الف مبروك على البيت الجديد

والله يكتب لكم فيه السعاده والراحه يارب



برائي لا لاتدخلي احد غرفه نومك


لانها خاصه فيك وفي زوجك


ماتدرين سبحان الله يمكن وحده تجي نفسها فيها بقصد او بدون


الدنيا ماعادت مثل اول الناس صارت تحسد وهي ماتدري انها تاحسد


انا انصحك من قلبي انك ماتدخلي كل من درا بيتك لغرفتك

وعن تجربه شخصيه

__________________

أنا ما أفضل هذا الشيء

أذكر مره وحده كانت تورينا بيتها الجديد ودخلتنا على غرفة النوم

أنا حسيت باحراج وودي لو إنها مادخلتنا

الغرفة ماكان فيها شيء اثاث وفرش وكذا ولكن

مادري أحسها خصوصية يعني مثلا حتى الأم والأخوات وأم الزوج واخواته أحسها مو حلوه أخذهم في جولهم وأوريهم غرفة النوم

ممكن يدخلونها لضروره ولا أنا ناديتهم لشيء لكن جولة وفرجة مالها داعي

انتي قولي الأذكار وحصني نفسك والعين عين والناس تحسد من غير قصد للي ما يذكرون الله


وانتي وراحتك
وألف مبروك وربي يجعله منزل مبارك

بالنسبة لي لا أسمح لأحد يدخل غرفة نومي لأن لي بها خصوصيات لا أريد أن يطلع عليها أحد سوى زوجي
مثلاً
أنا موزعة عبارات رومنسية في إطارات الصور لزوجي فقط ومعلقة شهادة حب لزوجي وأشياء أخرى تخصني أنا وزوجي فقط

واخواتي على كثر مايجوني مادخلوا غرفة نومي إلا أول ماسكنت ولا يطلبون مني دخولها لأنهم مقتنعات مثلي بهذا المبدأ ولا حاجة لنا بدخلوها أصلاً ..

لابد أن يكون هناك خصوصيات لا يطلع عليها غير زوجك

الصرااااحه كثرة الوساويس موحلوة ...
العين حق فعلا وهذا ماعليه كلام ... لكن يااخواتي الحسد في كل شي موبس في غرفة النوم يحسدون الطفل ولعبته وممكن يحسدون شنطه انتي ماسكتها ...
وبالنسبه للسحر احس غير لائق اننا نفكر فيه ... لان الحمدلله كل انسان يعرف معادن اصحابه ... والسحر ياجماعه مومسالة نقاش ابدا بالنسبه لي ولاافكر الحمدلله ان احد اعرفه واثق فيه ممكن يسوي لي سحر ... الدنيا بخير ...

لذلك يااختي ماعليكي الا ذكر الله واذكار المساء والصباح ومن اول ماتسكني البيت لازم تشغلي سورة البقرة لانها باذن الله تحميكي من كل شر...
يعني بالنسبه لي ادي لوسكنت بيت بفرج كل صديقاتي واهلي واهل زوجي على الغرفه ... وفي نيتي انهم اكيد بيفرحون لي ويدعون لي بالخير ...

اما بالنسبه للخصوصيه ... فاتوقع ان الخصوصيه في الدولاب مومنثورة على السرير ؟؟؟
وبالنسبه لراي الاخت جرين انها تقول لاتنظفي البيت او اهمليه شوي لما يجيكي ضيوف ... فانا ضده تماما لان موهذا الشي اللي بيحميني من العين ابدا ... وماتسوى علي ساعتها عين وفشيله ... الابيقولون والله ماتستاهل بيت عدل ويهبل وهي مخربته ...

