الفاضلة ( أم ولدها) أشكر لك مشاعرك النبيلة..

الفاضلة ( أم الجود)

أؤمن على دعائك...لا أراك الله حزنا في أبنائك..

غاليتي ( أم السوسة )...

الله يفرج همك حبيبتي ....أنا عندي شعور أن أبنائك بيرجعون لك ....ومستحيل الوضع بيستمر كذا...هم صغار..

ما في مجال أحد من كبار العائلة وحكمائهم يتدخل ويتوسط ..من أجل الأبناء؟!!...عندي كلام ودي أقوله لك ياليتك عندي على

الماسنجر..!!!

مشكورة عزيزتي على دعائك وقريب تفرحينا ...برجوعهم بإذن الله..

الأخ الكريم ( أبو أحمد)...

ما دام أنّ لنا (أخا في الله) مثلك....فلن ينسانا من الدعاء ...

دمت في حفظ الله...

الله يجمعك فيهم عاجلا غير آجل ويقر عينك برؤيتهم

ويصبرك ويعيينك قادر على كل شئ

اللهم آميـــــــــــــــــــــــــــــــــــــــــــــــ ــــــــــــــن

__________________
سبحان الله وبحمده...سبحان الله العظيم

أعانك الله حبيبتي و صبر قلبك


الله يرد لك ابنائك و يقر عينك بهم و يرد ابناء ام السوسة لحضنها عاجلاً غير اجل انه على كل شئ قدير

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

كلماتك زلزلت كياني ياشيهانة وبكتني من الاعماق ....اول مره ابكي زي كذا من شئ اقراه عالنت....اسأل الله لك الصبر وان يردهم لك عاجلا غير اجل..وما بأنساك من دعاء الليل باذن الله..الله رحيم بعباده...مريت بموقف مشابه ولمل ذقت مرارة هالاحساس اخترت الصبر بس اعيش مع بناتي..ياااارب لا تحرمني منهم وترد لكل محرومة اطفالها..
تقبلي مروري....

أختي العزيزه فعلا أبكتني كلماتك آنه أعيش نفس الوضع لكن عندي ولد من ذوي الإحتياجات الخاصه وعطيت حضانته حق أبوه بس غصبا علي وعقب ماطلعت روحي من السوالف اللي كان يسويها ودخلني حتى المحاكم عشان ياخذه مني على أساس يبي يعالجه حسبي الله عليه وعلى كل ظالم مايخاف من الله والله إني لما عطيته إياه أحس روحي طلعت آنه اللي مصبرني إنه عنده قدره كبيره على رعايته صحيا وحريص حيل وإنه مو عند ناس غرب أهو يصير ولد خالتي وكل يوم أدق على خالتي أسأل عنه وآخذه عندي يومين بنهاية الأسبوع لكن هالأيام كله أفكر إنه أرد آخذه كله أفكر إن هالإنسان دمر حياتي ودمر زواجنا وعفس حياتي وسلب كل شي حلو كنت أعيشه أهو تخلى عني وعن الحياة وياي وفوق هذا ماشبع عقب الطلاق سوى سوالف ما لها أول ولا تالي وآخر شي أجبرني أعطيه اللي طلعت فيه من هالزواج ولا لي غيره أحلى شي بحياتي ولدي يمكن يكون هذا الشي الوحيد اللي مخليني عايشه بهالدنيا ليش حتى يبي يحرمني من أبسط حق أقدر أتمتع فيه وأهو حقي إني أعيش مع ولدي مرتاحه بدون مشاكل عشان هالسبب أقول ليش ماأرد آخذه عندي بس صعب صعب حيل راح يذلني ذل ويفرض علينا أوامره وأرد بنفس دوامة المشاكل آنه منتظره يمكن تيي منه الله كريم

وأخيرا سامحيني أختي العزيزه على الأطاله بس موضوعج مثل مايقولون يه عالجرح وحسيت ودي أفضفض وإنشاء الله نبشر بعض يارب قريب برد أولادنا ردا جميلا آنه وإنتي وأختي أم السوسه وكل أم يارب محرومه من أبناءها داخل المنتدى وخارجه

الأخت الكريمة( عروس بالإسم)..

حقاً إن الله قادر على كل شئ ولذلك...نحن نظل متعلقين بالله... شكرا لك عزيزتي..

الفاضلة cutiepie

أشكر لك دعواتك ومشاعرك الدافئة...