الله يسامحك مهما كان حرام عليك والله حرام
لأنك تدرين وساكته ذنبهم في رقبتك أمك ماتنلام خايفه وأغلب الكبار كذا لكن أنتي أم
قلبك حرقك على بناتك مع إنو المتحرش فيهن بنات مثلهن وما أنتي مستعده تتحملي كم كلمه من أخوك
مهما كابر وقال بالآخر بيعرف نفسه غلطان أقل شئ بيفتح عيونه على بناته
عموماً أنت حره لكن تخيلي لو إنو بناتك مكان بنات أخوك وللتذكير البنات يعتبرون لسه أطفال والمتعرض للتحرش يفعل في الغالب كما فُعل به والدنيا دواره

__________________

اختي الغاليه كلامك على عيني وراسي وانا أم وهذا شرف وهذولا بنات اخوي وعندي ضمير حي

لكن والله والله محتاره كيف بتقبل ردة فعل اخوي لانه مايتقبل منا كلنا اهله اي شيء ضد بناته اوزوجته اواهل زوجته يثور لو جبنا سيرتهم بكلمه

__________________

لا اله الا انت سبحانك اني كنت من الظالمين

الله يعينك علي مصيبتك
بس هذا شئ كبير وما تسكتى عنه ابدا

اولا حاولى تفهمى بناتك كيف يداعون عن نفسهم وهذا شئ ضرورى جدا
فهميهم ان هذا غلط وان ما يسمحوا لاي احد يقترب منهم ومهما صار او يفسخ لهم ملابسهم
وانك بتعاقبيهم اذا شفتيهم استسلموا ( بس للتخويف لهم علشان يكونوا صارمين)

ومن رايي بنات اخوكى بعد تقدرى توريهم العين الحمره فى هذا الشئ
وتقوليلهم انك ما راضيه عن اللى يحصل وانك ما تسمحين لهم ابدا يوصلون هذا الحد

ورايي من راي الاعضاء
لازم توصلى الامر لأخوك او زوجته ... لان الموضوع كبير ما ينسكت عليه

السلام عليكم ورحمة الله وبركاته

أختي لقد أزعجني موضوعك كثيرا وأنا لا اعرفك ولم ارى الاطفال وهم يفعلون
ما فعلوا فكيف بك وأنت رأيتي ما رأيتي وسمعت الاسباب لهذه الأفعال،
أسأل الله لك الصبر والتوفيق لدفع المنكر المحدق بكم...
أختي الموضوع جدا خطير ولا يحتمل التأجل بل عليك المبادرة لحل المشكلة بأقل الخسائر،لأني أعتقد انه في بعض العمليات الجراحية توجد بعض المضاعفات التي يتعافى منها الانسان مع مرور الوقت وموضعك لن يحل دون خسائر في العلاقات الاجتماعية وشحن للأنفس ضد بعضها لأن الشيطان حاضر في نفس بعض الاطراف ولأننا نتعامل مع مشكلة كبيرة في ظل تهاون (سقوط للوازع الديني)عند بعض الاطراف الرئيسية التي هي سبب المشكلة.
أتمنى منك توضيح بعض الامور لتكون المشكلة واضحة وليكون الحل متناسبا مع حجم المشكلة. ولا أخفيك سرا أني خائف جدا من الأجوبة ويدي على قلبي وأسأل الله ان لا يكون الامر تطور لما لا يحمد عقباه....
1- كم هو عمر أخوال بنات أخيك؟
2-كم عدد تكرر الامر معهن من قبل أخوالهم؟
3-مستوى التزام أخيك وزوجته؟ ومستوى التزام اسرتكم بشكل عام؟ الام والأخوات والاخوان؟
4- هل لديك أخوان غير أخيك المدلل؟ وكيف ستكون ردة فعلهم اذا علموا...
أعتقد أن هذه الاسئلة كافية للوصول الى لب المشكلة والاحاطة بها من كل الجوانب....
أختي لتسمحي لي أن اعتب عليك لأن تصرفك مع المشكلة لم يكن بحجمها وبحجم المأساة التي ستقع على بنات أخيك بل كان فيه شيء من الانانية بحيث أنك قلت أنا أربي وغيري يخرب فهذه توضح أنك منزعجة جدا لأن الأمر وصل لبناتك... وكذلك تحركك في الموضوع فيه تراخي بسبب علاقتك بأخيك الغير جيدة وبسبب تفضيل والدتك له... والذي أحزنني أنك قدمت رضى المخلوق على سخط الخالق فما قيمت ان ترضى عنك امك ويغضب عليك ربك لسكوتك عن المنكر الذي فيه تدنيس لطهر الطفولة البريئة....
أتمنى أن تعذريني لأني عتبت عليك فما باليد حيلة وقلبي منزعج ومضطرب من موضوعك ومن نتائجه التي اتمني أن تكون خلاف ما يجول في عقلي ونفسي...
أشد على يديك لحل الموضوع وسيكون لك شأنا عظيما عند الله وفي نفوس الاطفال...
دعائي لك بأن يأخذ الله بك لأفضل الحلول وأسرعها واقلها خسارة...

