yes no

ويه ....

من جد جالسين توبخوني ... بطريقة مرره قاسية

جالسه أحاول و أحاول بقدر المستطاع .. إني أصبر


وإذا تصرفت غلط فهذا غصبا عني .. طول عمري ما تعرضت لمصايب غير في حياتي الزوجية...

أدعو لي خلاص يكفي تقسو علي

__________________
(أمن يجيب المضطر إذا دعاه و يكشف السوء)

ياعمري عليك الله يصبرك ويفرج همك عاجلا غير اجل صدقيني عزيزتي كثيرا من الناس مايحس بقيمة الاشياء الثمينة الي يملكها او التي تكون محيطة به الا عند فقدها زوجك رح يحس بقيمتك وانه فقد جوهرة ثمينة والايام كفيلة انها تثبت لك هالشي يمكن الحين باقي ماحس بقفدك بس رح يحسه مع الايام صلي واصبري واستغفري واستخيري وثقي ان ماكتبه لك الله فهو خيرا اسال الله انك تفريحنا بهداية زوجك ورجوعه لك عاجلا غير اجل

فديتج وربي ماابا اقسى عليج

بس مراات الواحد مايحس الا اذا انقرص وتألم
وانتي الظاهر للحين بعدج ماتقبلتي طلاقج ولا تبين تتقبلينه

حبيبتي،، بعض الامور حتى بعد ماتتعدل وتنصلح ماترد مثل الاول
صعب جدا جدا ترجع مثل اول وخصوصا اذا دخلت فيها الكرامه

انتي مع طليقج كرامتج انهانت وياليت بس انتي
الا ابوج واخوج وعمامج وعيالج حتى
محد سلم منه ولا حتى أمه

الناس تبعد عن الشر وانتي تلاحقينه؟!
يختي اذا مو عشانج عشان عيالج
مو حرام يعيشون في بيئه كلها مشاكل
مو حرام امهم تنهان وتنضرب جدامهم
مو حرام؟!
تبينهم يطلعون نسخه من ابوهم؟
تبين حريمهم يعانن اللي انتي عانيتيه مع ابوهم؟
تبينهم مايحترمونج اذا كبروا وكبرتي؟

ارحمي ضعفهم ارحمي طفولتهم
وربي يكفيهم ماياهم

ربي ماكتب الطلاق الا لانه الحل الافضل لبعض المشاكل
انتوا صعب تعيشون مع بعض،، لازم تتقبلين هالشي
اقبلي به وارضي
وعزي نفسج واللي يرحم والديج

مرحبا ..عزيزتي الأرملة السوداء ..الكلام اللي قالوه الأعضاء صحيح 100%..
عزيزتي أنا عارفه انو مش بالسهولة المراه ممكن تهدم بيته..أنت تمنين الاستقرار والسعادة الزوجية وانو أطفالكم يتربون بينكم ..بس هذي الأمنية صعب تتحقق ..لأن انت الوحيده اللي تحلمي فيها ..وأبوهم لا ..أنت تكونين 50% من الحلم والطرف الثاني 0%...وهذي حقيقة لازم تتقبلينها مع الوقت ...وبالفعل اللي ما يصونك ويعرف قيمتك احذفيه من حياتك ..حتى لو كان زوج ..أسمعيها مني ...الانسان لازم يغير نفسه وما يرضخ لكل المشاكل بهالسلبيه ....الحياة ياأما تنعاش بشكل صحيح ..وإلا بلاش منها ...لا تقارني حياتك بأي حياة زوجيه أخرى لأنها مستحيل تشابه ...تحرري من العواطف والامنيات ...وفكري بعقل شوي ....اللي خلق زوجك ..خلق اللي أحسن منه ألف مره...وأن ما كان في نصيب ..عيشي حياتك من داخلك صح ..حاولي ما تحتاجي إلى لرب العالمين ..هو حبيبيك وهو يرعاك ..ويلهمك صبر من عنده ..توكلي على الله ..وفكري صح ...ورتبي أمورك صح ....واللي صار لك كله رحمة لك....بالفعل ما تحتاجين أحد يقولك لا ترجعي له ...انتي تبين احد يقولك انو معاك في قرارك وان قرارك صحيح...الله يهديك لما يحب ويرضى

أختي الكريمة
إصبري وإبدأي بترتيب أوراقك من ناحية نفسك ومن ناحية زوجك و أهلك و أهله
أنت الآن في وضع لاتحسدين عليه ، ولكنك راح تخرجي منه بأيسر الحلول إذا عدلتي من حالك
صدقيني راح تخرجي من هذه التجربة بفوائد ممكن تظهر لك في قابل الأيام و أولها كيفة التعامل مع المشاكل
وفقك الله

__________________
لا إله إلا الله محمد رسول الله

اوافق اختي ام مهودي في كل كلمه قالتها رأي صائب وكلام مقنع الله يجزاها خير

اسأل الله ان ييسر امرك ويفرج همك ويجبر كسرك ويبدد حزنك ويصلح حالك ويسعدك &

__________________
لو لم تكن الحياة صعبة لما خرجنا من بطون امهاتنا نبكي:
سبحان الله وبحمده & سبحان الله العظيم

ضعي كرامتك وسعادتك والبئية التي سوف تتربى فيها ابناءك فوق كل شئ

وانت الآن منفصلة عنه إذا حدث تغير كبير في حياته ووافق على شروطك ارجعي اما غير ذالك صعبة تدوسي على حياتك وتعدين الكرة من جديد

ولا تكلمي اصحابه ولا يتدخلون ابدا فهو اساس البلاء اذا كان احد من اهله واعي وحكيم كلميه و توكلي على الله واكثري من الدعاء والاستغفار

اعانك الله وفرج كربتك وهمك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أنا اليوم احسن من كل يوم .... اموري ما فيها اي جديد ... وكثير كلامكم في راسي... احاول اردد و اقول انا قوية ... و احاول مرره اني اكون مبسوطه ...

جزاكم الله ألف خير ....

__________________
(أمن يجيب المضطر إذا دعاه و يكشف السوء)

وبإذن الله كل يوم بيكون احسن من اليوم اللي قبله
انتي بس قوي نفسج شوي وصدقيني كل شي بيهون

اهم شي انج ملكتي نفسج الحين وملكتي عيالج
ابدي صلحي اللي انكسر فيج وفيهم
والنتائج ان شاء الله بترضيج

ربي يكتب لج الخير كله ويبعد عنج الشر كله
الله يعزج في دنيا وآخره عزيزتي


عالهامش;
يقولك لا كبرت همومك تبسم ،،، يجي لها من ربك افراج وحلول

ابتسمي تراج افتكيتي من اكبر هم في حياتج
وربي كل الهموم من بعده تهون

اختي الارمله السوداء
انا جديده وقريت قصتك من الرابط
اختي انا من قرائتي لقصتك زوجك كان بالاول طيب معك وبالاخير تغير زوجك مدمن لان تغيره عجيب او هل فيه امراءه بحياته لاتزعلين مني او انتي تطلبين منه اشياء مايقدر عليها
وهل عنده حاله نفسيه
اختي الطلاق صعب جدا المراءه ماتقدر على الحياه لحالها
بتتغير حياتك 120درجه ماتقدرين تطلعين الا بموافقه الاهل ويمكن تمنعين لان الاهل ينظرون الى المطلقه والارمله نظره تقهر انا مريت بذا التجربه مسجونه في بيتي ماقدر اطلع الا بستئذان انتى فكري وصلى صلاه الاستخاره من استخارالله ماخاب الله ينولك ماتمنيتي