صادق اخوي مشكلتي اختها تحبها بشكل ماودها تفارقها دقيقه وودها تقلدها في كل شي الحين خفت عن اول بعد ماتزوجت اختها بس مشكلتي انها اي مشكله تبي تسوي فيها وتجلس بيت اهلها ,,

__________________
[img]http://**********************/wallazain/NO_UAE_ISRAEL.gif[/img]

والله اخي العزيز لي قرابه الخمس سنين متزوجه ولم انم عند اهلي سوى يوم واحد وزوجي كان معي زوجي قال مافي نوم برى من غيري وهذا الي سار مع انه بيني وبين اهلي شارع
لكن احترمت هذا الشي واعمل على راحته
لذا عليك بتخاذ الجد معها بكثير من الاشياء
اذا زعلتو وارادت ان تذهب لاهلها قول لها الاولاد رح يبقو عندي وانتي ما ترجعي وما ترد على اتصالاتها ابدا واكيد بتبعث مسج تتأسف واذا ما تأسفت ما ترد عليها وهي خليها ترجع تتصل بعد المسج اضغط على نفسك شهر زمن لحد ماهي ترجع ندمانه وتقبل رجولك وهي خليها ترجع لوحدها من عند اهلها انت ما تجيبها
هي على خطأ وخطأ كبير
لانها لا تسمع ولا تطيع زوجها
لو تجيب لعيالك خدامه تجلس معهم هالشهر وتخليها تروح رح ينحرق قلبها وترجع لك وتسمعك غصب عنها
لذا كون جاد فأنت صاحب حق
واياك والطلاق واياك والطلاق وما تنسى في اولاد بينكم
لكن اذا هي طلبت الطلاق بين لها انك مو مهتم وانك مستعد تطلق لكن ايااااااااااااااااااك
لكن حسسها انك مبسوط من غيرها علشان ترجع
والله يختار لك الخير يارب
ويوفقك
وطمنا وش سار معك
في رعايه الله

__________________
سبحانك اني كنت من الظالمين

مشكوره اختي شديتي انتباهي اني استخدم الاطفال اهي عارفه ان نقطة ضعفي الاطفال المشكله في مكاني مافي احد من العايله والاطفال يبونها مايستغنون عنها
حتى بنتي الكبيره صارت تخاف مني مادري زرعت فيها ان بيت اهلها هو المكان المناسب تقول بنتي بابا مابي اروح هناك وتصيح اذا بنروح

__________________
[img]http://**********************/wallazain/NO_UAE_ISRAEL.gif[/img]

أذا حصل زعل مره أخرى و ذهبت بيت أهلها لا تروح تجيبها و إذا تصلت عليك قولها إلي أخذك خليه يجيبك أنا ما ني فاضي اجيلك

انا ماايد فكرة الزواج من اخرى سواء مسيار او غيره حتى لو كنت قادر
لكن انت 1) ماحاولت تفهمها انه هذه ماهي حياة الواحد يتزوج عشان يستقر مو عشان يتعب

2) حتى لو اتصلت قولها خلي احد يجيبك انا مااقدر اجيبك او ماني فاضي

3) حاول انك تخوفها يعني قولها دي الحياة ماهي عاجبتني اذا ماتقدري تعيشي معايا هنا انا افكر اتزوج وانتي امر عليكي كل فتره عند اهلك اطمن عليكي وعلى الاولاد واشوف ايش ناقصك وخلي عند اهلك على راحتك عشان ماتطفشي هنا

والمشكله في حياتكم انها صغيرة يعني اتزوجتوا وانتوا صغار يعني مافي تحمل مسؤوليه للبيت والزوج

وطمنا ايش اخر الاخبار

__________________
[/IMG][/IMG]

الأخ الكريم .. ءايد الأخت ام يزن فيما قالته ..

