سبحان الله ... انا استغرب اللي يقول كيف تزعلين لانه يغار عليك

واستغرب اللي يقول ارجعي بسرعه...يعني لو عندك اولاد قلنا يمكن هالحماس

ياناس فرقوا بين الغيره الطبيعيه ...وبين حب التملك والسيطره والاذيه
بعضهم يحرم زوجته من الدراسه ومن العمل ومن حتى زيارة اهلها بأسم الغيره

هذا مو منطق هذا ماسمه غيره..اسمه مرض

تجي وحده من النوع اللي تحب الرجال اللي هو زوجها يصبحها بكف ويمسيها بكف..باسم ان زوجي حمش

وتنصح الناس.. ترى هذي غيررره لانه يحبك خليه يكفخك
خيرررر ياطير والله شي يضحك


وبعدين اختي شوفي رد امير لندن ...رد بكلمه منطقيه كيف يتصل عليك وهو مازال يفكر



كنتي مو مقصره معه ابدا ... ويتمنن عليك بكلمه زينه وحده مو قادر يفتح فمه ويقولها

ويقول فيه حاجز بيني وبينك

وبعدين صار يحرمك من الطلعه والخروج وياقارن بينك وبين النساء الاخريات ...يعني انتي في بينك وبينه حاجز مايقدر يمدحك او يقول لك شي زين او كلمه حلوه
ونساء العائله الاخريات مافي حاجز بينه وبينهم عادي يشوف محاسنهم ويجي يغيضك ويمدحهم عندك

ولما صرتي تعصبين وتتضايقين ماتحمل الأخ ...
عادي انتي تحملي الحواجز اللي كان هو واضعها
عادي تحملي مدحه للنساء..
عادي تحملي ثقله..


لكن مو عادي هو يتحمل عصبيتك اللي كان هو سبب فيها...صعب كيف يتحمل هو رجال وانتي حرمه
انتي امه عنده..عبده لازم تتحملين كل شي


ولما طلقك

رجع يبي يشوف هل مازال هو شخص مرغوب فيه و لا لا
وصار يعتذر ويترجى ومجرد حس انك تريدينه قال لا لا خلينا نفكر بالموضوع...مانقرر بسرعه

اجل ليش تتصل اصلا على بنت الناس اللي طلقتها وانت ماقررت ولا فكرت

قال رسول الله صلى الله عليه وسلم ثلاث جدهن جد وهزلهن جد"الطلاق والنكاح والرجعه"
حديث صحيح رواه الترمذي وأبو داود وابن ماجه من حديث أبي هريرة


حبيبتي ارسلي له مسج او اذا كلمك ... قولي له بعد ماقلت لي لازم نفكر ونقرر
فكرت بالموضوع لقيت نفسي عشت معك حتى كلمه زينه ماسمعتها منك بحجة ان فيه حواجز بينا.. .. اي رجل اذا مايشبع رغبات زوجته العاطفيه ...وش الفايده من وجوده

وكنت تحرمني من كل شي وتمدح النساء ولا اعلم هل النساء مابينك وبينهم حواجز...وانا زوجتك في بينا حواجز
ثم طلقتني بسبب عصبيتي اللي انت كنت سبب فيها ياستاذ

والان رجعت تترجى وتعتذر وحين رأيت مني بوادر موافقه قلت لا لا لا لازم نفكر...ليش تتصل اصلا وانت ماقررت اما تعلم قول رسول الله ثلاث جدهن جد وهزلهن جد"الطلاق والنكاح والرجعه
هذا وانت صايم ومصلي
ومن الاساس يفترض فيك تتصل بأهلي مو فيني لانك مو محرم لي

وجاي تقول افكر...متصل علي تعلمني انك بتفكر بالموضوع

رح فكر بعيد عني...مو تتصل علي وتفكر

انا عايشه معززه مكرمه عند اهلي ومابي وجع راس
والله يرزقك ويرزقني

ولا تطيلين المكالمه معه انهيه


ولعلمك هو يقدر يقولك كلام زين ويقدر يعاملك زين بس حضرته مسوي ثقل... عنده ان هذي طريقه يروض فيها زوجته...وهذي نوعية كثير من الرجال
والدليل انه لما شافك وافقتي تراجع وثقل...

ياختي حبي نفسك يحبك الرجل

والله....ان الله مايضيع احد ابدا

واذا بيرجعلك مثل الناس ومحترم ويعرف قيمتك حيا هلا
اما يتلوى مثل الحيه الرقطه عطيه بلوك من حياتك