زوجات آخر زمن

اختي سحابه الله يخليلك عيالك وابو عيالك ,,

الصراحه لو انا بموقفك اكيد ابتنرفز لان هالوقت مو وقت مسيار بس ام زوجك مااتوقع انها غريبه وخصوصا انك معها بالبيت يعني تمونون على بعض يعني اعتبريها مثل امك طفشانه جايه تغير جو عندكم اثنا سواليفكم كان وضحتيلها نظامك فالنوم


والشي الي استغربته انك قدمتيلها كابتشينو فهاذي مااخشت راسي كان قلتي لها خالتي معليش القهوه خلصت مايخالف انزل للمطبخ اخذ قهوه اقل شي تعرف ان القهوه خلصت ولا صلحتي لها شاهي ونواشف تمشي مايصير تدخل تطلع تلاقينها تتنتظر العشا مسكينه اعتذري منها ,,عشان تترتاحي

__________________
ويبقى الأمل بالله شمسآ لاتغيب
ونبعآ صافيآ لاينضب

الزوج حل المشكله مع الزوجه ...

واعجبني حله !

ولكن ما استغربته ..

انه ماشاء الله على العجوز - أم زوجك- تشرب كبتشينوا !

لكن الكابتشينوا اكيد سببت لها أرق !

ومانامت ولذلك جلست عندك الى الساعه 12 !!!

::

لو انك مسويه قهوة عربيه و كبسه بالمضغوط و مستأنسه مع عمتك !

ما هو احسن من عض اصابع الندم على شيء فات !!

لذا نصيحتي تعايشي مع الموضوع و تكيفي معه ..

وأيضا بامكانك زيارة عمتك أم زوجك بعد الاستئذان من زوجك ...بنفس موعد زيارتها ...

وتسووين طبعا انتي العشاء ما هو العجوز !

اقصد ان تذهبي اليها في اوقات دوام زوجك و تستأنسي معها وعند اقتراب موعد رجوعه تستأذني منها ..

وهكذا ولكن لا يكن ذلك بشكل يومي و لا يكن بشكل مستمر بل بخطه مدروسه ..

وتجعلين ام زوجك تلاعب احفادها و تستأنس بهم و اسعدي بحياتك معهم ..

فهي تعاملك مثل ابنتها فلا تخسريها و تخسري زوجك بالتلميح لها او لزوجك !

ويكفي انها قالت لك تعالي لدي بلا اتصال و لا عزيمه وهذا يدل على طيب معدنها فلا تخسريها !

و الله الموفق ...

__________________
سبحان الله وبحمده سبحان الله العظيم

اذا جت مره ثانيه والوقت وقت عشاء حطي لها عشاء يعني معروفه مايبي لها جالسه لحد اخر الليل وتطلع ماتتعشى مو حلوه ابد هالحركه سواء معها او مع غيرها
واكيد هي ماتجي كل يوم يعني مرتين بالسبوع استحمليها واحسبي حساب لزياراتها
والله يعينك بصراحه اللي عندها اطفال وماعندها خدامه وقتها مزحوم
وترى عزيزتي هو بيت ولدها تدف الباب وتدخل بالوقت اللي تبي يعني لاتقولين ماتتصل
كل الحريم الكبار كذا زياراتهم مفاجأه مثل زمان اول

__________________

عادي.. أعتبري أنها دقت وقالت أنا جايتك.. بتقولين لا الله يعافيك أنا مو مستعدة!!!!

فيك فيك .. جاية جاية.. وعادي لماتجي سوي القهوة قدامها مو شرط تجهزينها من بدري..

والعشا مو لازم تطبخين.. أتصلي على مطعم فطاير.. او كبسة جاهزة .. أو تحطين نواشف ..أو أو أو الخيارات مفتوحة..

وخليك بسيييييييييطة.. ترا ما في أزين من البساطة.. سواء لك أو لها..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

بصراحه
مااحسها
مشكله !!!ولا تزعلي

عن جد....
انتي ؟؟؟
دقي عليها بوقت غياب زوجك ...وتقهوي معها ونادي حمواتك ...او انزلي عندها ساعه او اكثر وسؤلفي واطلعي ...
لاجل ماتجيك مفاجئه ...

وزوجك صادق يؤم قال اخر مره امي تطلع بدون عشئ...
وعن بزرانك
كان خليتهم مع جدتهم
او
تركتيهم يلعبوا مثلا تشغليهم بشيء من العاب او تلفزيون او او .......!
اما عن الي يقؤلؤن
عطي زوجك ...!
فما ادري يتكلمون من جد !!!
الرجال جاي من الدوووووووام وتعبان وطالب بعد .....!واعطيه الاؤلاد
ابرؤح اسؤي عشاء لامك
وهاذي ضريبت جية امك

والله ام زوجك
تعتبرك مثل بنتها ...!وانتي مع حق تتضايقي من وقت جيتها بليل ووقت النوم ...
لكن
المفروض انك سؤيتي عشاء
وتتقبلي جيتها ....وش تسؤي!!

وترئ معرؤف عند كبار السن ؟؟؟
مافي لا اتصال ولا شيء
هذا بس عند البنات الي من جيلك وجيلي ....

انتي ماعليك
الا
انك تزوريها اؤقات تحددينها انتي بلاسبؤع !!!
ومره
نزلي بناتك

لان معرؤف ان الجده تحب تسؤلف وتشؤف احفادها دائما ....

حطي امك
بموقف عمتك امو زوجك
تخيلي
ان امك زارت زوجة اخوك ....وسؤت مثل الي سؤيتيه لاعشاء والسبب بؤجهة نظرك قد تعشينا ......!

وجت امك تحكي لك ان فلانه زوجة ولدي جيتها امس ؤالله ماقدمت لاقهوه ولا عشاء ولا ولا ,,!

هذا طبع كبار السن ومو كلهم ......
النقد .......!

مو تنقهري
واظن تقؤلي لامك
لاترؤحي هاذي ماتبيك .

وبصراحه
ماودي انك قلتي لزوجك ولمحتي له بهلاسلؤب .....والرساله هي ان امك وقت جيتها غلط ........!
بتتغير وجهة نظره من ناحيتك
واكيد
حس انك ماتبين امه ......
وكل شيء الا امه .......!ورد عليك برد وماعجبك .......

الله يهديك

اذا استمريتي علئ اسلؤب التلميح لزوجك !!!فأقؤل تحملي الي يجيك منه ولا تتعجبي اذا تغير عليك .....
ماكان لك
داعي بلتلميح له عن هلموضوع ابدا.

الله يهديك...

هذا وجهة نظري ولا تزعلي.