الاسباب اللي ذكرتها ماتستدعي الطلاق بالمره

خروجها عند اهلها كل اسبوع شيئ عادي جدا

اجل بقولك انا ساكنه بعيد عن اهلي حوالي اربع ساعات بالسياره ومع ذلك اروح لهم اسبوعيا واجلس عندهم يومين او ثلاث

واذا على العيد خلها اول يوم بالعيد تعيد عند اهلها واليوم الثاني عند اهلك العيد مو بس اول يوم وينتهي هو يستمر عدة ايام

واذا على السوق عادي جدا كل البنات يحبووون السوق .. وطبعا الزوج مو من عادته يحب السوق لكن تحمل شوي

وعلى فكره النفقه واجبه على الزوج بحدود معقولة حتى لو المرأه عندها راتب اقوى من الزوج

وبالاخير اتمنى لك التوفيق مع زوجتك

استخير اخي
خير من تستخيره وتشاوره هو الله

__________________
[CENTER]لئن سئلتني يا رب يوم القيامة عن ذنبي لاسالنك عن رحمتك
ولئن سالتني يا رب عن تقصيري لاسالنك عن عفوك
ولئن قذفتني في النار لاخبرن اهل النار اني احبك
كفاني عزا ان تكون لي ربا
وكفاني فخرا ان اكون لك عبد

بسم الله
اخي الكريم ما ذكرته يتكرر بشكل يومي في أغلب البيوت فهو أمر عادي
ولو كل واحد طلق زوجته لما ذكرت ما بقي اثنين متزوجين الى الان
شوف أبو الشباب
المشكلة وما فيها أنك تظن أنك متزوج واحد من ربعك !!
بصراحة لما قريت مشكلتك مباشرة تخيلت نفسيتك في التعامل مثل اثنين شباب مسافرين سوى وساكنين في شقة واحدة وكل واحد متحمل الثاني لين يرجعون بس للديرة
أخي الكريمة أنت بحاجة لأن تدرك أنك تعيش مع امرأة والفارق كبير بين هذا ونفسيتك في التعامل مع ربعك في الكشتات
هنا أولا لا يوجد ندية اطلاقا ولست مضطر للمجاراة والمداراة فأنت عليك مسؤولية التوجيه والتأديب
يعني اذا طلبت شي تعتقد أنه خطأ يجب أن لا تجاريها قل لها بحزم أنه خطأ وأنك غير موافق ونتهى الموضوع
أما مسألة حلفها عليك فهذا يؤكد ما قلت من أنكم عايشين كربع
عندنا مثل يقال اذا حلف رجل على رجل أنه الرجل ما يحلف الا على مرته أما أنت فهي تحلف عليك وأظنك تطاوعها!!!!!
أخي اذا حلفت كسر حلفها متعمدا وقولها عطيني أودي لك الكفارة
أنت بحاجة باختصار الى أن تعرف دورك في الاسرة كرجل ودور زوجتك كزوجة
أخي مجموع الادوار في البيت يجب أن يكون دائما واحد صحيح فعندما تقوم أنت بأربع أعشار تأكد أن زوجتك تلقائيا ستكمل الكسر وتقوم بستة الاعشار الباقية
قم بدورك وتصرف في البيت كمربي ومؤدب للجميع للأولاد وأمهم وعاملها مثلما تعامل ابنتك تماما بكل الحب والاخلاص والحنان وفي نفس الوقت الشدة والحزم ان لزم الامر
نقطة أخيرة أياك وتكرار مسألة ذهابها لبيت أهلها فهذه بالذات مثل البنزين للنار احتوي مشاكلكما داخل بيتك وحلها بكل أبوية ورجولة بدون تدخل أية أطراف خارجية
وهناك مثل دائما أردده أن بيت الزوجية شركة رئيس مجلس ادارتها الزوج فان نجحت فبتوفيق الله ثم من الزوج وأن فشله فمنه وكلما كانت امكانيات هذه الشركة متواضعة كلما دل ذلك على تميز الزوج وابداعه
وفقك الله وأعانك

