طيب قل لولد خالتك اذا عنده اخت بصراحه انا معجب في اختك وعطني رقمها بالله ابي اكلمها

واذا عصب قل هذا شعوري وانت تكلم اختي

وليش تأجل تفاتح ابوك بالموضوع ليوم الجمعه ؟؟؟؟؟؟

__________________
لااله الا انت سبحانك اني كنت من الظالمين

صراحه اهنيك على هالعقل يعني اتخيل لو واحد مكانك كان على طول تصرف تصرف همجي وضرب اخته وفضحها عند ابوها

له حق ونص اجل هو اخو بالاسم لا طبعا

تبغى نصيحتي

خلاص دام انت شخصيا اكتشفت هالعلاقة الخاطئة انهيها بطريقتك

ولا تدخل والدك بالموضوع انت قلت أنه تعبان نفسيا من أول فلا تعبه اكثر واضن هو رجل كبير ومو حمل هم وتنكيد

انت لساتك شاب وانت الي تقدر تتفاهم مع اختك بعقل وبقوة تحمل صدقني هي فترة وتعدي افتكر زمان كنا نكلم اولاد خالتنا وتصير بيننا قصص حب وحركات

لكن لما كبرنا عقلنا وندمنا على إلي كنا نسويه لانو مافي احد كشفنا ونبهنا على الشي الي كنا نسويه


خذهآ معاك وسولف لها عنه وقول لها هو لاعاب ونبهها عن تصرفاتها وبين لها اهداف الشباب لما يتعرفو على بنات

وهددها ان مسكت عليها غلط حتحرمها من الجوال والاب توب

وان ما عقلت حتضطر انك تسوي شي هي حتندم عليه بعدين

وولد خالتك هذآ الله يهديه قوله هالكلمة وبس وهو راح يفهمها من دق باب الناس دقو بابه

والله اني اعرف انه شي يرفع الضغط وينرفز الواحد لكن مابيدك شي غير انك دايم تدعي ربك
وتقول يارب ان كانو خواتي يسوون شي غلط اكشفهم لي يارب العالمين




البنات بس يبغالوهم احد يصاحبهم ويوقف معاهم وينصحهم
واختك طبيعي تتهرب منك لانها مفتشله من نفسها ومالها وجه تجلس معاك زي اول

بس إلي استغربه موقف امك وخالاتك

والله إنك رجال ينشد فيك الظهر وسنافي
إسمع القول إللي يجمد علا الشارب كل شئ يهون إلا الشرف لاتساهل فيه هاذا عرضك وشرفك و ياما بنات وطورؤس أهاليهم بفعايلهم والبدايه مكالمات ورسايل بلجوالات إنتبه معظم النار من مستصغر الشرروبنات الناس ماهم لعبه لولد خالتك وأمثاله وأختك هاذي تبغى له خيزرانه علا ظهرها لوماطاعت وسمعت كلام أبوها وأخوها والمفروض أمك هي تزعل وتكلم أختها علشان تخلي ولدها يبتعد عن البنت وتسحب الجوال والاب توب من بنتها وشوف أبوك لو ماعرف من الحين صدقني إن المسأله بتطور أكثر من كذا إنتبه ذولا في سن مراهقه بلا حب بلا خرابيط والله ماضيع ودمر بيوت الناس إلا هاذا إلي إسمه حب قبل الزواج علم أبوك بالسالفه مهما صار الأم مثل هسوالف ماتقدر تسوي شئ بالذات إنه ولد أختها وماتبغى صورة أهلها تنهز قدام أبوك علم أبوك بلهداوه وخله هو يفتش جوالها والاب توب علشان مايكذبوك حتا أبوك يعرف إن عنده ولد ينشد فيه الظهر مثلك وبالنسبه لأمك تقول البنت أكبرمن الولدوينها هيه عن خديجه بنت خويلد رضي الله عنها عندما تزوجت من رسولنا وحبيبنا محمد عليه الصلاة والسلام والفارق خمسة عشر سنه خلها تتوكل علا الله ولوالولد صادق زوجوهم لبعض بلحلال والفارق بسيط بعدين أناحسيت من كلامك إن أمك حاطه الحبل على الغارب لكل بناتها حاول تنصحها وجيب لهاأشرطه دينيه فيه شريط لشيخ سعيد بن مسفر إسمه عندما ينتحر العفاف
وشريط إسمه سراب وشريط دقه بدقه لشيخ إبراهيم بو بشيت وفيه كتيبات تتكلم عن قصص مؤثره للفتيات الذين أهملوافي تربيتهم بسبب المعامله السيئه أو الدالال والدلع الزايد فأنتبه هاذي أختك عرضك شرفك قول لأبوك حتى لوصارت مشكله بين امك وأبوك وهم يحبوا بعض
هيتفاهموا وتكو ن درس للبنت ماتتعودها ومافيه مشاكل من هالنوع أتوقع يحصل فيها طلاق بلعكس يمكن تكون لأمك عبره وتنتبه علا بناتها قول لأبوك ولاتشيل هم رايحه تعدي علا خير
أبوك عاقل راشد كبير بيده حلول الرجل يأخذ الحلول بلعقل لاكن أمك تمنعها العاطفه لأن النساء تغلب عليهم العاطفه دائما وأخيرا بارك الله فيك وأقربك عين والديك وأسأل الله أن يجعل هاذي الصفه فيك بولدي يارب .

