اهلين اختي بنت الحلوين .. والله مشكلتك من جد مشكله وماراح يتعب منها الا انتي .. زي ما قلتي الكتمان يولد الانفجار ..

لازم يكون فيه احد معين تنهارين قدامه <<< وش رايك بالتعبير ..

اقصد لازم يكون لك احد قريب منك ترتاحين له وتفضفضين وتبكين شوي وافضل شي الزوج ..

مشكوووووووره يا حلوه

- هل تحب دموع المرأه او تكرهها ..

على حسب الظرف اذا كان مفرح او سيئ

2- هل تعتبرها وسيلة ضغط عليك لتنفيذ طلبات لم تتحق ,,

اذا بكت لازم ننفذ الي تبي لاني احسها مقهورة ومابيدها غير البكاء

3- هل تشعر بانك السبب في دموع زوجتك وتحس بالتعاسه لذلك ..

اذا تسببت ببكائها اراضيها لانه يضيق صدري اذا بكت مقهورة مني

4- اي شي تود كتابته في هذا الموضوع لاتترد في كتابته ..

احيانا اعشق بكاء المرأة احسها حنونة ورقيقة لكن على حسب بكائها

السلام عليكم يا اخ زوج هناوي ..

في هذه الحاله لابد من توجيه سؤال خاص لك انت بالذات ..

هل هذه الاجابات كتبت بهذه الطريقه لان هناوي سوف تقراها .. يعني من باب المجامله .. <<< تدور الشر

ام كتبتها بعيدا عن المجاملات ..

ومشكور جدا على ردك وتفاعلك

مرحبا باختي ريوف الخبر ..الله يرزقك بالزوج الصالح .. طيب عادي شاركي في الموضوع من وجهة نظرك مو لازم تكونين متزوجه

احبها اذا سبقتها هي الي تستنجدني وتستعطفني ودموعها على وجنتيها ,واكره هذه الدموع اذا حاولت

تحسسني انني السبب في نزولها ,اما اذا كانت هذه الدموع امام اطفالي فيولها ويسود ليلها على قوله

المصاري

__________________
ومامن كاتب الا سيفنى ويبقي الدهر ماكتبت يداه فلا تكتب بيدك غير شي يسرك في القيامه ان تراه

زمان كنت استخدم دموعي للحيله عشان اوصل للشي اللي ابغاه بس بعدين انتبهت ان زوجي كان يتسلف عشان يرضيني ووقفت عن هذي العاده الشينه

واخر مره نزلت دموعي بقهر وجد كان برمضان اخو زوجي الله يهديه طرد اخوي من البيت وانا مو موجوده رجعت من المول سئلت عن اخوي وزوجته قالت الشغاله انهم طلعوا لشقه لحالهم انا استغربت اتصلت على اخوي قال ابيكم تاخذون راحتكم بعدين قالت لي زوجته انهم انطردوا من البيت ما حبيت اوضح لزوجي اني مقهوره عشان لاتصيربينه وبين اخوه خناقه بس مره عصب علي ليش ماسويت لاخوه شغله وكنت وقتها مشغوله مو عناد صرخت في وجهه زوجي وكانت اول مره ابكي فيها بحرقه وعصبيه وقلت انا ماقلت لك عن هذا الشي عشان لاتصير بينك وبين اخوك خناقه بس انو تصير خناقه بيني وبينك عشان اخوك انا ما اقبلها ومن يومها وهو يحاول اني ما ابكي

ربي يحفظك لي يازوجي ياحبيبي

البكاء عندي مزاج ..لولي مزاج ابكي...اخبطيني بس و شوفي السيوول
ولومالي مزاج ماا ابكي لو ابش ماصار
ا اعتقد لو بكيت راح يتأثر
الله لا يجيب الدموع و يهني كل زوجين ببعضهم ياارب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

حلو يعني انت تعطيها الاذن بس بشروط .. مشكله طيب اذا جت البكيه قدام الاطفال كيف تمسكها ..

اهلين اختي توته زوجها .. اوف اوف كويس انك وقفتي عن هالعاده .. كل شي الا السلف ..

الله يسعدكم ويهنيكم يارب

ههههههه حلوه على المزاج .. اجل مو انا لوحدي .. انا مثلك .. لو كان لي مزاج اسوي مسرحيه .. وكان فيه وقت .. والجو مهياء نعالي شوفي اصير احسن ممثله ..

الله يهنيكم ويسعدكم