__________________

ما حرّك داواك

أنا لم أقرأ ردود الأعضاء بس بقولك كلمة راس هذي مشكلتك أنت أتوقع أنك لم تحاول حل المشكلة بحزم
يمكن لم تجرء!!!!!
أنا أول زواجي لم أرتاح لأهل زوجي وكنت أحاول التهرب من زيارتهم ولكن زوجي ماعطاني فرصة للتهرب
وأنا الأن أزورهم كأي زوجة لأنه وراني العين الحمراء بس بأدب قالي وبصريح العبارة اللي مايبي أهلي ماييبيني واللي ماييبيني .......يعني بحزم ممكن تحل هذه المشكلة ولازم تشوف الجانب الأخر من شخصيتك(الحزم ) وحررررررررررررررررررررررررااااااام تفكر بالطلاق ماهو ذنب الطفلة؟؟؟؟؟؟؟؟؟؟؟؟؟؟
وبهذا الجانب ممكن تنحل مشاكلكم بس بحدوووود بدون قسوة يعني ازعل عليها حسسها بما تريده
وهذا ان دل على شي يدل على طييييييبتك وهي استغلتها بس بدون ماتقصد هي ذلك ...
الله يوفقكم ويؤلف بينكم ياااارب

مشكلتك انك ماسك المجهر طوال الوقت وتكبر اخطاء زوجتك

وضح لها ان حب اهلك من حبك وان اذا احببتي اهلك سوف احب اهلك لاننا اصبحنا اسرة واحدة وكل عيد فطر لاهلك وعيد الاضحى لاهلها ونهاية الاسبوع مرة لااهلك ومرة لا اهلها والصرف حددمبلغ لها شهريا معقول وقل لها يجب علينا توفير مبلغ للبيت الجديد وهكذا باللين مع تنفيذ الصحيح ووفقك الله

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

بسم الله الرحمن الرحيم ..

اولاً اخي الاشقر اجد في ردود الاخوة مايكفي وقد اجادوا بطرح الحلول مستبعدين الطلاق تماماً وانا معهم في ذلك ..

ولن اضيف شيئاً على ماقالوه (بارك الله بهم جميعاً) سوى ان اقول لك :

( اعلم بأن حياتك الزوجية قصة مكررة في اغلب بيوتنا مع اختلاق بسيط بالتفاصيل)

فلا تعتقد بأنك قد وصلت مع زوجتك لمفترق الطرق ..

الامر بحاجة الى اعادة نظر منك في قرار الطلاق ..

ودمت بخير

__________________
الفضاوة إما تصنع مبدع أو مريض

اخي الكريم هذي مشكله مع اغلب الازواج بس تختلف التفاصيل والقصص ( اصبحت الزوجة المطيعه مثل امي وامك نادر , بنات اخر زمن بنات دلع والجيل الجديد اخس من الاول ولاحول ولاقوة الابالله ) وعلي فكره الزوجات الي عارضوك مع احتارمي لهم نفس النوعية هههه اقول الله يعين والصبر طيب وشوف الحياة الزوجية لازم فيها عسل وبصل واذا حياتك الزوجية كلها بصل يعني مافي عسل مره طلقها ( ولا اعتقد ذلك )

بسم الله الرحمن الرحيم
الحمدلله وحده –والصلاة والسلام على من لانبي بعد


اخواني واخواتي المشاركين في موضوعي ومشكلتي
اشكركم شكرا جزيلا وفقكم الله فقد وهبتوني بكرمكم وخصالكم الطيبة جزء من اهتمامكم ووقتكم فجزاكم الله كل الخير وهذا من فضل ربي وشكري لكل من كتب ولو حرفا مع اعتذاري للجميع عن القصور وكل منكم يستحق الرد باسمائكم والقابكم ( المعرف) - كما انني اود ان استعرض ردي على كل واحد فيكم ولكنني قد لا استطيع لسببين

الاول : ان الاخوة جزاهم الله خير كثير ومشاركاتهم كبيرة
الثاني : ان المشاركات عددت اسباب متطابقة عند الكثير من الاعضاء

فارجو ان اوضح لكم ولو جزء مما اتمنى ايصاله لكم واعذروني مرة اخرى على الازعاج فانتم خير من يقدر


اما موضوعي فانني قد استعرضته ولكنني قد اكون استعرضت ماتعرضت له من مشاكل بشكل عام وتركت الجوانب الفرعيه للموضوع