بصراحة انا شايفة الموضوع غريب شوي

يعني اذا مشان العين شمعنى غرفة النوم بالزات ؟؟

و بعدين رسول الله صلى الله عليه و سلم علمنا الأذكار التي تحمي من الحسد

منقولها صباح و مساء و منتوكل على الله و خلص

و علماء البرمجة اللغوية العصبية بقولوا انه ما بنصاب بالعين الا اللي خايف منها و موسوس لدرجة اني كل ما فكر انه حتصيبو عين بتصيبو لأني فكر فيها

انا لا أؤمن بكل هذا الكلام في البرمجة اللغوية العصبية لكني أفكر أحيانا انه لو كل ما صابني اعتبرتو عين فسيكون الأمر سخيف بصراحة لأن الحياة لا تخلو من المشاكل و ربما المصائب و مو شرط كل ما صار فينا شي نحطو برقبة الناس

هذا رأيي و أتمنى ان تقبلوه

__________________
.
.

استودعتك أهلي في سوريا يا من لا تضيع ودائعه

هذه حاجه خاصه فيك
اذا تحبي توري او لا
والرئي الاول والاخير في هذا الموضوع هو لك انتي وبس
وشوفي نفسك اذا عندك عادي عادي واذا لا لا

الموضوع يخصك

__________________

هلا اخواتي

انا احب اوضح موقفي

انا طبعا ومافيها جدال مع انه العين حق . ومؤمنه بها وبعد مؤمنه بالسحر

طبعا جميعها مذكوره بالقران

لكن مو لدرجة الوسوسه

وطبعا الي احبه يتفرح في بيتي لازم اكون اعزه واعرف انه يحبني

ومافيها مانع غرفة النوم

لكن اللي احس انه حاسد والله اعلم بالي بداخله ويااااكثرهم

حده ياخذ حق الضيافه ويطلع ...

...............
هذا موقفي
بس حبيت نشوف مواقفكم مع غرفة النوم والضيوف

وانا اقصد طبعا بكلامي الساكنين الجدد لانه طبيعي الضيوف يحبون الفرجه لما يزورنك

وهم الي بيطلبون حتى لو انتي ماعندك نيه

لكن الي ساكنه بيتها من فتره طويله

لا طبعا مافي احد بيحرجك ويقول يافلانه مافرجتينا على بيتك ؟ طبعا بعد الجلوس لفتره وبعد القهوه

,,,,,,,,,,,,,,,,,,

مافكرت اكتب الموضوع..... الا لما شفت الاخوات الي اعرفهم يشددون علي
الا غرفة النوم انتبهي انتبهي ..!!

وكأن العين ماتجي الا من غرفة النوم؟

بس زي ماوضحت احد الخوات هنا باحد الردود انه القصد السحر اكثر من العين لانه كل اثرك بغرفة النوم
و
انا الحمدلله في مجتمع بعيد كل البعد عن السحر والشعوذه
وهذا من فضل ربي

وبسسس

واشكركم كلكم واشكر الخوات الي باركووا لي
واقول
الله يبارك للجميع والعاقبه لكم في بيت ملك جديد تتهنون فيه
انتم وعوائلكم الكريمه

حبيبتي عشان العين والنفس وبصراحة آنا مااآحب آحد يدخلها عشان الخصوصية وملآبسي ومرة دخلت بنت خالي غرفتي وآنجنت عند الريحة وكلما قعدنا مجلس قالته وآخاف ع نفسي من العين ..

__________________
وإني لأرجو الله حتى كأنني ... أرى بجميل الظن ما الله صانعُ .

لا أحب أن أفرج أي شخص على خصوصياتي

بالنسبة لي أفضل أن لا يدخلها إلا أمي و أخواتي
و إن كان هناك سبب مقنع

أما بالنسبة لمسألة إن بيتك جديد
ففعلا عندنا تقليد انو نفرج الأقارب على البيت

بس كثير من اللي أعرفهم
صارو يسوون هالشي قبل لا يكتمل أثاث البيت
بمعنى و هم في بدايات التأثيث
عشان مايعرف الآخرين خصوصياتهم في طريقت عيشهم و أثاثهم و حياتهم اليومية

أختي العين حق
فلا تبالغي فيما تظهرينه أمام الناس من خصوصياتك
و أيضا لا تتشدي لدرجة الوسوسة

أسأل الله تعالى أن يرزقكم السعادة و الهناء في مسكنكم الجديد
و أن يحفظكم من شر كل حاسد

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

اول مره اسمع بهالشي

منكم نستفيد

__________________