.. العزيزه ( بياعة الورد ) ..

.. انا راح اقول لك خبرتي من سفرياتي زوجي مع اصحابة ..

.. زوجي ماهو راعي خرابيط ابدا ( والحمد لله ) .. بس يحب يسافر سفريات بسيطة مع اصحابه , وانا أبدا ما اعترض ,

.. بس انا عندي خطه , انه يكون معاهم بجسمه , بس تفكيره معانا ..

.. أجيب ورق ملون , واكتب فيه عبارات حلوة , وغراميه , وشوق .. وتكون صغيره , واحطها بين ملابسه ..

.. وكل مره يلبس قميص وهو بالسفر , أول ما يفتحه يقرأ الكلام , والشوق , ويجلس يفكر فينا , ويتصل , وبصراحة يستانس ويفرح مرررررررررره بهذه القصاصات ..

.. حتى اني آخر مره تعمدت ما أحط قصاصات ورق , واتصل يعتب علي , ويسئلني عنها , وانه يفتقدها مررررره ,,

,, واذا عندك صورة انتي فيها مع عيالكم ( اذا عندك عيال ) .. حطيها بين ملابسه ..

.. واتصلي عليه بالسفر , بس لا تلاحقينه , خليه يشتاق لسماع صوتك , خليه يفلها ويستانس , ويغير جو , صدقيني بيرجع ولهان ومشتاق لكم مرررررررررررررررررررررررررررررره << عن خبره تتكلم ^_^

.. وقولي له باتصالاتك له ان البيت مو حلو بدونه , وانك اشتقتي له , ولحنانه ودفاه , وحبه .. ومن هالكلام الحلو .. وعلشان تضمني انه يتصل فيك , قولي له : لا تنسى تطمني عليك كل شوي , علشان انت عارفني اني اقلق عليك واحاتيك ..
.. وهو من نفسه راح يتصل ..

.. ورتبي له حقيبه السفر بطريقه حلوة ومرتبه ..

.. ولما يرجع بالسلامه , جهزي البيت ورتبيه , وتزيني ..يعني ماراح اعلمك كيف تستقبليه من السفر , لأنك اكيد شاطره وفاهمه ..

.. تحياتي ..

الله يسعدكم ..استفدت من افكاركم

بياعة الورد ..حبيبتي قولي لزوجك انا ما عندي مانع تسافر لوحدك لكن بشرط تكون مع ناس محترمين وسمعتهم حلوة زيك ..
اما اللي سمعتهم مو زينة ولسا عزابيه فما ارضى ..لأن الصاحب ساحب ..غير كذا ممكن تتغير نظرة الناس لك ..

Ms.Blue
تسلمي يالغالية على الافكار الحلوة استفدت منها كثير وان شاء الله ناوية انفذها والله يوفقك فحياتك الزوجية

gawlp
والله صحيح مية بالمية مشكورة يالغلا عالنصيحة

__________________
ربنا هب لنا من أزواجنا وذرياتنا قرة أعين واجعلنا للمتقين إماما

لا تخلينه يسافر لوحده ابدااااااااااااااااااااااااااااااااااااااااااااااا ااااا
انا زوجي سافر الي دولة عربية وكان عنده ماتمر هناك وقالي تعالي معي قلت له ابد مانيب رايحة رح لوحدك انا واثقة فيك
المهم راح اسبوع وجا وبالصدفة ادخل يدي بجيب ثوبه اقوله وش ذا الرقم يقولي رقم المرشد السياحي وادق وتطلعلي وحدة
قلت لها من انتي رقمك مع زوجي قالت اسالي زوجك وش دخلني
المهم تطلقت وكانت اول طلقة لاني اعتبرتها خيانة
ومن هناك بدا الشك والعذاب ورجعت له بعد تدخل الاهل وسامحته لانه حلفلي على مصحف انه مابينه وبينها شى وانه اخذ رقمها بس في نطاق العمل لانها كانت مضيفة في قصر الماتمرات
صدقيني بدا مشوار الشك مع زوجي بعد مارجعت له وللحين اعاني منه ومايمشي معي زوجي الا بالحلفان
انبهي لا تخلينه يسافر لوحده ابد مو احرضك عليه ولكن سفره بدون زوجته ماله داعي
لو يبغى يتمشى يتمشى معك وصحبة الاخيار لها دور وخاصا تقولين انهم مو متزوجين ولا لهم مسؤوليات
انتي حاولي تقنعينه بدون عنف وصراخ
ادلعي عليه ودوخي راسه واقنعيه انك ماتقدرين تبعدين عنه لحظة لا تبينين له انك مو واثقة فيه لالالالا
قولي له مقدرر اخليه تسافر لوحدك لان فراقك صعب كذاااااااااااااا
هههههههههههههههه كيدهن عظيم
الله يسعدك يالغالية

