محتارة ساعدونى (أم أدهم)
للى عارفين موضوع طلاقى ..........
أتصل زوجى والله ماعارفه اقول زوجى ولا طليقى ولا ايه
المهم اتصل اليوم
وماما هى اللى ردت قالها هى ماردتش ليه هو افتكر انى ماقلتلهم فابيشوف وبيتاكد المهم سال عن بنتو وقال لامى انا بعملها الورق انى اروحله وقالها كمان اسالى ازاى البنت تكون معايا تضاف
انا قلت لامى لا انا مش عايزة اروح انا حاسه انى كرهته خلاص
حاسه جوايا شخصين حد ساكت وراضى وبينسى والتانى بيقول لا اوعى توافقى حتى لو على السفر
لانه اسلوبه اتغير معايا
ماما بتقولى البعد بيعمل جفا وعلشان بنتك
انا اقولها بنتى مش هتنفعنى لما اعيش مقهورة
المهم انا دلوقتى
محتارة حتى التفكير مش عارفه افكرة
اكيد اكيد هيتصل تانى وطبعا مش هرد لكن معقول بالسهل كده بيتصل ويعمل ان مفيش حاجه عملها
لا ويقول لامى هى لسه برضو على اللى فى دماغها على اننا ننفصل واحنا يعتبر انفصلنا
المهم فى الاخر قالها انه بيعمل الورق
يااااااااااه الانسان لعبه للدرجه طلقنى ..طلقنى بكل سهوله
قرر يعمل ورق اتصل وقال وانا كانى هرضى باى حل
او انى تحت امره ومشاعرى مابتتغيرش من ناحيته
معلش لو كلامى مش مرتب انا بفكر معاكو بصوت عالى
ومحتاااااااااارة اعمل ايه لو اتصل وقال لماما هاتيها ازاى بكل سهوله كده
ومجرد انى ارد هيتكلم معايا ولاكانه عمل شىء ابدآ انا عارفه اسلوبه كويس
وليه رجع يتصل معقول فكر وندم ولاايه هو قال لامى انه حلم ببنته علشان كده اتصل
ياريت اللى يقدر يقولى اتصرف ازاى يقولى
معلش طولت عليكم
__________________
التعديل الأخير تم بواسطة أم أدهم ; 20-11-2008 الساعة 05:43 AM
20-11-2008, 05:36 AM
ضوابط المشاركة
العرض الشجري