السلام عليكم و رحمة الله و بركاته

عندي سؤال بسيط و حابة أشوف مين المؤيد و مين المعارض و إيش الأسباب ؟؟؟؟؟؟؟؟؟

إذا فرضا كنتي يا متزوجة تحاولي تبحثي دايم عن الجديد و المميز لزوجك

مثلا بطاقة من النت مميزة لزوجك ترسليها له على بريده

و أحيانا بيت شعر أو مسج على جواله و على فترات متقطعة و متباعدة

و هو في السنة مرة يرسل لك مسج و من الرسايل المنسوخة ههههههه

و جاء يوم و استقبلتي رسالة على جوالك منه و طرتي من الفرح لإن كلماتها حلوة و تعبر عن الشوق

و جاء في بالك إنه زوجك و الله افتكرك و اشتاق لك و أرسل لك مسج

و خاصة إنه صار له أشهر ما أرسل رسالة

و فجأة تكتشفي إنه الرسالة اللي أرسلها لك ، أرسل منها نسخ لكل فرد من أهله

إيش بيكون إحساسك ؟

ما راح تحسي إنه الرسالة هذه ماهي خاصة لك بشكل خاص

بس مجرد رسالة جاته و أرسلها بسرعة لكل اللي عنده في الجوال

ما راح تحسي وقتها إنه الرسالة مالها طعم ؟؟؟؟؟

لإن الصراحة صار لي الموقف هذا مع زوجي و قلت له كنت أحسب نفسي مميزة عندك مثل ما إنت مميز

عندي ، بس طلعت مثلي مثل غيري عندك

و لو ما أرسلت الرسالة لي كان أفضل

و لو ترسل مية رسالة لغيري ما راح أزعل بس ماتكون نسخة من رسالتك لي ؟

من جددد ما حسيت لها طعم

معاي حق أشيل في خاطري و لا لأ ؟

و يبرر لي زوجي إنه إنت زوجتي و ارسلت لك لإنك أحبك و أرسلت للبقية عشان وحشوني

قلت له لو إني مميزة عندك و لي مكانة ، لو كتبت لي كلمة أحبك تكفيني و لا ترسل لي رسالة

و ترسل منها نسخ لبقية الناس ؟

مو من حقي أزعل يا بنات ؟؟؟؟؟؟؟؟؟؟؟؟؟؟

مو قصدي زعل زعلللللل ؟؟؟؟؟

بس عتب و العتب من المحبة ؟

لإنه يقول إني ما يحق لي أقول كذا و أنا تضايقت شوي لإني ما عمري أرسلت لأحد رسالة أكون

مرسلتها خصوصي له

قلت له مانت فاهمني

فأبغاه يفهمني عن طريقكم