المشاركة الأصلية كتبت بواسطة ^^om Omar^^

هلا فيج إختي Lovepeaceangel
أذكرج إختي رديتي على موضوعي سابقا وأذكر كلماتك لي كانت رائعه والمشكله إن الأمور كلها كانت عاديه وكان الموضوع ولدي حضانته عندي وأهتم فيه وبرعايته بالبيت وتعرفين الرعايه مع الطفل ذوي الإحتياجات الخاصه وكان أهو يايب ممرضه حق ولده بس ماتعرف كل شي بس اللهم تساعدني بشي بسيط وكان أهو يوديه علاج طبيعي وعقب قام إيي الدكتور البيت بس لوإحتاج طبيب أو يبي يشوفه ياخذه عقبها قال وديه علاج طبيعي أهو يومين وإنتي 3أيام بس قلتلهم ماأقدر لأني ماأنام بالليل معاه وتعبانه معاه بالبيت عصب وخذا الممرضه مني وعشان شوي صار كلام عقبها من ناحية أمي إنه ليش سوى جذي ومن هالكلام دق وصرخ على أمي وقال كلام بايخ وقلة أدب وبعدها تكلم علي عند خالاتي وتكلم على أمي وقال إنه فلوس نفقة ولده ناخذهم حقنا وقلتلهم خلاص أوديه بس لا ينزل الفلوس حق ولده بحسابي عشان لا يتهمني إني آخذهم عقبها ياب ورقة من محامي مكتوب فيها إن لازم أعتني بالولد وأوديه علاج طبيعي وإذا بغى ياخذه حق السفر اعطيه إياه وإذا رفضت راح ياخذ حضانته ومن هنيه بلشت سالفة المحكمه وأدري طولت عليج سامحيني لكن عشان أوضح الموضوع ووالله ماكان ودي يصيراللي صار بالعكس كنت بس قاعده أعد الأيام على أمل إنه يرجع لي
وأخيرا جزاك الله ألف خير إختي على كلماتك ودعواتك الطيبه