والله يختي غلقة ابوك وتحجره ولا جنون عظمة زوجك وظلمه

وارجع واكرر .. اذا تقدرين تاخذين عيالك وش منتظره؟


وين امك؟

أختي

أبوك اللي بيعمله طبيعي جدا ، أي واحد كبير في السن ، كذا بيعمل و خاصة الرجال إذا جلس في البيت

يعني بإختصار ، أبوك يحب ينتقد كل شئ ، يبغى يتدخل في كل شئ ، إلخ


و زوجك

متسلط و فيه العيوب اللي قلتيها



علشان كذا قلت لك ، تتخيليه ميت ، عيشي لنفسك و لأطفالك

لا تعبريه ، لا تاخدي و تعطي معاه ، خلاص أنسيه ، ما كأنه موجود


أبغاك توصلي لمرحلة مع نفسك ( إنه و لاشئ ) عشان صحتك ، عشان نفسيتك ، عشان أطفالك ؟؟؟؟؟؟


أعطيه حقوقه ، لكن اعتبريه ( جدار ) عشان راحة نفسك

و نقطة بأضيفها ، أتوقع إنك بينتي لزوجك إنك يوم تروحي لأهلك كذا بتملي و تطفشي

و أتوقع - و الله أعلم - إنك قدام زوجك بينتي عيوب أبوك و أهلك ، و هذا اللي خلاه ما يعطيهم قيمة و مقدار



زوجك تبغيه يتغير ؟

الجواب : ما راح يتغير أبدا ، و لا تصدقي وعوده و لاشئ

الحل :

غيري من نفسك ، يا ستي أشغلي حالك مع أطفالك ، خلي أطفالك هم اهتمامك الأول و الأخير ،

زوجك انسيه ، لا تفكري فيه ، غيري نظام حياتك عشان ترتاحي

والله يا أختي أشوف أنك مترددة بين نار زوجك وبئر والدك ، ولذلك كأنك تقولي أصبر مع زوجي على أني أجلس في بيت أبوي مقيدة الحرية
ولذلك إصبري و ليكن إهتمامك بأطفالك أكثر ، ولاتهتمي بزوجك ، وصدقيني مع الوقت راح يجئ يجري وراك
خليك رسمية ولا تكوني عاطفية وحساسة بزيادة ، لأنه واضح عليك رقة القلب
أنت قيسي بالإيجابيات والسلبيات بين بقائك عند زوجك أو ذهابك لأهلك من ناحيتك ، ومن ناحية الأطفال و إستقرارهم
وبعدها إبدأي بما يترجح عندك
و نصيحتي لك أن تقدمي إستشارة خاصة هنا في المنتدى في قسم الإستشارات ليساعدوك وتسمعي رأيهم مع آراء الأعضاء هنا

__________________
لا إله إلا الله محمد رسول الله

حبيبتي ماقد سمعتي بشي اسمه طلاااااق؟؟؟؟
تطلقي وانتهينااااا
يعني ربي حلل الطلاق ليكون رااحه بين الطرفين!!!!
مدري وشلون ساااكته على نفسك كذااا!!!
نفسك عليك حق
لمتى المذله؟

الله المستعان بس

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

عزيزتي اعانك الله على ماابتلاك كنت سانصحك بالطلاق لكن يبدو ان هذا الراي لاتميلين اليه
سانصحك بامور طبقيها واخبرينا بالنتيجة
اولا ايتها الغالية اصلحي مايبنك وبين الله حتى يصلح مابينك ويبن زوجك
حافظي على الصلوات في اوقاتها
قومي الليل ولو بركعتين
اقراي البقرة فاخذها بركة وتركها حسرة
تصدقي ولو بريال فقليل دائم خير من كثير منقطع
صومي الاثنين والخميس
الزمي الاستغفار
اشغلي نفسك باولادك و قومي بواجباتك كاملة وكوني في احسن هيئة التزمي الصمت تماما ان اهانك انظري اليه نظرة قوية واعطيه ظهرك وامشي
المكان الذي يجلس فيه قومي منه فورا حتى لايستفزك بكلامه
لاتظهري له ضعفك ابدا كوني قوية عودي كما كنتي قوية ولكن بلا انفعال وطولة لسان لاتنهاري ابدا امامه لماذا ترتمي في حضنه ولا عند رجليه ماهذا الذل اسمحيلي ان لم تعزي نفسك وتقدريها لن يقدرك احدا
اعلم واحس فيك وادرك معاناتك ولكن تحملي عندما تريدي ان تنهاري او احسست يضعف فانطرحي بين يدي الله عزوجل فهو الرحيم الرحمن هو من سينصرك فابكي بين يديه سبحانه ماخاب من ساله
لاتضعي له هيلمان وتظني انه قادر على الحاق الضرر بك اوباخوتك فهذا الشيء يزيد من نرجسيته انت في بلد يحكمها قانون وليست الامور بالفوضى التي تتصورين لانك من خوفك على اخوتك اوصلتي له شعور بانه ذو سلطة ويستطيع ان يدمرك ويؤذي اهلك
واخيرا عزيزتي استخيري في امر الطلاق ووازني بين الايجابيات والسلبيات وااعيد انشغلي في هذه الفترة بنفسك واعيدي ترميم ذاتك وعودي الى قوتك فزوجك تزوجك لقوة شخصيتك ولكنك ضعفتي فكرهك
زوجك محتاج الى زوجة تقف في وجهه لا زوجة ترتمي عند اقدامه
عودي قوية ارجوك
اتمنى ان اسمع منك اخبارا طيبة

