الله موضوع روووعه من زمان عنها في هالقسم هالمواضيع المفيده.
بالنسبه لي عندي كذا موقف والحمد الله والشكر على نعمته وفضله .... ماخيبني
بس اللي جا على بالي اني في يوم صحيت من النوم وفيني تعب غريب ولا قلت لاحد من اهلي ضليت ساكته على امل اني اخف ... حتى الجلسه كانت صعبه ودي بس انسدح عالسرير ...
والمشكله اني ماااحب اروح المستشفى واكيد تحاليل وحوسه على الاقل للدم.
جلست في غرفتي عشان ماحد ينتبه من اهلي اني تعبانه ويجلسون يحاتوني
وبعدها بديت استغفر واستغفر ... يمكن حوالي ساعه او اقل مش ذاكره بالضبط .. بس حسيت استغفاري طالع من قلب لاني تعبانه كثير وفي نفس الوقت ابدا مالي خلق مستشفى ... وغير كذا كان يوم عطله.... جا اذان الظهر وصليت ودعيت ربي اني اخف من هالتعب الغريب اللي جاني .... وسبحان الله ماخذيت شوي الا احس نفسي عاديه والدوخه اللي فيني خفت كثييير وتقريبا خلاص ماعاد فيني شي.
.............................
وبعد تذكرت .... في مكان دائرتي اللي كنت اشتغل فيها زميلتي تصير قريبه مني يعني اسمعها اذا تكلمت ... وكانت دايم تستغفر في جلستها وقومتها .. ووقت العمل .. يعني لاحظت عليها هذا الشي
وهي كانت دايم تقولي ولزميلاتي انها انظلمت في تقييمها السنوي وانها تستحق احسن من كذا ... وحتى درجتها الوظيفيه المفروض تكون اعلى .. وكلامها صحيح لانها كانت متخصصه في مجال هندسة الكمبيوتر اللي هو مجال العمل.
وبعدها انا نقلت وسمعت أخبارها من زميلاتي ( ماشاء الله ) انه وضعها الوظيفي تغييييير بشكل كبير ... صار لها مكتب لوحدها وعطوها ترقيه .. ... مع انه صعبه نوعا ما كانت تصير هالامور ... لكن سبحان الله ربي اكرمها من فضله
يارب لك الحمد كما يليق بجلال وجهك وعظيم سلطانك.
__________________
دعواتكم لي
الله يجزاكم خير