فالنفقه – وقلة الاهتمام برايي – وقلة الاهتمام بترتيب المنزل – والحرص من قبلها على زيارة اهلها عدم حرصها على زيارة هلى ولو مرة كل شهر او شهر ونص – والعناد


كلها مشاكل مركبة ومعقدة ياخواني واخواتي بالله والله اني حاولت اكثر من مرة بالحل وكم مرة شرحت الموضوع لها بهدو وبحزم وجربت اني ازعل ولا اكلمها يوم ويومين واسبوع وجربت الهجر وجربت كل شي الا الضرب – عندما حزمت احدى المرات ماكان منها الا ان قالت وبصوت عالي حسبي الله عليك وكم مرة قالت ذلك

حزمت احدى المرات وقالت الله لايوفقك ؟؟؟
وش تبوني اسوي اضرب ؟؟؟ اسكت ؟؟؟ اطلق ؟؟؟ اقعد ابكي ؟؟؟ اموت قهر ؟؟؟

في هذيك الليلة ( ليلة ما قالت الله لا يوفقك) قمت وجبت عشاء من براء وقلت تعشي راحت غرفتها وجلست انا وحبي الاول والاخير كوكبة حياتي اجمل طفلة في هذا الكون عندي غاليتي الجميلة ابنتي الحلوة نتعشاء لوحدنا ونسولف وع ان حبيبتي ماتعرف الاتقول بابا ؟؟؟؟ ااااااااااااااه كم انا طفشان من تلك التصرفات من زوجتي

بتقولون مدلعها لا والله اني مجرب كل الحلول ولكن لا فائدة ؟
عندما اصبحنا وديتها اهلها صباح الخميس( الكلام هذا من ستة اشهر ) وبعد ماجبتها اخر النهار الجمعة تتوقعون شي صار ابدا هل ممكن تعتذر مستحيل ؟؟؟؟ ليش طيب


الله اعلم

بعض الاخوة يقولوا ان راتبي مجزي وليه تزعل من النفقه وهي واجبه

اقول لهم بس الاسراف مو مقبول الشي الاخر عندما اكرمها فانني لا اعدد ولا يجب ان اذكر ذلك من باب المنه ولكن اذكر هذا متمنيا ان تقابله باحسان وبحب وبتفهم انه من باب التقدير والله ما عمر الفلوس همتني لو كانت تقدر وتحرص علي وعلى خاطري

ياخواني مرة جبت ورقه وقلم ورسمت عدة خطوط وقلت كيف المشاكل تبدا وجلست ادرسها مثل الطلبة ورسمت خط عريض وقلت اذا كثرت المشاكل و استمرت في السير للامام فانها ستصطدم بالانفصال ولا رغبة عندي لذلك فهمتها مافهمت

الاخوان اللي بيقولوا ان المشكلة لاتتطور ولا توديها اهلها انا موديها منذ عدة اسابيع ومع شديد الاسف انهم لا يمكن ان انتظر منهم مبادرة وعندهم نظريه وهي نظريه التعاون على الحق والخطا سوا كم مرة شرحت لهم قبل سنه وديتها اهلها جلست حوالي شهرين وهل تتوقعون جت بفكر متغير ؟؟؟

مع الاسف انا وقتها حسيت اني تنازلت رحت وجبتها وقلت كل شي بيتصلح اذا رجعنا بيتنا ولكن هي خذتها الظاهر من باب اني ما استغني عنها اوعن بنتي ومن هنا ما تغيرت الاشي طفيف للغاية بداية رجعتها ؟؟؟
مع ان هلي كانو حريصين على اني اجيبها

ياخواني الزواج كان في نظري استقرار مو استعباد تطلب تحقيق كمالياتها ورغباتها في كل شي وفي حظور الزواجات حتى لو كان المتزوجين بعيدين عنها بس اذا جاها دعوه تقول لازم اروح مع اهلى جايتنا دعوة انا اقول الزواج القريب او بعضا منها مو لازم تحظري كل زواج؟ والا انا غلطان بعد ؟؟