الصبر يااختي فالمؤمن مبتلى سواء في نفسه او في زوجه او اي امر من امور الدنيا لكي يختبر الله سبحانه وتعالى قوة ايمانه وصبره عليكي بالدعاء وقيام الليل والصدقة واتمنى ان سمع منكي ردا مفرحا لمشكلتك 0

هذا انسان مريض وعنده عقدة نقص وفي ناس ظالمينه بس موقادر يفش حرته فيهم ومطلعها فيك
واعتقد هو من الناس الي كل مالصقتي فيه ابتعد
الحل عيشي لاولادك واعتبري نفسك ارملة فعلا ولا تعتبري نفسك شغالة بس اعتبريه هو زائد على البيت واخدميه زي ماتخدمي أي واحد ماله قيمة وتنتظري اليوم الي فيه يموت او يتعدل...وانوي الأجر بس ابدا لاتفكري ترمي حالك عليه...انت اعلى من كذا
بععععععععععدي عنه قد ماتقدري
اعتقد بعدها بصير يلاحقك أما بشر أو بخير ، وبزيادة مضاعفة
وبعدين يشوف مافي فايدة ويبدأ يغير استراتيجيات فش الخلق
اهم شي انت بطلي زن عليه ورمي نفسك تحت رجله من جد مايستاهل ..مافيه خير لأمه بيكون لك؟؟؟؟
شوفي عيالك ونفسك
قومي ارجعي انثى لنفسك ولاولادك
واجعلي لك هدف تحققيه معهم ومع نفسك
لاتقعدي فاضية لو قعدت فاضية بتقعدي طول الوقت تلومي حظك
وعز نفسك تجدها
ولو لقيتي نفسك واهتمامتك ..واعطيتي نفسك قدرها ..واتقربتي الى الله
غصب عنه بيكبرك حتى لو بنفسه
لانه بعيد عن الله ..وقد مايكابر الا مايحترم هذا الشي
صفي نيتك ولاتخلي له فيها نصيب
والله يفرج همك

ما بعرف اختي اللي في مثل وضعك من وين بتجيب الصبر ؟؟ .. نفسي الرجال اللي بقولو المرأة ما لها تعليم ولا عمل يجو ويشوفو وضعك .. زوج ظالم وأهل سلبيين ... شو تعمل المخلوقة ؟؟

تسكت وتستحمل .. ربنا ما رضي بالظلم .. واللي ما بحارب الظلم بيكون اذنب بحق نفسه ودينه ومجتمعه !!!

ليش دايما المطلوب من المرأة تكون سلبية ومتهاونة ؟؟؟ ، ليش بنتبنى كل الوسائل اللي بتمنع عن المرأة خيارات بحياتها وبنربطها بأثقال وبنرميها ببحر الدنيا ونقولها اسبحي ؟؟؟ ... يعني شو الخيارات اللي عند اختنا ؟؟ .. معيشة بذل وهوان عند الزوج يا اما عيشة ما في الها حق فيها الا الأكل والشرب والنوم عند اهلها!!

انا اسفة اختي بعرف ما عطيتك حل ، بس والله مخنوقة وما قدرت ابلع ...

ما في عندي الا ادعيلك ... ربنا يهدي سرك ويرحمك برحمته الواسعة التي لا تغادر صغيرة ولا كبيرة ويلهمك الصواب...وزوجك لا تتحديه ولا عبالك ، تجاهليه تصرفي انه رجل مجنون فاقد العقل معك في البيت وتجنبي تثيريه ، انت اعرف مني انه لما الرجل ينزل من عين الست ما عادت لا تشوفه ولا تعتبره عايش من اساسه.

لا حول ولا قوة الا بالله العلي العظيم ... وربنا لايبارك بالظالمين!

جزاكم الله ألف خير و الله ما قصرتو من جد آرائكم معظمها متشابهه


و اللي راح أعمله ألحين إني راح أعتبره جدار من جد
من جد يبي لي أصبر وأطنش كلامه أدعو لي ربي يعيني و يصبرني


و أدعو له الله يهديه

أبرجع لكم بموضوع جديد إن شاء الله أقول لكم فيه إني مبسوطه قولو يارب

أشكركم جميعا و الله يوفقكم و يساعدكم على تقديم الخير

__________________
(أمن يجيب المضطر إذا دعاه و يكشف السوء)