الله يسامحك بس... قلنا ماله داعي التجريح


خلاص انا فهمت الدرس مايحتاج.... هدايا وخرابيط ورومانسيات مافيه.... طلبات ... خبز , حليب ... حفاضات وبس

اما الرومانسيه , اعتقد مالنا فيها نصيب... الضاهر حتى الرومانسيه ماهي راكبه علينا احنا اولاد الجزيزه العربيه اولاد الصحراء

آفا آفا والله كل عتبي عليك يا دكتور المنتدى

ترى مو كل النساء مثل بعض ولا كل الرجال مثل بعض

كل جنس فيه الخير وفيه الشر

ليه اخوي متحمل علي الحريم ( اتقوا الله في النساء ) اليس لك اخت او بنت او اي قريبه تخاف عليها

ومو كل خير تلاقي شر الا اذا كانت قليله الاصل والدين موكل النساء كدا

فاتق الله في النصيحه

__________________
زي القمر زي

بعدين تقول ..

طيب ليش منزل موضوع ..؟؟؟
دام إنها طيبة ، و تحس إنه فيها شئ .. و تفداها إنت ..
ليه ما تروح و تسألها ..؟؟ تراها ما راح تاكلك ..

الله يهديك بس ياروح الطير.... انا قلت اني طيبت خاطرك بعد مازعلتك... وانتي جايه تحاسبيني على كلامي...


طيب انا كنت معصب وكرهتها... ولا زلت ... اذا هي بتطول علي كذا انا ماراح اتتحمل.... عشان انا احبها موت... ولا انتم كذا يالحريم لما تعرفوا الرجال يموت فيكم تكرهوه العيشه... ولما تحسوا بشوية جفاا تجروا وراه زي مادري ايه.....


عموما جواب على سؤالك... انا نزلت الموضوع عشان ابغى حكمه ولا كللمه طيبه من احد اخواني ... ماكنت ادري انو احد راح يحاسبني على كلامي حتى هنا


ومن عندي لك همسه... الرجال مهما حب مرته لو لحد الجنون ... اذا هي ما اهتمت فيه وحسسته انه حبه له قيمه..... اكيد راح يلاقي غيرها تقوم بهذي المهم...

ياريت تفهمي معني كلامي ,,, وتسيبني فحالي

اذا عندك كلمه طيبه قوليها.. واذا الكلام الطيب ثقيل عليك... انا عاذرك عشان اعرف طبيعتكم يالحريم


عموما شكرا لك اخير على وقتك اللي قضيتها مع شخبطاتي

اكيد من حقك انك تزعل منها بس مو لدرجة تفكر بزوجة ثانية لازم تبين لها انك زعلت وتقول لها ما رح اجيب هدية ثانية لك لانك بدل ما تشكريني ترميها فوجهي لما تبغي فلوس اعطيكِ اما هدية ما بجبلك
يعني لازم تحسسها انها غلطت في حقك وتعتذرك وبعدها جبلها هدية على ذوقك انت ,يعني ما لازم تتعود انو تكون الهدية على ذوقها والا لا تسمى هدية
موفق
وان شاء الله

والله مدري اميره..خليني اول اشي اصحصح من اللي سوته فيه وبعدين افكر بوضوح واعرف اش اسوي


شكرا لك

حياك الله

الموقف حصل اليوم .. اتوقع بعد وقت (بكرة او بعده )
بتحس ان تصرفها كان سلبي .. وبتجي تراضيك ..
ومن الحين لين يجي هذاك الوقت خلك رسمي معها الين تجي
فترة المصارحة ..

تعوذ من ابليس عبادي واطمئن .. مستقبلا اقترح عليك
تهديها الشي الي هي تحبه .. وليس الشي الي انت تحبه

صدقني لو جبت لها شي هي تحبه ما تقدر ابدا تكشر بوجهك

موفق

__________________
شتان .. بين من تسيره مبادئه ، ومن تسيره مصالحه

أسلوبها جداً منرفز حتى لو فرضاً فيه شي بينهم مالها أي عذرتسوي الحركه هذي !!


لازم تفهمها أن أسلوبها خطأ ومايرضيك !!


وماترضى عليها حتى تعتذر منك على أسلوبها السيء !!


وأحرمها من الهدايا وخليها تندم على تعاملها معاك


سبحان الله زوجات يتمنون هالنعمه وزوجات عندهم هالنعمه وجاحديناها ومتكبرين عليها كمان!!

__________________
أشتقت لكم جداً 💔

ياخوي عبادي .. اصبحنا و أصبح الملك لله أول شئ
تاني شئ زوجي يقولك في أي شارع رميت الألفين ريال ..؟؟؟


ثالث شئ ، جاي تنصحني عن طريقة تقدير المرأة لزوجها و تقولي أفهمي الكلام ..؟؟؟
أنا جيت اشتكيت لك و لا زوجي اشتكى لك ..؟؟؟ ما تنصح زوجتك بدل ما تنصحني ..

أنا بديت ردي بنصيحة للكل إنه لا نتعامل زي كذا مع بعض .. و فهمتني غلط ..
و دحين جاي تنصحني ..؟؟؟

أدري إنك في لحظة غضب و قهر ..
بس ترى مو كل حرمة زوجها يدلعها و يحبها تعامله بالطريقة هذه .. إلا اللي دلعها ( ماسخ و ماله طعمة ) ..

و أنا أؤمن بإنه الرجل كل ما شكرته و مدحت فيه ، كل مازاد عطائه ..
و زوجي مدلعني و الحمد لله و مو ناقصني شئ غير إني اشكر ربي حتى يدوم حبه..
فما يحتاج تعلمني .. علم اللي عندك