بسم الله الرحمن الرحيم
السلام عليكم ورحمة الله وبركاته
أخيرا اكتشفت سبب صراخ ولدي عمره 8 شهور تقريبا الله يحفظه
دائما اصحى من النوم مفزوعة من صراخه وأسمي عليه ويبكي وأشوف دموعه حبيبي
وأقول لأبوه الولد يبغاله قراءة حاول ترقيه يقول طيب
المهم قبل يوم كنت نايمة وهو نايم مكانه وسمعت صراخه مثل دايما وهديت عليه حتى سكت ورجع نام
ورجعت كملت نومي وبعدها صحي كمان يبكي وهديته وسكت ونام
بعدين طار النوم من عيني وكنت زي ماأنا على السرير بس صاحية ونايمة يعني بغفي شوي
وأسمع صوت الولد يصرخ وفزيت على طول وألاقي ولدي الثاني يجري على غرفته استغربت
وسميت بالله وقلت لا ماراح اغمض عيني وزوجي يقولي شفت شي يجري قلت ولدك ماادري اش يبغى
وبعدها بشوي شفته دخل الغرفة بهدوء وجا لعند أخوه ومسك ايده وعضه وجري على غرفته
ماشاء الله تبارك الله على هالولد وشقاوته
انجنيت وانقهرت منه مااعرف ليش يسوي كذا في أخوه والله تعبت معاه
مبهدل اخوه وما يخليه في حاله اعطوني حل الله يسعدكم
لما خبرت ماما قالت لي شكله غيران ليش اخوه معاكم في الغرفة وينام معاكم
طيب مستحيل اخليه ينام مع اخوانه لأنه بيفتري فيه مضبوط
هو بيكمل 3 سنوات بعد 3 شهور وانا بحزن عليه لأنه ماكان كذا قبل مااجيب اخوه
اتغير مرة وصار صعب علية اتعامل معاه ا بالهدوء ولا بالخصام
اللي مروا عليهم اولاد غيورين كذا كيف اتصرفتوا ولا اتحملتوا زي كلام أمي ولما يكبروا يعقلوا
ولا كيف اتصرف معاه اعطوني حل ارجوكم
الله يهديه ويصلحه ياااااارب
تحيــــــــــــــــــــــاتي
24-02-2009, 07:06 PM
ضوابط المشاركة
العرض الشجري