الغريب في الموضوع
أن أمك وخالتك وأخوالك وخالاتك يعلمون بالموضوع ومؤيدين له !

أخي الفاضل أبلغ والدك بعد استحضار الأدله لكي اذا طلب منك اثبات
تكون جاهزا كي لا ينقلب الموضوع ضدك , وبمثل ظروفكم لن ينجح أحد غيره - بعد توفيق الله - بلجم هذه العلاقه ,
وقبل أن تقول له شيئا , أبلغ والدتك عن عزمك ابلاغ والدك .

أخي الفاضل ...الخوف أيضا على أخواتك الأخريات , سيما أن والدتك مؤيدة لهذه العلاقه ,
وقد يستسهلن مثل هذه العلاقات اذا علمن أن والدتهن تعلم بعلاقة أختك وساكته عنها !
ومستقبلا لو أقامت أيا من أخواتك الأخريات علاقه مع شاب ما , لن تستطيع أمك ايقافها اذا لم تعجبها هذه العلاقه
لأن البنت ستقول , ولماذا سمحتي لفلانه ولا تسمحي لي أنا ؟
عند ذلك سترضخ والدتك .

اذا كان والدك تعبان نفسيا , سيؤثر عليه مثل هذا الموضوع ,
ولكن فكر ماذا سيكون حاله لو حصل لأختك أمر أكبر من المحادثات والرسائل مع ولد خالتك لا سمح الله ؟

سدد الله خطاك .

بكرة ماحد بيخسر غيركم إنتوا

الولد مصيره يروح يتزوج و أختك كل الناس تقول تحب ولد خالتها و ماحد بيخطبها

المشكلة إنه أمك راضية و ساكتة و رافضة الزواج ؟
يعني ترفض الزواج و تقبل بالعلاقة اللي بينهم ؟

يا ناس أفهمو أمي ليست راضيه عن العلاقة وتغيرت 180 درجه عن أول يعني أنقطعت العلاقة بين أمي وخالتي بسبب الموضوع

وأمي زعلت وتكدرت وهددتها وأنا أعرف أمي أكيد ما ترضى على بناتها هذا الشي لاكن هي خايفة لو درى أبوي بيشرشحها ويمكن يحرمها من أشياء كثير وهذا إلي أمي ما تبيه

خلاص اشتكي لأبوك

افضل حل والدك يعرف

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اخي الكريم لماذا لا تحاول انت مع اختك قرب منها حسسها بالامان
كن اخوها وصديقها احميها من الفراغ العاطفي اسال استشاري حقيقي
يعطيك طرق ناجحه وادا جربتها معها وفشلت هنا استعن بابوك لانو انا
والله خايفه على اختك وامك من ابوك لانو ابوك اكيد راح يتغير كثير لو تخبره بالموضوع
اخي لا تتسرع كل انسان خطاء وخير الخطائين التوابين وادا اختك تحب ولد خالتك والله صعب
تمنعوها عنه لانو الحب مرض للاسف وعلاجه الحنان الاسري

مشكورين يا أخواني

وآرجوا من المشرفين أغلاق الموضوع