السلام عليكم ورحمة الله



كيفكم حبيباتي

يشهد الله اني احبكم في الله وانا استفدت منكم مرررررة كثير وجيت اليوم أرد الجميل

طبقي انا اخذته من منتدى ثاني للعضوة لولاتو وطبقته امس وطلع مررررررررة خطير قلت لازم يشوفوه أخواتي هنا

المهم بعطيكم الطريقه لكن سامحوني ماصورت الخطوات لاني كنت أكلم اهلي بالماسن ومرررة حايسه
اوعدكم لو عملته ثاني أنزل لكم الخطوات

هذه أول صورة للطبق (( الصور من تطبيقي انا))



المقادير /
صدور دجاج مقطعه شرائح- فلفل رومي شرائح- بصل شرائح- زيت زيتون- عصير ليمون-3شرائح جبنه كرافت- فلفل اسود-ملح -كمون
____________________
الطريقه
تتبلي الدجاج بالبهارات (فلفل اسود وكمون وملح) وعصير ليمون وزيت زيتون لمدة عشر دقايق
بعدين تجطي الطاوه على النار وترشي زيت زيتون وتبدأي تحمري الدجاج من الجهتين الى ان يستوي
بعد كذا تخرجيه في صحن عشان يتصفى شوية من الزيت
بعدين في نفس الطاوة تحمري البصل مع الفلفل الرومي وانا اضفت لهم اوريجانو وعصرة ليمون اعطاهم طعم خطير
بعدين تحطي الدجاج فوقهم شوية بس
وبعدين ترصي في صحن التقديم شرايح الجبن وترصي فوقها الدجاج وفوقها البصل والفلفل الرومي وتزينيهم بالبصل الاخضر وتدخليها المايكرويف ثواني بس عشان تسيح الجبنه

وهذه صورة اقرب للطبق


__________________________________________________ _________________
ثاني طبق هو الماش بوتيتو كلمة روعه قليل عليه
وهذه صورته



المقادير مع الطريقه
تسلقي مكعبات البطاطس في قدر وتضيفي عليها رشة زيت زيتون
بعد ماتنسلق وتنشف مويتها تضيفي ملعقه زبده اسمها shedds spread

وبعد كذا تضيفي شوية حليب سائل وملح
وتهرسيها بالشوكه
وتحطيها في زبديه تاخذ شكلها وبعدين تقلبيها في صحن التقديم
وهذه صورة جماعيه للطبقين



وبالعافيه على قلوبكم يارب

انتظر أرائكم