الله يسعدك يا أختي وتسيري البنت السعيدة

والله يهدي الناس ويصلحهم ويوسع مدارك تفكيرهم حتى يتركوا ازعاج الغير وينشغلوا بما فيه خير

ارضاء الناس غاية لاتدرك --------------------- اليوم قالوا لك هذا الكلام بكره تجي وحدة تنظر للموضوع بنظرة ثانية وتقول لك كلام ثاني
تؤثر عليك ليه؟؟
عزيزتي --------------
كلام الناس لابيقدم ولا يؤخر والمفروض انك ماتتأثري ولاتعيري سمعك لأمثالهم


قولي الحمدلله -----------------------------------------------
لاتنسي ان الزوج نعمة كبيرة وعظيمة في زمن الفتن وترى لو زوجك مايدلع دوري ايجابياته الثانيه(( كرم خلق دين طيبة تقوى حنون محب --------------------)
لان الدنيا ماكملت لأحد ؟؟

المشكلة مثل ماقالوا البنات ليست في العمر المشكلة في التفكير العقيم و المجتمع الجاهل!!!
فنجعل العمر أو اي سبب نقطه سوداء وشماعة لشخصياتنا المتذبذبة التي تتأثر بقول هذا و ذاك؟؟؟------------------ وما يأتينا الا الحزن
( الناس يقولوا الكلمة من فراغ وينسوها.ونحن نفكر فيها ولا ننساها)

ليه حياتنا ليست لعبة ؟؟
حياتنا: نحن نختارها بمايناسبنا واراء الناس تؤخذ من اهل العلم والخبرة وتؤخذ كمشورة ننظر بعين العقل للصواب ونصدقه ! ولكن ليس من عامة الناس وتوقعاتهم


حبيبتي ------------------ لازم تقوي ايمانك بالله وتطوري تفكيرك و شخصيتك وذاتك

وحاولي ان لاتوضحي لأي شخص ان هذا الموضوع من اهتمامك ؟؟
وعززي ثقتك و لاتنسي ان تفهمي زوجك اكثر لان في رجال مايحبوا الدلع ...

دلعي نفسك وعيشي يومك بطاعة ربك وانعشي قلبك بالذكر لتطردي وسوسة الشيطان منه ولتحيي حياة طيبة وتفائلي بالمستقبل و اقنعي بمارزقك الرحمن وارضي بماقسم لك و لاتنسي الصبر الصبر

فهذه الدنيا بلغة منغصة لان الانسان خلق في كبد ----- فرج الله همك ونفس كربتك

__________________

حبيبتي الفكرة أساسًا متركزة في نفسيتك أنت و عقلك أنت ، أنت اللي مو قادرة تنسين فرق السن بينكم ، و على طول تفكرين بسلبيات هذا الفرق البسيط ، فكري بإيجابياته ، أنه تفكيركم بيصير متقارب ، و طموحكم و تطلعاتكم غالبا وحدة .

صدقيني .... في ناس غيرك فرق العمر بينهم و بين أزواجهم كبير ، لكن مع ذلك دائما زوجها يقول أنت كبيرة و أحيانا يا عجوز ! مع إنه أكبر منها بكثير

معنى كلامي .... هذا نصيبك و هذا قدرك ، ولا فيه أي أحد بالدنيا يضمن لك إنه لو تزوجتي واحد الفرق بينك و بينه 20 سنة إنه راح يدلعك و يشوفك الأمورة الدلوعة

و حطي ببالك إنك انتقلتي من بيت أهلك لبيت زوجك ، و الحياة هنا و هناك تختلف كليا ، لازم تكونين مستعدة للتغييرات ، أنت لو أثبتي تفوقك في إدارة حياته و تلبية طلباته هو بالتالي بيدلعك و بتكونين الغالية عنده و مو مهم إنه يناظرك بنظره الأرقام اللي أنت قاعده تركزين عليها

تأملي هالآية زين ( و من آياته أن خلق لكم من أنفسكم أزواجا لتسكنوا إليها و جعل بينكم مودة و رحمة ) ....

يا غالية تذكري خديجة رضي الله عنها و محمد صلى الله عليه و سلم كان الفرق بينهم 15 سنة هي أكبر منه ! و مع ذلك بحسن عشرتها له من قبل ما تجيه الرسالة ، صار يحبها و لا نساها ابدا حتى بعد موتها و لا نسّته إياها حتى عائشة اللي كانت طفلة وقتها !