حبيبتي ... الله يعينك ويفرج همك يارب ..

عندي لك 4 حلول واختاري انسبهم او اتركيهم ...

1

تجمعين اخوك وحرمته والوالده وتجلسين معاهم وتكلمينهم باللي صاير مع بناتك ومع بنات اخوك ... وحتى لو كانت ردة
الفعل سلبية بري ذمتك حتى لو تطلعين من البيت تراك على حق ...يزعل اللي يزعل .. ( وهذا أصعب الحلول بس ينفع )

2

تجلسين مع بناتك وبنات اخوك وتعلمينهم الصح من الغلط ... وابتكري افكار وألعاب على سنهم علشان ينشغلون فيها
وقت الزيارة .. وخوفيهم من الله وحذري بنات اخوك ان اذا تقرب منهم أحد وتحرش بهم لازم يعلمون أبوهم او والدتك
لان امهم ممكن تستر على اخوانها ...

3

تزورين اهلك بدون بناتك .. واذا سألوا عنهم تعذري بأي شيء ... او سجلي بناتك في مركز أنشطة للاطفال علشان
ينشغلون بالاشياء المفيده وينسون التصرفات السيئة هذه ... وبعدين اذا سألوك عنهم تحججي بالمركز او النادي ..
وما في مانع ينضمون بنات اخوك للمركز نفسه .. جذي بترضين الوالدة واخوك وبتنفعين البنوتات ..

4

الحــل اللي طرحه اخونا الفاضل good man 2000 جزاه الله كل خير ...

اتمنى تفيدك الحلول هذي ... والله يسعدك ويحفظ البنوتات ..

__________________

السلام عليكم
مانمت بالليل امس قلبي عورني من موضوعك ..

شوفي .. الله سبحانه وتعالى ارسلك حتى تنقذي بناتك وبنات اخوك من مصيبة كبيرة

بناتك والحمدلله ان شاء الله ما صار لهم شي كايد . انتي قلتي انهم صغار والزمن كفيل انه ينسيهم اللي صار

المصيبة في بنات اخوك .. كبار وفاهمين .. وتعرضوا للتحرش اللي ايقظ عندهم الحاجة الجنسية اللي المفروض ما تكون في بنات في سنهم .. وهذا كله بسبب الذئاب البشرية اللي في ثياب المحارم

اختي انا لست مفتيه ولا فقيهة في الدين لكن اخاف ان يلحقك ذنب انك شفتي وعرفتي عن بنات اخوك شي وما تصرفتي

اذا خفتي انه اخوك ما يصدقك .. جات في بالي فكرة انك لو تصورينهم وهن متلبسات بفعلتهن وتورين اخوك .. صحيح انه صعب بس انتي قلتي انه اخوك ما راح يصدق لانه ما يرضى في بناته فلازم لك دليل

ما اشوف انك تكلمي مرت اخوك لانك تقولي انها تغير السالفة يمكن انها دارية عن الموضوع بس ما تبي تبين ..


