بتشكركم كلكم الله يسعدكم

العيب مو في عمره ، هناك رجال الفرق بينهم و بين نسائهم فرق بسيط

و نفس الشئ ما يرضى يخرج معها ، مو بس كذا ، يخرج مع عشيقته و يترك زوجته في البيت ترعى أطفاله

أعرف الشئ من الواقع اللي أعيشه و من قصص زميلاتي



الخروج لوحدك بيخلي الشيطان يلعب براسك و يقول لك شوفي فلان يطالع فيك .. أوو زي كذا

و تغتري بنفسك و تستكثري حالك على زوجك ، قد يكون هنا السبب

كالعادة ممنوع ست تقول من حقي اي شيء !! دايما الصبر للمرأة وكل الحق للرجل .. زوجها حتى ما حاول يناقش معها الموضوع ، او يبادر لعلاج ، او يطرح حل!! .. يعني ما حد شايف انه موقفه سلبي ؟؟!!
القدرة الجنسية وفهمنا ، طيب وشو المانع يتمشى معاها ؟؟

الأخت مملكة العالم ، ربما يكون زوجك يمر بحالة اكتئاب او اي مرض نفسي او عضوي ، كوني صريحة اجلسي معه وبادري انت بطرح المشكلة ، زوجي العزيز هناك مشكلة في حياتنا الجنسية وانا اود ان نعمل على حلها .. افتحي الحوار والنقاش ... اكيد عندما نتحاور نتصارح ونفكر معا سيكون هناك حل واتفاق ونتيجة سواء بالاستمرار او الفراق.

مع احترامي وتقديري

طيب طالما يعلم لماذا لا يبحث عن حل

وما سبب ما يمر به

ولماذا لا يتجاب معك ولو حتى
بالكلام والافعال التى يستطيع
ان يقوم بها

معقوله لا يعرف ما تعانى

وانه بهذا يعرضك للفتن والى
الوقوع فيما يغضب الله

اسأل الله لك الثبات على الطاعة

والصبر وتقوى الله فى السر والعلن

__________________

طيب حتى أنا أحيانا يوم أبغى أخرج ، زوجي يقول لي اخرجي مع ولدك

و الفرق بيني و بين زوجي بسيط جدا ، هذا أبدا مو سبب

( و قرن في بيوتكن )

الشئ الثاني ، فرق السن بعد عشرة عمر فوق عشر سنوات و إنجاب الأطفال ، توها اللي عرفت ؟؟؟؟؟

توها انتبهت إنه فرق العمر مشكلة ؟؟؟؟؟؟

و إيش ذنب الأطفال ؟؟؟؟؟؟

اللي زوجها يضربها أو يخونها أو يسكر أو أو أو .. هل فرق العمر نفعها بشئ ؟؟؟؟؟؟؟

تجلس في بيتها و ما تختلط كثير بالشباب في الخارج ، علشان الشيطان ما يلقى مدخل له

و نفس الوقت ، تطلب من زوجها يتعالج أو تحاول تعطيه أكلات تأثر فيه أو أي طريقة تانية


يعني دحين الرجال يوم يتزوج و يكبر في العمر و زوجته تكبر معاه في العمر و عنده طاقة ،

يجي يقول بأتزوج ، الكل يلومه .. هذا و هو بيتزوج مو ( يطلق زوجته )


زوجها مو مقصر معها أبدا ، و هذا مو جزاة المعروف ،، كم صرف عليها من عمره 17 سنة ؟
كم شالها فوق راسه ، و تحمل مرضها و تعبها ؟ و كم مرة راعاها و كم مرة و كم مرة و كم ؟؟؟؟؟؟؟

دحين هذا كله تنساه ؟؟؟؟؟

إذا هي مالها ذنب إنها تزوجته و عمرها 17 ، فهو مو ذنبه إنها قبلت فيها ،، كان بإمكانه يتقدم لوحدة تانية و تقبل فيه
و تشيله فوق راسها لآخر العمر