عزيزتي ... أنت مرة حساسة ، الحين أنت متأثرة من كلمة ( كبيرة ، كبيرة ، كبيرة ) ، راح تتحملين بكرة كلمة ( مطلقة ، مطلقة ، مطلقة ) ؟؟؟ .... لا ما راح تتحملين فكري بواقعية و خلي أفكارك الوردية على جنب

تعوذي من ابليس ، و خليك صغيرة و دلوعة بعين نفسك أولا ، علشان تصيرين كذا بعيون الناس ، و اللي يساعد زوجك إنه يشوفك كذا إنك ما تخلين له عليك أي مأخذ و تقومين بكل واجباته عليك

موفقه

__________________

اللهم ارحمني و اغفر لي فوق أرضك و تحتها و يوم عرضي عليك

أختي ركزي على الكلام اللي اقتبسته فوق

كلام الناس حسد ، و مافيها شئ سنتين ؟

بالعكس اللي في سنج تفكيره نفس تفكيرج اما اللي اكبر منج هو يفكر بطريقه وانتي بطريقه

المستقبل بيدالله سبحانه وتعالى عيشي يومك بلا هم ونكد وخليها على ربك مايضمن الانسان شي بهالدنيا الله يعطيناوياك الصحةوالعافيه الواحدمايضمن بكره كيف عشر سنين الله يسعدك

__________________
لا اله الا انت سبحااااااااااااانك اني كنت من الظالمين

الرسول محمد تزوج خديجه وهي عمرها 40 سنه وهو في الخامسه والعشرين وقد كان زواجهما مباركا وموفقا فقد وجد محمد في خديجة سكنا وسندا ورفيقا ووجدت خديجة في محمد زوجا بارا كريما.. موفقه حبيبتي

__________________

والله ياأختي الحياة فيها أمور أعقد بكثير من كلامك واللي بيسمع كلام الناس بيتعب وبالنسبة لزوجك إذا قالك انتي كبيره على او من هالكلام قوليله هذا ذوقك انت ؛مو انا اللي جيت اخطبك انت اللي خطبتني ومن وجهة نظري ان الفرق سنتين زين بالعكس انتي معاه نفس التفكير والاهتمامات والسوالف ... أنا اعرف ثنتين من قريباتي وحده أكبر من زوجها بشهر واحد والثاني زوجته أصغر منه بشهر وعاااااااااااايشين أحلى عيشة ماشاء الله ..
وعلى فكره انا الفرق كبير بيني وبين زوجي 9 سنين ونصف مايقارب عشر سنين والأخ يفكر يتزوج على ... هذولا الرجا خذي وخلي . الله المستعان

اختي الفرق بينكم حلوو ..

اختي الوحده تظل في بيت اهلها مدلله لكن من تتزوج لازم تنضج حتى لو كان عمرها 18 سنه ..

الزواج اختي مسؤوليه ... مو بس دلع و رومانسيه مثل ما تشوفي في الافلام ...

انت لسه ما شفتي المسؤوليه من حمل وولاده و تربيه اطفال ..

اختي زوجك متزوج يعني يبغى وحده قد المسؤوليه .. تفكيرها كبير .. هو ماخذك عشان يدللك ويربيك ؟؟

هو ماخذ وحده تفهمه ويفهمها و تشاركه الحياه .. مو ماخذ طفله مدلله ..

انا ما اقول لك لا تتدلعي او تتغنجي على زوجك لكن اختي كل شي في وقته حلو .. وقت للدلع ووقت للجد ..

كبري عقلك اختي وخففي من دلعك شوي ..

ترى اغلب الرجال مثل زوجك ما عندهم في التدليل ..

وربي يسعدك ..

حبيبتى انتى ضامنه انك تعيشين للخمسين احنا والله موضامنين نعيش لبكره مو للخمسين حبيبتى عيشى يومك وانبسطى واسعدى زوجك ماحد يعلم متى رح يجى يومه وخلى عنك التفكير بالعمر هذا كله من الشيطان رايد ينكد عليك بحياتك لانه شكلك ماعندك مشاكل فقام دخلك هالافكار علشان يهدم بيتك لكن تعوذى بالله من الشيطان الرجيم كلما جتلك هالافكار واقرى وردك ليل ونهار لانوشكل اقاربك يغارون منك والى يغار يحسد اعوذبالله من شرهم والله يحفظك ويفرج همك

شوفي حبيبتيى تفكيرك مره خطأ أنت متعوده على أهلك مدلعه ويشوفونك صغيرة لكن أنت صرتي زوجة تتحملين زيك زي كل وحدة متزوجة وأقرب مثال أمك صرتي زيها عندك بيت و زوج وأن شاء الله أطفال ويحتاجون حنان و تربيه صح وفارق العمر ماله أساس أعرف وحدة متزوجه واحد كبرها وماشاء الله درس الجامعة وكمل تعليمه العالي وهي تساعده وتشجعه ومتفاهمين مرة ماشاء الله عليهم ولا أثر العمر عليهم ويا أختي تخيلي زوجك بدون مسؤلية ومو معتمد على نفسه ويحتج أنه صغير ومحتاج تدليع وأحد يقوم بواجباته وش يكون ردت فعلك منه أكيدبطيح من عينك لا تخسري زوجك عشان كلام الناس أو غيره
الله يوفقك

__________________