مقترحات أخرى :

** الظفر عمره ما يطلع من اللحم مثل ما يقول المثل .. و كل شخص لابد يحن لأهله ! يعني ما تقدر تخلي البنت بعيدة عن اهلها لفترة طويلة (معنى طويلة يعتمد على تفكير زوجتك) .. فتحس انها تبي اي فرصة حتى تروح بيت اهلها ! بس انت تفاهم معاها انك تروح وياها بيت اهلها مثلاً كل شهر 2-3 أيام ..


** بالمستقبل لما بتطلع زوجتك .. خل تترك الأولاد عندك حتى لو اطريت تاخذ اجازة من الدوام ! أو اتصل لأحد من اهلك يجي يقعد عندك ! أو خذهم لبيت اختك او أمك لما بتروح الدوام .. فتحسسها انك قدرت تعيش انت و الاولاد بدونها .. و انها ما عادت نقطة ضعفك .. و بهالطريقة بترجع بسرعه .. خصوصًا لما تحن لهم ..

** شغلة أخرى .. صارحها و خبرها بمشاعرك عن خروجها المتكرر (في وقت اللي تكونون رايقين مو وقت العصبية او وقت اللي تكون توها راجعه ) .. يعني وقت اللي تكونون رايقين و تضحكون قول لها شوفي اشحلاتنا نضحك و نسولف و نعيش أيامنا مستانسين ! مو افضل من كونا كل واحد بديرة .. و و إلـــــخ ؟!

** خبرها انك تحبها و انك ما تحب تتركها أو تعيش بعيد عنها .. لكن كل مرة تطلع تروح بيت ابوها و تطول عندهم يوسوس لك الشيطان .. و انت ما تبي تستسلم لشر الشيطان (وخل بقية الأمر مفتوح يعني تترك التصورات لها عن معنى الكلام!)


** لا اعلم اعمار اولادك .. لكن يمكن تضطر تقعد بالبيت لما يدخلون الاولاد المدرسة !


الله يهديها و يرزقك طولت البال و الراحة ان شاء الله

اتمنى ان اكون افدتك واعتذر عن الإطالة



أميرة الشروق

__________________

نقطتك الثانيه عجبتني جدا وراح اطبقها اما باقي اللي قلتيه صدقيني جربته ,,

انا اللي زعلني في الشغله اخر شي هي لما طاحت مريضه او لما تطيح ماتركها دقيقه مايتم مستشفى ماوديها وهي اخر مره ماهميتها في شي ,,

يعني اختي تقول لي انا لو معا زوجي متهاوشه وهو لو كان غلطان علي اول ماسمع ان فيه شي انسى كل شي واجي له واعتني فيه شمعنى هي ماسوت معاي كذا ؟؟

تدرين ليه ؟؟؟لأنها مش البنت اللي تحطها على الجرح يبرا امها وتربيتها لها ولأخوانها وخواتها هي سبب النتيجه هاذي وانا ادري اني طحت في البنت الخطأ اللي ماتستاهل الخير اللي هي فيه واللي الناس الثانيين حاسدينها عليه

أخ بس لما العيال ولا وربي عينها ماتشوف النور

__________________
[img]http://**********************/wallazain/NO_UAE_ISRAEL.gif[/img]

مشكوره فكرتك حلوه راح اجربها وبشوف وش ردها ؟؟

__________________
[img]http://**********************/wallazain/NO_UAE_ISRAEL.gif[/img]

انصحك ان لاتفكر في الطلاق لانه ابغض الحلال






الاشراف / عفوا الصورة الرمزية مخالفة

سارع بتغيرها صورة شخصية لرجل ... حتى لا يتم ايقاف العضوية

__________________

رايي من راي فرح

إذا طلعت لبيت اهلها لا تجيبها

مهما قالت لك قل لها اللي وداك يجيبك

وهددها شوي انه خلاص ما تقدر تصبر معاها>>>> تهديد فقط

الله يهديها شكلها استغلت طيبتك الزايدة

بس عفواً اخوي

أهلك ليش كانوا رافضين إنك تتزوجها ؟؟

__________________

	الحمد لله على كل حال