الحل الثاني انك تمسكي بنات اخوك .. وجلسات مكثفة منك انك تنصحينهم وتوجهينهم انهم يبلغون ابوهم باسرع وقت قبل لا يصير شي كايد , وحتى ينال هؤلاء المحارم عقابهم حسبي الله عليهم من خوال


اختي الحمدلله الي ربي سلم بناتك .. لكن لا تنسي بنات اخوك والله رحمتهم من قلبي .. الموضوع ما فيه مجاملات وحرصي اخوك انه الموضوع لا يوصل للوالدة وصدقيني هو ما راح يوصل لانه يخص شرف بناته

__________________
احفظ الله يحفظك

معليش في واحد منكم غير طبيعي..

الأم - الأبن - زوجةالأبن - أنتي..

الأم: مهما كان الحب مهما كان الدلع.. مايوصل لدرجة دخول المستشفى!!!!

الأبن: لو كان يحب أمه مستحيل يوصل لها شي يتعبها!! بالعكس يحاول يخبي عنها الأشياء اللي تظايقها..
مو كل صغيرة كبيرة يروح يعلمها!!

زوجة الأبن- معقولة مو ملاحظة بناتها.. سواء مع بناتك او مع خوالهم!!!؟

أنت: شنو سبب عداوة الثلاثة لك!!!
أمك مو محترمة كلامك ورايك وقرارك!! نقول عادي لأنها تحب ولدها أكثر منك..

طيب أخوك.. ليش مافي بينك بينه لغة حوار!!!
ممكن تجلسين معاه بينك وبينه وتقولين له الموقف اللي شفتيه.. وأنك تكلمتي معاهم بحنية وصارحوك بأن خوالهم يتحرشون فيهم.. وأنك خايفة على بناته أكثر من بناتك.. لأن الموضوع أكبر.

وحطوا لكم حلول مقترحة أنتي وياه .. وقولي له الموظوع حساس .. ويحتاج في حله الحكمه.. ومافي داعي أمي تدري بالموظوع..

وزوجة أخوك: ليش مو مقربة منك!!!
ممكن يكون الحوار معها بدل أخوك.. خاصة أنه الموضوع يخص أخوانها..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

حبيبتي انتي اتوكلي على الله وصدقيني الله بيكون معاج ... ولا اتصيرين شيطان اخرس لان هذا الشي حرام والسكوت عنه حرام حرام حرام وانتي شكلج انسانة مؤمنة عارفة ربج فتوكلي عليه وخلي ايمانج قوي والله بيكون معاج بس انتي لازم تتصرفين مب بس عشان بناتج لا عشان بناتج وبنات اخوج بعد ويلا نتريا منج الاخبار وان شاء الله يكتب اللي فيه الخير

يا اختي والله مني عارفة شو احكي من القهر هاد الموضوع خطير لازم تخبري اخوكي والي يصير يصير حتى لو زعلت الوالدة صح رضاها مطلوب ولكن رضا الرب قبل رضا الوالدين وتحاسبي شرعا على سكوتك والساكت عن الحق شيطان اخرس
حرام يروحو اطفال ضحية افعال الي ما بخافو ربنا استعجلي اختي قبل الندم وقبل فوات الأوان بجوز تقدري تحلي مشكلة بناتك مع بنات اخوكي بس المشكلة بنات اخوكي ذنبهم برقبتك لا تسكتي احمي هالاطفال حرام عليكي

كان الله في عونك

شوفي يا اخت

اجلسي انت واخوك ومرته وامك


خلي بنتك تدخل عليكم وتقول كل الذي يحصل لها من بناتك اخوك


وانها تضايقهم في كل مره يجوا فيها بيت جدتهم


وبكذا تكون البنت هي التي فتحت الموضوع وساعتها خلي لك موقف حازم من الجميع

اتمني اكون افدتك



في رعايه الله

__________________
الحمدلله علي أنعم الله الظاهره والباطنه