لسه دمي يغلي يعني ما اعطاني اي احترام
لا و المشكله اننا عزمناه مره عندنا بالبيت و تعبت روحي على الأكل و الحلى
و كان مره مبسوط و يمدح فيني و في اكلي و بعدين يجيب عروس لزوجي من وراي
بس خلاص انا بهدلته كفايه هههه

مشكوره على المرور و الدعوه حبيبتي

__________________

الامومة هي ان تضحي بكل شيئ جميل ليكون في اطفالك الاجمل

تصرفك صح سواء كانت القصة صحيحة او هو مألفها
لانك لو بينتي زعلك كان رح يندم وماعاد يحكيلك اي شي بصير معه
انا من يومين كنت بالسيرة وزوجي حبيبي واقف عندي جهتي وفاتحة الشباك منتظر يخلص الاكل من المطعم وكان في جنبنا سيارة وفيها بنات ولا وحدة طلعت ووقفت شوي وبعدين قالت لزوجي هاااي انا استغربت وماكنت متأكدة تكلمه ولالا بعدين قالتله هيي انت يااسمر ياحلو تخيليييييييي
انا ماتحملت فتحت شباك زوجي وقلتلها عمى في عينك يا قليله الادب
زوجي صار يضحك ويقول شوفي زوجك كيف المعجبات حوليه انا من داخلي بمووووووووووت
بس دايما يصير مواقف متل هيك او يجي يقول في وحده قالتلي او سوتلي كذا وانا احسسه اني فخورة فيه انو ماعطاها وجه وقالي ايش صار
لاني متاكدة لو سويت العكس عمره مارح يقلي شي
بس صراحة شي يقهر
احس اني انقهرت لما تذكرت الموضوع

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ايه والله شي يقهر
و الله مصيبه ايش صار بالبنات و ين الحياء و الحشمه لا وين عزة النفس و الكرامه ...استغفر الله بس
شي ما يتصدق الا ما يصير للشخص نفسه

مشكوره على المرور حبيبتي

__________________

الامومة هي ان تضحي بكل شيئ جميل ليكون في اطفالك الاجمل

صدقي حبيبتي كلام زوجك ممكن يكون صح

بنات هالأيام ماصارو يستحو خلاص يختي انعدم الحيا عندهم

انا قبل يومين راكبه القطااار بنت عربيه ومتحجبه تعازل بالولد اللي جنبي عيني عينك

الولد وجه احمر وقام من المكان جلس بعيد شوي وانا اراقبهاا

راحت وراه وتكلمت معاه وفجأه يضحكووون وسجلت الرقم بجوالهاا

وربي انا اغلي من مكااني نفسي اروح اكفخهااا

وانا مع كلام احلاهم

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

ما أسرع إنفعال النساء !

