم جميعا