بالنسبة لي أنا أستغنيت عن الخادمة ولله الحمد هذه السنة فقط والسبب هو أن بناتي الله يخليهم لي كبرواو يساعدوني في البيت والشي الثاني بنتي الصغيرة تذهب معي للمدرسة وبصراحة مرتاحة جداً مع أني أحيان تصير معارك بيني وبين بناتي بس بالأخير مايقصرن وبعدين الحمد لله عودت اولادي كل واحد يهتم بغرفتة وترتيبها وعطيت الأولاد بعض الأعمال الخفيفة يعني الأستغناء عن الخادمة ممكن مع بعض التنظيم للوقت ونبذ الكسل والتقاعس يكفي تطلعين وتدخلين بيتك وأنتي مرتاحة وتاكلين الطعام بدون ماتلعب فيك الشكوك بنظافته !!!!

__________________
[IMG]http://[/IMG] ((كل نفس ذائقة الموت))
ا((للهم أرحم أخي أبو عبد الإله رحمة واسعة اللهم تجاوز عنه )) طلب لمن قرأتوقعي أن يدعوا لأخي بالرحمه

(( الم * أحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * ))اللهم فرج كرب أخوي وفك أسرهم...وثبتهم على الحق الذي يرضيك...

المشكلة اذا حملتي وولدتي من يراعيك والمشكلة هالصغيرين واين احطهم وش الحل الحقيقي


تسلمين لي يالغالية

مضى عمري


تسلمين يالغالية والله يعيننا واياك

انا حاولت والله اني مااجيب خادمه واعتمد على نفسي في بيتي

واستغني عن الخادمة ولكن مو كل شي نتمناه نلقاه

جلست 8شهور تقريبا بدونها والان افكر جديا اني اقدم على سيرلانكية

لانه والله تعبت سارت حياتي دمار زوجي يبغاني فاضيتله ورايقه
وبناتي محتاجين ادرسهم

وطفلتي محتاجة لرعايتي
اخرتها قلت ماعليا خادمه خادمه
المهم اني اقدر اتكيف مع زوجي وبناتي واهلي
ودراستي
انتي شوفي حالي وانتي ادرى

ابكذب عليكم اذا قلت لكم اقدر

حاولت من غيرها بس ماقدرت

بصراحه انا احب النظافه الزايده وبعد عودت زوجي

وحتى بوجود الشغاله تلقيني اساعدها بالتنظيف احيانا رغم ان بيتي صغييير

ومافيه زود شغل بس ما احب الا كل شئ يتلامع علشان كذا من غير شغاله ما اقدر

هذا غير اني احب اهتم بنفسي

وطبعا من غير وجود شغاله واطفالي صغار ماعندي وقت اهتم بنفسي فيه

علشان كذا ما استغني عنها الصراحه

رغم ان هذي خامس وحده اجيبها كلي الي يجون مايكملون سنه ويهجون رغم اني مدلعتهم دلع والله

ولو اكل علك عطيتهم ههههههه

الحمد لله على كل حال

__________________

انا اكره اكره اكره الشغالات والله لا يحوجنى لهم يارب واجعلنى بصحتى وعافيتى ولا ادخل بيتى شغالة وتنام وتقوم وتاكل وتشرب وتشوف حياتى اليومية كاملة ومضايقتنى الله لا يحوجنى لهم ..
الحمدلله انظف بيتى وقت ما ابغى وارتب وقت ماابغى وبنتى انا اربيها على كيفى لا احد يدخلها الحممام وياكلها كله انا ما احب اصلا احد يلمسها غيري خاصتا في الحمام
الله يكفينا شرهم

الله يكون في عونك ياأختي زوج وأولاد وعمل طيب ليه ماتخلين الشغاله عند امك لوكانت في نفس المدينه وتودين اطفالك الصباح لامك وتاخذينهم الظهر مع غداك والشغاله تبقى عندأمك وتجيبنها كل خميس وجمعه تساعدك في التنظيف وهكذا أريح لك من مقابلها أربع وعشرين ساعه والله يكفيك شرها .......

اتفقى مع زوجك ان تكون لكما فتره تجربه ان تكونوا بلا خادمه
وان احسستى بالتعب لكى الحق باستقدام واحده

والله انا راسي بينفجر من التفكير انا الان عندي شغالة لها سنة تقريبا
واحيانا افكر اوديها ....
الله يدبرني علي فيه خير

والله كلامك هذا يخليني احس بعد اني ما اقدر

وبالنسبة للنظافة عاد تنظيف الشغالات زين احيانا والله توصخ ما تنظف