أبكي و لا أحد يسمع صوتي
السلام عليكم
انا حابه اعرض لكم مشكلتي :
انا عمري 21 ادرس بالكليه وتخصصي صعب مره
اعيش مع امي وابوي وانا اصغر بناتهم
وكل خواتي متزوجات حتى اخواني
صحيح قريبين مني
بس بعيني اشوفهم بعاد
مقدر اشكي لهم ولاحتى لامي ولابوي
وكاتمه كل شي بخاطري بس اشوف عيون احد من اهلي ودي اشكيلهم
ودي ارتمي لامي وابكي لها الي بخاطري بس حتى هي تقول انتي كبرتي يابنتي
وحتى لما ابكي لها تبكي معي وامرض بزياده وحتى ابوي لما ابكي له يمرض ومره دخل المستشفى وقال بكاك امرضني واحيانا يبكي على حالي ويقولي بس امرضتيني معك واندم واقول لهم خلاص معد ابكي وفعلا اكتم كل شي بنفسي
انا احس اني بعدي صغيره بس الكل صار يشوفني كبرت
من يوم بديت ابلغ حسيت كل الدنيا تغيرت امي معد صارت تروح معي لا للمدرسه وحتى الكليه لما احتاج شي ماتجي تقول واجهي الدنيا وحتى ابوي لما اقول اتصل وكلم العميده يقول رجعتي زي اول ابتدائي
مقدر اواجه كل هالدنيا انا مو قويه جبانه واعرف اني جدا ضعيفه
غير كذا اني بس ابكي ليلي على نهاري حتى بصلاتي سواء فرض اوقيام ابكي
انا الان على علاقه مع شخص وابي اتركه مع اني احبه وابيه بس اعرف ان هلي لايمكن يوافقون عليه لانه مب من مدينتي ولان هو الوحيد الي يسمعلي ويقول لي اشكي لي المهم انا عارفه اني غلطانه لاجل كذا قلت له ياولد الناس ابعد عني ولاني تعلقت فيه وصرت بس ابكي بس انا مقدر اقول لاحد بالي في صدري
مدري هي عين والا هو انا مالي احد وتعلقت فيه لانه الوحيد الي يسمعني
مع العلم اني من قبل وهذا هو حالي بس بكى ليل ونهار
التعديل الأخير تم بواسطة غـاليــة ; 27-02-2009 الساعة 12:50 AM
26-11-2008, 04:19 AM
ضوابط المشاركة
العرض الشجري