اختي روح الطير اشكرك كتير ولكن يظهر انك مريتي على الموضوع بشكل عابر
هل تتوقعي من وحده لاول مره تتزوج وكمان عمرها 17 سنه انه يكون عندها خبره عن الزواج ومشاكله والضعف الجنسي و ووووووو , معنى كلامك اني لازم يكون عندي خبره قبل الزواج ,

الوحده ما تعرف اي شي في الزواج الا لمن تجرب زي الحمل والولاده مثلا , سبحان الله
وبعدين انا مانكرت اي شي من ادبه و اخلاقه ووقوفه جنبي , هل كونه يحمل صفات فارس الاحلام يضيع حقي اللي الشرع امر به
ياليت اللي بدها تتعاون ان تنظر للموضوع من جميع الزوايا دون تجريح

وبعدين كلمة وقرن في بيوتكن لو انتي مطبقتها اوعدك اني راح اطبقها

سبحان الله هناك فرق في اسلوب الردود
فعلا في ناس تنظر للمشاكل من كل النواحي مو بس الناحيه اللي تعجبها
كتير بتشكرك اختي على ذوقك الرفيع في تفهم المشكله والرد باسلوب جدا راقي دون تجريح

اختي انا باوروبا مش بالسعوديه يعني لو قعدت عمري كله خارج البيت ماحد بيطالع فيا , عمري ما شفت معاكسه من احد لا لي ولا على غيري
صح عندهم فساد لكن الفساد له اماكنه واللي يبغى يتعاكس او احد يطالع فيه يروح بنفسه لدي الاماكن يعني ماحد يطالع في احد خارج الاماكن دي
وانا بحياتي ما شفت حالي على زوجي ولو كنت قراتي كل ردودي كان عرفتي دا

أعتذر على عودتي مجددا ، و بتكون آخر مرة ، لكن ردي على الجملة هذه :
الحمد لله ، من البيت للجامعة و العكس صحيح ، ما عندي أسواق و لا خرجات إلا للضرورة
مع إنه الفرص متاحة و زوجي سامح لي

عالعموم ، أنا ما قلت إنه لازم تفهمي الحياة الزوجية من يوم عمرك 17 سنة
أنا قلت ، طيب من أول ما جبتي الطفل الأول ، ما فكرتي بالأمر هذا ؟؟؟؟

ليه المشكلة هذه ظهرت ألحين ؟ يوم عشتي في أوروبا ؟؟؟؟؟؟؟
هل لإنه عملية المقارنة بدأت ،، أو تأثير الزميلات ؟؟ و أترك الحكم لنفسك ..

أنا عايشة في أوروبا برضو ، و اعرف تأثير الغربة على تفكير بعض البنات ..
و شايفة البنات كيف بيأثروا على تفكير بعض هنا ..
( مجرد افتراضات أحطها لك ، قد تصيب بعضها أو تكون خاطئة )



سؤالي :
ليه الفكرة ما جات من يوم كان عمرك 20 سنة مثلا أو فوق ، بعد ما انجبتي أول طفل ، مو 4 ماشاء الله ؟
ليه الفكرة جاتك بعد ما سافرتوا لأوروبا ؟


و إذا كان أسلوبي قاسي ، فأنا جالسة أذاكر و أكتب بحوثي و أدخل أحيانا للمنتدى هذا عشان أقرى مشاكل غيري و أحمد ربي على نعمته علي و أكتب الرد بسرعة بدون ما أراجعه ، إذا ما عجبك ردي ،
احذفيه ، و أنا اعتذر لإني ما نصحتك تتركيه ، أنا بأضع افتراضات و مو شرط صحيحة ، إنت أعلم بنفسك و زوجك مننا

روح الطير بتشكرك
انا ماشكيت الا لمن ظهرت المشكله لا وكمان بعد سنه منها
هنيئا لك بزوجك ما شاء الله لاقوة الا بالله وربي يتمم عليكي سعادتك ويوفقكم