ياااااااااااااقلبي والله تاثررررررت بقصة واااااجد
وهذا اللي انا خايفه منه
تدرين قلتلة اليوم اذا تبي ساااااافر
قال لا خلاص بطلت
قلت ليش ما تصبر للاجازة الطويلة ونسافر سوى
قال غثا وبزارين لوانك ماستعجلتي وجبتي هالبنت كان احسن
قلت احمد ربك فيه ناااااااس تتمنى اطفال
وانا عندي 3اطفال بين الاول والثاني 4سنوات
وبين الثاني وبنتي الصيغيرونة 3سنوات
وفيه ناس كل سنة تحمل
سبحان الله رجال هالزمن يبون يتزوجون وبس مايبون يتحملون مسؤلية
يبنت الحلال الحمد الله هالمرة بطل من نفسة
والله يزوج هالشلة مابقى فيهم غير 2ونفتك منهم
اللي قاهرني انهم اذا تزوجو ما يسافرون الامع زوجاتهم وعيالهم بعد
وانا بياخذون زوجي مني
ماقوووووووووول الا عساهم يتزوجون زوجات ينشبن بحلوقهم

__________________
ربنا هب لنا من أزواجنا وذرياتنا قرة أعين واجعلنا للمتقين إماما

.. عزيزتي .. بياعه الورد ..

.. الحمد لله انه زوجك بطل عن السفر ,, يلاا ارتحتي وارتاح بالك ..

.. وشكله زوجك يحب يسافر معك , بس ما يحب ازعاج الاطفال ..

.. لذلك سافري معه سفريه تكون صغيره اسبوع او اقل او اكثر يعني على حسب , واتركي اطفالك مع اختك او هللك ,

يعني عند ناس ثقه , يهتموا فيهم , وسافري مع زوجك , وغيري جو , ورجعوا الايام الا راحت ,وجددوا حياتكم ..

منها يكون زوجك سافر من غير دوشه الاطفال وازعاجهم , وكمان غير جو , وجدد شهر العسل معك ..

.. وبالصيفية ان شاء الله , سافروا مع الاطفال ..

حبيبتي كلامك صحيح مية بالمية هو يتمنى اننا نسافر بدون الاطفااااااااال بس هو يعرف اني ماااااااقدر
مرة سافرة يومين وخليت عيالي كل الطريق وانا ابكي وبالليل ما نااااااام حتى لمى شفت اخت زوجي وسالتني عنهم ما قدرت امسك نفسي انهرت بديت ابكي هي طبعا طاااااااااارت عيونها مني تقول موهم عند امك ليش تخافين عليهم بس وش اسوي بنفسي
مرة سافرة يومين وخليت ولدي واخذت بنتي وكان صغير مايتكلم يوم رجعت لقيتة تعبااااااان ومتغير ماياكل وبس يبكي قسم بالله ذيك الايام اسوأايام حياتي بدون مبااااااااااالغة
والسبب بيت اهلي كبير وما ارتاح اخلي عيالي فية
يمكن لو اخليهم عند اختي مع شغالتهم اطمن بس استحي من زوج اختي توهم صغااااااار ماعندهم غير طفل واحد مو متعودين على البزران
طولت بس تصدقين
انتي جيتي على الجررررح ودي نساااااااافر بدون عيالنا بس قلبي ما يطاوعني
مادري وش الحل

__________________
ربنا هب لنا من أزواجنا وذرياتنا قرة أعين واجعلنا للمتقين إماما

نصيحه لاتخلينه يسافر

ياما ناس راحو وناسه ورجعو بحرمه ثانيه

تعرفين فيه بنات همهم الفلوس الله يكفينا شرهم ويشغلهم بنفسهم يارب

لله يحفظ لك زوجك

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

مشكورة اختي وان شاء ماتوصل لكذا
الله يكفينا شر كل من فية شر
الله يوفقك ويسعدك

__________________
ربنا هب لنا من أزواجنا وذرياتنا قرة أعين واجعلنا للمتقين إماما

ههههه والله بعض الاراء غريبه عجيبه

هالحين هو زوجك والا ولدك لجل تمنعينه من السفر !

هالاسلوب اذا استعملتيه مع رجال عنيد بيكون له اثار سلبيه اكثر مما تتصورين

واعذريني , هالاسلوب هو اسلوب الزوجه الغير واثقه في نفسها او زوجها : هي حياة زوجيه أو شراكة تجاريه

دائماً خليك واثقه من نفسك و زوجك و ازرعي احترامك في قلبه لان الاحترام وحده يستمر معه حتى لو غاب عنك

أيضاً الاحترام رصيد لك في مواضيع كثيرة ستواجهينا في حياتك الزوجيه