لو قلت لا واهي تبي تحضر :
اووووووووووووة تقوم القيامة وتتفجر الازمات وتنطلق الاصوات لابد ان تحضر وتقول خلك مثل الرجال الاخرين ؟؟؟
مع ان اللي اتكلم عنها ما حضرت ملكة اختي واصرت على حضور زفاف احدى اقاربها ؟؟؟

الاخوان اللي يقولوا لا احد يطلع على مشاكلكم
قلت لها بذلك وقالت ماهمك الا الناس ؟؟

ياخواني امراءة تقول لزوجها لما عزم اخواته مرة بالبيت ليش عزمتهم ما قلت لي قلت اساسا انا بجيب العشاء من برا قالت مرة ثانية المفروض تقول لي مع اني قايل لها قبل يجون بيوم تدرون ليش كانت تتمنى حضور عزيمة لاقاربها وانا مادريت ( بس لاتكررها )

لا تقولون احزم حزمت عدة مرات مشابهه والزعل والنكد هي النتيجة والنفسية اللي ؟؟؟؟؟
البعض يقولوا مشاكلي تحصل في كل البيوت هل هذا معقول ؟؟
المراءة ما تطيع زوجها ؟؟ ما تكفيها اكثر من الفين مصاريف مع اني مستعد ازيدها بس تترك العناد والمشاكل ؟؟ تروح اهلها واتحب تروح معي اقول معي لاهلى بسيطه ؟؟

لاتخوفوني من عدم نجاح الزواج ثاني مرة فانا انسان حساس وافكر كثير في بيتي وفي بنتي وفي المستقبل – اللهم وفقني واخواني واخواتي اعضاء المنتى لما تحبه وترضاه اللهم ارنا الحق حقا وارزقنا اتباعه والباطل باطلا وارزقنا اجتنابه ,,,

كانت نسبة الطلاق من80—95% ولكن سانتظر ما يكتبه الله

آسف جدا جدا جدا على الاطالة عليكم
واسف جدا على الصياغة لانها كانت بشكل مستعجل وقد يكون فيه اخطاء املائية
تحياتي للجميع

__________________
شبيت ضوي بالظلام في صحصح ذيبـه عـوى=ما لي أنيس الا النجوم أو نـور وضّـاح القمـر
دورت بالشدة حـزام ولا لقيـت اللـي قوى=يالله دخيلك ما لقيـت اللـي نشـد بـه الظهـر

اخي الاشقر مسئلةالسوق خلك عنها كل النسوان يدخلون السوق ثلاث اربع مرات يالله يحصلون اللي يبونه
بس مسئلة العيدوالروحه على بيت اهلك عاقبهاولاتوديها بيت اهلهااله لما تروح بيت اهلك اوانك تقولهاخلي احد من قرايبينك يجي ياخذك يالله فرسه هذا عيد الاضحى جاي
انت تكلم وياها بحترام وقولها حبك لبيت اهلي ومحبتك لهم من محبتي
ومن ناحيت الشك اوانهيا تدور وراك فهاذي مسئله لحالا يبغي لها حل
بعدين افضل طريقه يمكن تخليها تصير نضيفه ومهتمه لحالها ولك وللبيت انك تحك له انترنت
وتخليه تدخل مواقع اللي يدخلونها النسوان وتتعلم منهم وتسويلك وتغير من حالها لك
على الاقل يمكن تغارمنهم وتعدل حالها لك
والله يعينك الصراحه اذي اذا صارة الحرمه من النوع المطنش وماعنها اهتمام
ومن ناحية الزعل طنشها وبترضى واذا اهملتك خوفها وقولها هذا الشغاله الله يعطيها العافيه تسويلي بيض وتحطلي خبز
يمكن تتاثر اشوي
ومن ناحية المصروف لاتتهور وتعطيها وجه الفين ريال كاش الصراحه لعب او انهاتخزنهم وله فاتحه لها حساب بالبنك ههههههههههه00شدعليهااوي ولاقبل بانك تعطيها هالكثرمصروف)ان المبذرين اخوان الشياطين
والله يعين على مابلاك بس النصيحه لاتطلق برعه وتالي تتحسف
يعني عايرها كم مره بتزعل وتتهاوش ب لاتعطيهاوجه وانشالله الى الافضل.