مساء الخير اختي دمعه ومنديل ....

انا اعتذر لاني فهمي كان غلط للموضوع ...!

بس الطلاق مو نهاية العالم وصدقيني احسن الظن بالله

وحط في بالك ان كل شي يحصل للانسان يكون له خير

اقولك مثال بسيط وهالقصه قديمة جدا بس مهمة نتعلم منها .....

كان في ملك عنده وزير كل ما حصلت مشكله للدوله يقوله : لعله خير

الى ان جاء يوم وقصوا اصبع الملك

ويوم تشكى للوزير قاله كالعاده : لعله خير

طبعا زعل وعصب وامر بحبسه قاله انا فـي عز ازمتي وانت تقول كله خيــــــــــر!

وبعد كم شهر راح الملك في رحله في البر

وتعرض له ناس من الهنود الحمر _حاجه مثل كذا ماعرف ايش بالضبط _

وقالوا : هذا بنقدمه قربان للاله

وع اساس انهم بطبخوه او يحرقوه ,,,يمي يمي

وتالي يوم شافوا اصبعه قالوا لا هذا ناقص ما يصلح نقدمه قرباااااااان !

سبحان الله قطع اصبعه نجاه من الموت

وراح عفى عن الوزير واكرمه واحسن اليه واعتذر منه

انت بس خل تفكيرك ايجابي وحلو وانظري للحياه بتفائل

لان التفكير السلبي اول شي يبعد عنك الراحه

ويجمع حولك طاقه سلبيه تنفر الاشياء الحلووة من حولك _ سمعت كذا في علم الطاقه _ ماادري عن صحته

بس انت جربي بقناعه وراح تحصلي نتيجه حلوه
لان كل ما نعتقده في داخلنا نجده في حياتنا
وعلى نياتكم ترزقون

رتبي حجرتك وخلى الهواء يدخل ويجدد نشاطك

اهتمي بنفسك وبولدك

اسمعي قرآن بصوت ندي ياثر ع نفسك

او اناشيدك المفضله او قصايد معبرة

وخلي بداخلك رااااحه وقناعه

وكل مرة راح تسمعي القران راح ترجع لك نفس الراحه بدون طلب او تعب

ولا تجعلي هذا الهم هاجسك ولا يكون محور حياتك

وربنا راج يعوضك بالخير
بس كل مرة تذكري همك استغفري فلإستغفار مفعول عجيب

كما قال عليه الصلاة والسلام : من لزم الاستغفار جعل له من كل هم فرجا ومن كل ضيق فرجا ورزقه من حيث لا يحتسب

دمتي بود