ام زوجي .وزياراتها المفاجئة!! - الصفحة 3 - منتدى عالم الأسرة والمجتمع

28-02-2010, 02:53 PM

سحــــاب

عضو دائم

تاريخ التسجيل: Aug 2008

المشاركات: 89

ام زوجي .وزياراتها المفاجئة!!

السلام عليكم ورحمة الله وبركاته ....

.. انا ام لطفلتين .. اكبرهم عمرها سنتين والصغيره 4 شهور

...

ومررررة مشغولة ببيتي واطفالي وزوجي خصوصا ان ماعندي خادمة بس الحمدلله مرررتاحه .. ومنظمة وقتي ...

زوجي يداوم بمؤسسة ويدرس ( طالب) بنفس الوقت ...

يوم الاثنين والثلاثا يجي العصر .. وباقي الايام على حسب ممكن يجي الصبح وممكن الظهر ...

ومنظمة اشغالي على هالوقت ....

وانا ساكنة في الشقه اللي فووق اهله ..

وحالي حال نفسي ومرتاحه اذا جت عندهم عزيمة او مناسبه ماااقصر واقوم بالواجب والحمدلله بشهادتهم كلهم واولهم زوجي ...

وبنفس الوقت مو دايم انا عندهم لان وقتي مايسمح لي واذا حبيت اروح ازورهم ...

لازم ادق تليفوون قبل ... !! امي وهي امي ان جيت ازورها لازم اكلمها واقولها اني باجي ..

مدري يمكن تبي تطلع يمكن عندها ضيوف يمكن يمكن ... هذي الاصول وهذا الذوق وهذا اللي وصانا فيه

القررآن ...

هي لا ماتسوي كذا .. ماتدق تليفون .. تجي فجأة .. تدق الباب اي ووقت على كيفها ...

ظهر عصر... عشااا .. ماعندها وقت محدد.. تحرجني مررة

لا تقولون لمحي لها والله لمحت ..

وقلت انا ما احب اروح لاحد لين اعطيه تليفوون عشان اشوف مشغولين او لا ... قالت لالالالالا تعالي لي اي وقت لاتعطيني تليفون ...

قلت لا يمكن ماتكونونون مستعدين اوو مو لابسين او طالعين حاااولت بس ماااافهمت!!!

المهم ...

يوم الاثنين كالعااااده زوجي يجي المغررب... ونتغدا متأخرر ( غداء عشاء ) ......... ويكون مررره تعبااان

فيتغدايتعشااا ... >> مع بعض

وينتظر الصلاة ويصلي وينام ... طبعا انا اخلي وقت نومنا كلنا مع وقت نومه ..... انوم الكبيره اول ...وانوم البيبي الصغير .. بعدين ننام ..

هذاك اليوم يوم نومت الكبيره ... بقى الصغيره والا الباب يدق .. وانها ام زوجي وانا ما استعديت ..

الحمدلله البيت نظيف وكل شي زين ... بس ماكنت مستعده اني استقبل ضيوووف ونا مرة ما احب كذا ..

يعني عندي اطفال صغااار وزوجي يجي متاخر ويبي ينام ... واتضاااايق واسكت ...

رحت ولبست وحوووسة وفتحت لها الباب وزوجي توه جاي من الصلاة يعني يبي يناااام ..

. دخلت ونا ماعندي قهوووة ....

حطيت لها كاباتشينوو وشوكلاته

ونا عارفه انها حرمة كبيره ماتحب الاشياء هذي
بس وشسوي ؟؟

وغير كذااا من النوع اللي يتكلم يعني رحت لفلانه ماشالله حطت لي كذا وكذا يعني تروح تعلم خواتها

عني انا وش حطيت لها وانا وش لابسه وكل شي كل شي حتى عن اطفالي

اذا الكبيره تطق الصغيره..تعلم كل خلواتها وبناتها مافيه خصوصيه ويالله !! كاني انا الوحيده اللي عندي اطفال يغارون من بعض

المهم .. قالت اني توني جايه من السوووق وقلت اسلم عليك طبعا انا عرفت انه مووو عشان كذا

زوجي خلاص جاه النوم واستأذن وراح ناااام .... على اساس انها جايه سلام بس من قبل الصلاه

وقعدت قعدت لين الساعه 12 والبيبي يصيح والكبيره قااامت علي وهي عااااااااااااااااااااااااادي قاااااااااااعده

ونا عيوني خلااااص بغيت انام عندها ولالالالالالالالالالالالا تعتذر ولا شي ... تتفرج على البيت وهذا متى شريتيه وهذا متى حطيتيه ؟؟؟

مرة تضايقت مرررة .... وتسالني عن خواتي انخطبو او لا وبنات خالتي انخطبو او لا ونا ما احب اتكلم في هذي الاشياء ...

وعلى فكره ماحطيت لها عشاااء لاننا كنا متعشين خالصين توقعت انها تشرب الكاباتشينو وتروح

يوم جا اليوم الثاني قلت لزوووجي يالله امس نمت وخليتنا >>> المح له

قال ايييه مرة كان فيني نوم قلت له ايه خالتي ماطلعت الا الساعه 12 بشوف وش يقول ؟ هو سكت

طبعا وقلت انا ماااحطيت لها عشاااا ما امداااني ... قال اخر مرة تجي امي وماتحطين لها عشاااء

المفروض تحطين لها وانا سكتت ما حبيت اقلبها هوووشه ابي اصير حكيمة وابي حل زييين ما ابي هواش..

شورو علي الله ينور لكم دربكم

__________________
وتبقى ... الحيـ ـ ـاه .. بــلا لــون ...
حتـى يــ ـــ ــورق ... زهر الايمــــان ...

لا اله الا الله رضيت بالله ربا وبالاسلام دينا وبمحمد صلى الله عليه وسلم نبيا رسولا

التعديل الأخير تم بواسطة سحــــاب ; 28-02-2010 الساعة 02:56 PM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه