طلاقي دمر نفسيتي - الصفحة 3 - منتدى عالم الأسرة والمجتمع

04-05-2009, 05:38 PM

ورد الهوى

عضو جديد

تاريخ التسجيل: May 2009

المشاركات: 12

طلاقي دمر نفسيتي

بسم الله الرحمن الرحيم ...

السلام عليكم ورحمة الله وبركاتة ..

لا اعرف من اين ابدأ .. بصراحة انا ماعندي مشكلة يمكن فضفضه اكثر من انها مشكلة ..

لكن سأقولها باختصار .. انا فتاة عمري الان 23 سنه ..

قصتي بدأت لما اتخرجت من الثانوي بعد اسبوع فقط من التخرج جاني عريس ..

انا في البداية كنت رافضه لان اشوف نفسي صغيره على الزواج كان عمري 19 بس العريس كان يبي الزواج بعد سنه انا وافقت الكل مدح لي العريس والكل فرح لي ..

على طول ملكنا على بعض وقال ان الزواج بعد سنة كنت مبسوووطه .. بس في نهاية السنة الاولى صارت مشكله مع اخت العريس تدخلت في شغله ماتخصها بس هو وقف مع اخته وجلس زعلان مني 3 شهور المهم بعدها امي سوت عمليه وكلمني عشان يتطمن على امي بس صار بيننا حدود يعني مايتصل الا نادرا ولا اشوف منه رسائل ولا شي ..

جلسنا 3 سنين مملكين بعدها صار الزواج وانا عمري 21 اتزوجنا وبعدها سافرت ماليزيا وكنا مبسوطين بس بعد 7 شهور من الزواج بد|أ الجفا منه كل ما احاول اقرب منه يبعد عني كنت ما اشوفه الا وقت النوم

انا كنت عايشه معاه في الطايف ننزل كل نهايه اسبوع وانا اروح عند اهلي في جده وهو عند اهله واجي احيانا شهر عشان دراستي المهم صار بيننا جفا الى درجة مافي كلام بيننا اسوي له الغدا يروح ينام يصحى الساعه 10 الليل يتعشى او يطلع مع اصحابه ويرجع يجلس على الاب توب الى 4 الفجر وينام

كذا كانت حياتي حارمني من كل حقوقي ولما حاولت اني اطالب بحقوقي صار يحط اللوم علي بس انا وقتها صرت اشك في جلساته على الاب توب وشفت انه يكلم بنات وقتها ماعرفت ايش اسوي كان عندي دراسة قلت خليني اخلص 3 اسابيع وبتفاهم معاه جيت عند اهلي عشان الجامعة وقتها انا كلمت ابوي لان ماقدرت اتحمل حاولت اكثر من مره احل المشكله معاي بس هو رفض يتكلم معي لما كلمت ابوي ..

ابوي كلمة عشان يتفاهم معاه بس هو ماجا ورسل طلاقي على جوالي وكذا انتهى كل شي من غير مايكلمني او يتفاهم معاي او مع ابوي ..

بس وقتها كنت مصدومة ماتوقعت يصير معاي كذا ابد ..

اتضايقت جدا بس حاولت اني اتماسك وما انهار ..

والحين لي سنه وانا مطلقه اتقدم لي عريس بس انه متزوج وعنده 4 اطفال انا رفضت ..

واتقدم لي عريس ثاني بس اتراجع مدري ايش السبب ..؟؟

والحين لما اسمع انه زوجي السابق بيتزوج اتضايق مدري ليه ..؟؟

احس ان صاري هالمشاكل وانا صغيره وماكنت واعية بس الحمدلله على كل حال ..

مو عارفه ايش اقول بس ابي اتكلم مالقيت احد ..

اتمنى اسمع ارئكم انا في انتظاركم ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 04:49 AM.

روابط سريعه