رجعنننننااا .. طيب بقولك على موقف حصل مع اخي ..
من زمان طبعا المهم سافرنا على مصر سياحة كانت ايام ما توفت الاميرة ديانا و الاخبار مليانه عن ديانا و دودي الفايد الخ
المهم و احنا قاعدين اشوف اخوي يتكلم مع واحد من سنه .. فالواحد هذا يسال اخوي تعرف دودي الفايد
فرد عليه اخوي .. ايه اعرفه هذا بصفي
و الولد يضحححك و يقوله صدق صدق .. و اخوي يحلف و الله العظيم بصفي
وهذاك شوي و يفقع ضحك ... و اخوي مصمم .. الا بصفي و لسه مكلمه من ايام و اروح عندهم البيت و يجيون عندنا
الولد قام و راح .. شكله مل ..
رجعت انا اضحك على اخووووويي اقوله لاا وسعتها .. بصفك .. و اخوي مكانه يحلف والله بصفي ... اتاريه مسكين ملخبط بين الفايد المليالدير و بين واحد معاهم بالصف اسمه فايز .. شفتوا الحول