أشكررركم جميعا على المرور

شكرا لكي أم جمانة .. أخي في الله .. أم خالد .. عزوبي بس رجل . ملك شادي . سابرينا . Reen222

مدمنة المنتدى . بنت طيبة الطيبة . ساندي حبيب . فيافي نجد . حاملة الهم

يعطيكم العافية . ولكن صراحة أستغربت .. الكل يعاني في الصباح الباكر .. وأنا أتوقعت إني لحالي ... أو إنه سوء تدبير مني

بجد أتفاجأت .

خليني أقول لكم إيش اللي صار معايا

طبعا من أمس .. لأني كنت مرررة متنرفزة من بنتي .. وماعندي أستعداد أكمل السنة بدي الطريقة

ناديتها هي وأختها وسوينا الجدول مع بعض .. الله يعطيكي العافية يا أم جمانة على الإقتراح .. ويجعله في موازين حسناتك


ومن أمس فهمت بنتي إنو الساعة ستة لازم تكوني مخلصة ..هيا عليها تخلص أمورها في الحمام

والصلاة . وأنا أسويلها الفطور وألبسها وأسوي شعرها .. وبعدين عليها تفطر على السريع ..

وكان هذا أتفاقنا . .

اليوم صحيتها ووصلتها للحمام .. ورحت أسوي الفطور ..

وجلست في الحمام كالعادة .. وماطلعت إلا ستة إلا عشرة .. على ماصلت وما أعرف إيش صارت ستة

نزل أبوها قبلها وهيا لسة ما فطرت .. يادوب فطرت بسرعة .. وجات تاخذ شنطتها وطالعة

وكل هذا وأنا كااااااااتمة غيظي على هادا البرود .. قالت لي مع السلامة .. قلت لها مع السلامة

وترا مافي نجمة لأنك ماخلصتي ,,

كشرت بوجهها وزعلت .. ونزلت .. والله حزنت عليها لكن في نفس الوقت مقهورة منها

طبعا أختها أسرع منها ماشاء الله خلصت كل أمورها في ربع ساعة .. وجلست تفطر على مهلها إلى أن

جا أبوها ووداها للمدرسة .

وأعطيتها نجمة .

ولما رجعت لجين من المدرسة .. وعلى العصر جلست تبكي تقول لي ليش ما حطيتيلي نجمة وما أعرف إيش ... وضحت لها السبب وقلت لها بكرة كوني سريعة وأحط لك نجمة ..

أنا مبسوطة إنها أهتمت .. ماكنت متوقعة كدا .. أتوقعت إنو ولا تفرق معاها .. ويارب على طول ..

أشكرررركم على المرور .. ويارب يهدي أولادنا ..

اختي ام جمانه

في مقوله ااحنا دائما نرددها قدام اولادنا

وهي اني رميت طوبته
هذه و حتى امام انفسنا

و اني اتركه و اني مالي دعوه فيه و اتركه
هذا طفل حتى لو كان مراهق

في اطفال لازم تاكديله يوميا انك وراه وراه
في حل الواجب و الصلاه و النوم و الصحيان واللبس
ابدا ما نتركهم على راحتهم

لانهم ياثرو علبقيه ويسهلو حركات التمرد و العصيان
و الدليل جمانه تشوف اخوها حصل على الي يريده


اختي ام لجين مستغربه لامر واحد بنتك عمرها 8 سنوات و نص و انت تلبسيها

ممكن شعرها انت تعمليه بس اللبس غريبه او حتى ان تعدليه لها
بس انك تلبسيها هذه غريبه
اذا كلشي عملتيه لها حتتعود

خليها ترتب سريرها و تحظر مريولها وتعلقه من ترجع و من تصحى تحط بجامتها مكان مريولها
وتطلع دفاترها بنفسها وتقعد تكتب باشرافك
حترتاحي وترتاح هي كمان

الغربة مره

أهلا فيكي حبيبتي شرفتي موضوعي ..

صادقة المفروض تلبس بنفسها .. لكن مريولها من النوع اللي قطعتين بلوزة وشيال

وما تعرف تلبسو ولا تعرف تسك السحاب لنفسها عشان كذا أنا ألبسها المريول وهيا تلبس الشراب والجزمة

والشنطة تحطها على ظهرها ..

وأنا كذا ويالله نخلص .. يعني عليها فقط الحمام والصلاة والفطور .. وتاخذ في دي التلات شغلات ساعة إلا ربع

أجل لو أخليها كمان تلبس مريولها والله لا تلبسو في نص ساعة ..

أغلب الأيام ما يمديها تفطر وتاخد فطورها في الباص ..

والله مدري ياأختي .. أنا ما يعجبني أسلوب البرود .. وأحيانا أحن عليهم وأقول خليهم يتدلعو

لو ما أدلعو وهما أطفال متى يعني ؟؟

مصيرهم يكبرو ويشيلو مسؤولية ..

لكن أنا اللي بتعب بصراحة ..

فوق طاقتي ..

وأبوهم يبغى الصباح يكون هدوء .. بدون نكد وخصام وصوت عالي .. يعني حتى لما أصحيهم ما أعلي صوتي

ويبغ نكون متفاهمين ..

كيف أوفق بين الأثنين ؟؟ ....

اليوم الحمد لله أبشركم أخذت نجمة ... خلصت قبل موعدها بثلث ساعة

معجزة دي شكلي راح أحطها في موسوعة جينس ..

أتحمست للهدية وتبغاها بسرعة ..

شكرا على مرورك

ماشاء الله تبارك الرحمن إنجاز خاااااارق

ألف ألف مبرووووك وعقبال كل يوم وعقبال ولدي



بس خلاص ارتحت منه أبو جمانة الله يحفظه لي لماشاف عصبيتي وقلت له انا مو عارفة اتصرف معاه أخاف أعقده لأنه في فترة مراهقة


قال خلاص من بعد اليوم اتركيه عليّ أنا بتولاه


يعني ياأختي الغربة مرة رميت طوبته على قولكم

والحمد لله فررررررحت

__________________

الله يعينكم على تربيتهم

يمكن المشكله في المريول

المدارس همها الشكل و كل ما كان المريول معقد كلما اتميزت


يعني من واجبهم يفكروا ان هلمريول للاطفال وانهم يعلموهم كيف يلبسوه
في مناهج الاطفال هنا من صف التمهيدي
يعلموهم
لبس ملابس المدرسه
فيغيروا للرياضه بنفسهم ويرجعو يلبسوملابس المدرسه

استمري على تشجيعها يا اختي و كثيري من هلنجمات
احسن ما تطلع لنا النجوم في عز الظهر

،،،،،،،،،،

رميتي طوبته ،،،،،،يا ام جمانه

ما اصدق

تلاقيكي و انت تشوفيه هو و ابوه و تسمعي كلامهم بتعملي مثلي
تدلي بدلوك

كل ما اقول اتركه لابوه قلبي ما يطاوعني خاصه ابوه مشغول

فصعب صعب اتركه

يضيع الولد ،،،،،،،،ويضيعنا كلنا

الله المستعان

والله التربية صعبة

شيلتووووني الهم من بدري

الله يجزاهم خير أمهاتنا

والله يعييننا على تحمل المسؤلية

والله يحعل جهودكم في موازين حسناتكم