المشاركة الأصلية كتبت بواسطة *البائسه*

انا سكت وتحملت
مابي اهضم حقه ولاابي اضلمه
مابي اكون ضالمه ولا ابي اكون مضلومه
بس سواته معي مايسويها اي مخلوق

لدرجه انه جاني بالعيد وحاول ينفرد فيني بحجة انه زوجي يوم راح الكل بيته جى وطلب مني اجيب له مويه يوم راحت وياليت مارحت
حاول انه يتمكن مني بس ربي سبحانه اعطاني قوه مدري منين جتني وصرت اقوى منه وانفلت منه
خوفني بسلوبه ذا

كرهت الزواج دام اولها كذا

وقررت الأنفصال


لأنه تجاوز حدوده كثير مشكله لاصار الطيب بهاالزمن اطلقو عليه كلمة خبل

كرهني بشي اسمه زواج وزوج حنون

لاعدت ابي اتزوج ولا ابي استقر لامعه ولا مع غيره

خلاص طابت النفس من شي اسمه زواج الزواج استقرار زوج حنون حياة سعيده وانا ماحصلت هذول كلهم


اخواني وربي ردودكم تشرح صدري بس وش اسوي ماقدرت افهمه
وسويت الي قلتولي عنه ادري رفعت ضغطكم بمشاكلي
واسلوبي مع زوجي

بس خلاص انا تغيرت من يوم حاول ينفرد فيني ويستغلني

انا هنا صحيت

ولا عاد يهمني الحين رضاهـ

ومن يومها ماكلمته يتصل ولا ارد عليه يرسل ولا ارد

واخر شي سويته كتبت له رساله ورستها له (( ارخصتني بفعالك اليوم يازين ماعاد له داعي وجودك بحياتي ارحل وانا برحل ماعاد لصبر بداخلي حدود اطلق سراحي ماعاد لك عندي مكان ودور على غيري جعله بيوم ينفعك \ ياليت تطلق من غير اي محاولات والمهر كامل فوقه هديتك الي جبتها ومعها صورتك و منك ماابي شي غير فرقاك وفرقاك هو غاية مرادي))

وقفلت الجوال وقفت الشريحه واخذت لي شريحة ثانيه ادرني ان الوضع هذا مايعجبه بس ماعلى منه كرهت من سواته معي

والى اليوم وهو يحاول مع اهلي انه يبي يكلمني وقال لمي قوليلها رسالتها الاخيره هزتني

خلها تهزه لين سنه قدام

والحين زاد مهري 60 الف يحسب لازاد المهر برجع لو يحط وزني ذهب ويجيب لي بيت ومصروف شهري ويسفرني لكل مكان
ولو يحط العصمه بيدي بعد مارجعت له
وخله جعله يطيح بوحده غيري ماترحمه لادنيا ولا اخره



مع العلم
اني ماعرمي طلبت منه لاهدايا ولا مصروف شهري
قالي عطيني رقم حسابك ارسلك مصروفك قلت له لا يوم اكون بيتك انت ملزوم مني
ابوي مو مقصر معي بشي
وشينه بحق ابوي اخليك تصرف على وانا تحت جناحه


وهذي حياتي معه
وعساه يطلق بسرعه لأني خلاص كرهته وكرهت شي اسمه زواج

المشاركة الأصلية كتبت بواسطة نـواف

كفووووو يالبائسه . . ورأي سديد . . هذا لايمكن يطااااق .

أنا أعرف كثير من زملائي مهملين جدا وحقوود على الزوجه واناني . . بس يطلع من الدوام ينام وبعدها سهر في الاستراحه مع زملااائه الى نصف الليل ..!! قمة الانانية

جفاء ووقاحه لأبعد الحدود . .. أنا أذكر بعض وفئه قليله من الشباب . . هم سبب دماار البيوت . . وسبب تعاسة زوجاتهم

لدرجة ان بعض زوجات زملائي تتصل فيني وتشتكي لقربي من زوجها !! لكن ماذا أقول له ؟؟

هل أخبره ان زوجته تبكي وتشتكي من أفعاله !!! ماهي ردة فعله !! هل سيقول زوجتي خائنه ! أو انا خائن ..

هناك مواقف محرجه لاتعلم ماذا تفعل في اصلاحها بسبب شكوى الزوجات لأزواجهم . . ولا ترى الا صديق زوجها تشتكي له !!

الزوج في فترة الخطوبه يبين مايميزه ويحاول ان يكون حاتم في كرمه و امرئ القيس في قصائده ورومانسيته وقيس في إخلاصه وحبه

لكن في فترة الخطوبه يكون انسان جافي . .بخيل . . عديم احساس . . يتهجم ويتحين فرص خلو البيت وايذاء خطيبته ..!! هذا هو الجنون بعينه لو تم الموافقه على الزواج منه

لاتحسبي يا أختي ان كل الرجال مثل خطيبك . . لا .. لكن هم فئه قليله وربي يسعدك ويوفقك بأخير منه . .ويديم عليك الافراح

المشاركة الأصلية كتبت بواسطة أحساس مشاعر

نصيحه مني لك وبحكم اختلاطي بالشباب كثير ومن كثر ما اسمع سوالفهم يقولون لو الزوجه كانت تخاف يصير زوجها ينبسط ويعني انا قوي شخصيه وانا محد قدي وانا وانا وانا ..

يعني زي توم وجيري يوم القطوم تكفخ الفار والفار ساكت بس يوم يعصب الفار تخاف القطوه << كذا الشباب مع احترامي لهم هههههه على فكره عشان ماتزعلون ترا انا زيكم ^_^

المهم انا بقلك نصيحه وانتي لاتاخذي بكلامي ان عجبك طبقيه واذا ماعجبك اعتبري نفسك ماقريتيه ..

كلميه مكالمه مصارحه وقولي له يافلان انا احس معاك بكذا وكذا وكذا وهالاشياء تضايقني وياريت نتفاهم ونتصارح ..
وانتي شوفي ردة فعله ومن كلامه راح تفهمين كل شيء ولا تسكتي عن شيء وصارحيه بكل شيء ..

والله يوفقكم ويسعدكم والله يحنن قلبه عليك

المشاركة الأصلية كتبت بواسطة سعدون الوافي

معليش اختي حفظك الله

- المهر حقك وطلبتيه ووافق عليه ماله حق يناقش فيه أبد - وأحس انه شخص ليس بمتعلم

كذالك استخيري واستشيري والدك بالموضوع هو اعرف مني ومنك بهذه الأمور وما يقوله والدك نفذيه بالحرف الواحد

لأنك لو احتجتي والدك مستقبلاً يكون عنده خلفيه عن الموضوع وهو من أشار عليكي بالتصرف الي تتخذينه وكذالك يكون حازم عند حصول خطا مستقبلا

- مهم جداً تبلغي والدك عن كلامه بالمهر ضروري جداً

ربي يوفقك ويصلح شائنك