قولي لزوجك وبكل برود
وماذا يعنيني لو أن إمرأة معجبة بك ؟

الحمدالله يا أختي إن زوجك إنسان صريح وما يخفي عنك شئ وهاذي ميزه حلوه في بعض الأزواج وأنا أعتبرها رمز للوفاء والإخلاص لزوجته لأن الزو ج الوفي والمخلص لزوجته لايخفي عنها شيئا وكمان إنت زوجه عاقله وفاهمه و تصرفاتك غير متهوره لأن زوجك لوماكان يثق في تفهمك لمثل تلك الأمور ونتيجة ردة فعلك ما كان قال لك شئ
يعني الزوج إذا وجد زوجته إنسانه فاهمه وعاقله وواثقه فيه وفي تصرفاته فهاذا شئ أكيد بيقول لها كل شئ في حياته لاكن إذا كانت متهوره بتصرفاتها و غيوره وشكاكه فمستحيل يقول لها عن مثل تلك الأشياء ليش لأنها ماراح تصبر وراح تحرق الأخضر واليابس و بتحمله كافة المسؤليه
حتى لو هو المسكين ماله بالسالفه لاناقة ولاجمل بس وحده من البنات ذ و لي تحركشت فيه وهي نفذت بجلدها والرجل أ كلها من هاذي الزوجه وبعدها الله يعينه على مايجيه .
أنا سبق وكان فيه بنت تدق على تلفون بيتنا و كنت مدخله فيه خدمة كاشف الرقم كان لما أنا أ رد عليها ماتتكم تجلس فاتحه الخط بدون ما تتكلم أقول ألو ألو إنشق حلقي وأنا أقول ألو وهي ماترد عليه فأنا شكيت في نفسي قلت يمكن هاذا رجل ومايبغى يتكلم و بيسجل صوتي
و قلت لزوجي خذ السماعه رد أنت وأنا رحت مسكت السماعه الثانيه وأسمع زوجي قال بس ألو ويطلع ذاك الصوت تقول إيش ناعم وغنج ومياعه لآخر درجه هلا حبيببي أشلونك زوجي ردعليها من أنت قالت وحده معجبه فيك وتحبك وتموت فيك قال لها زوجي طيب من و ين تعرفيني علشان تحبيني قالت له مو ضروري تعرف أنا أحبك و بس قال لها زوجي يابنت خافي الله في نفسك قالت له أنت خاف الله فيه أنا جالسه أتعذب في حبك
وأنت ولاهمك فيه والله ذاك الساع لما أنا سمعت سوالفها
كذا بصراحه شكيت في زوجي إنه يعرفها ومن قهري بغيت أشيل التلفون وسماعته وعلى راسه و فين ماوصلت توصل معاه بس قلت يابنت تريضي شوي إن بعض الظن إثم وزوجي قال لها أتقي الله في نفسك وخافي من عذاب الله أنت إللي جالسه تسوينه غلط في غلط و بعدها زوجي سكر الخط بوجهها وشوي إلا و هيه تدق وأنا أرفع السماعه قلت ألو ردت على طول لو سمحتي أعطيني إللي جنبك رديت عليها شقوا جنبك بمشرط قولي آمين
ياقليلة الحياء يللي ماعندك ذرة كرامه إنقلعي قلعوا وجهك من مكانه وأقفل الخط بوجهها وأدور الكاشف وأسجل رقمها بورقه خارجيه و بعدها كان عندي إثنين أولاد نايمين بغرفتهم أرو ح أشيلهم وأحطهم جنب بعض عند أبوهم وقلت له قوم توضأ قال خير وش فيه قلت له قوم توضأ و لاتناقش أبد إذا بغيت هاليله تعدي على خير طبعا شاف الدنيا مشعلله قام توضأ و أنا رحت طلعت المصحف و قلت له طالع في أولادك زين ناظرهم أنت الحين عندك ولدين بس وماخلفناهم إلا بعد تعب ثمان سنين وحنا نستناهم والحين أنا الحمدالله عندي قناعه من رب العالمين والله لو يموتوا وأدفنهم بليله هاذي كلهم أحلف بالله ما أذرف دمعه عليهم إذا كنت تبغى تكذب عليه وتحلف يمين كذابه قال خير قلت قرب حط يدك على القرآن
وأحلف بالله العظيم وبكتابه الكريم وإن الله يحرمك أولادك وصحتك وماملكت يمينك إن البنت هاذي أتصلت على التلفون إن مالك فيها علاقه ولاتعرفها ولاتدري عنها قال طيب وأخذ المصحف وحلف يمين بأنه مايعرفها ولايدري عنها وأقسم بالله العظيم إنه مايعرف من النساء إلا أنا في حياته وماعمره فكر في أي إمرأه أخرى وآخر شئ قال لي أعاهدك بكتاب الله إن رايح أكون لك الزوج الوفي والمخلص وماراح أفكر بأي إنسانه غيرك في يوم من الأيام وأحلف بالله ماتذوقي الظيم بإذن الله وأنا عايش .
طبعا هاذا الموقف صار زمان تقريبا قبل عشر سنوات وبعد ماحلف صدقته وفي اليوم الثاني خذت رقم التلفون حق البنت وأتصلت عليه وسبحان الله دقيت الساعه تقريبا 1الظهر ورد عليه رجل صوته رجال كبير وكان زوجي عندي قلت السلام عليكم رد السلام الرجل وبعدها قلت له ياخوي أنا أتصلت داخلة على الله ثم عليك قال خير يا أختي إن شاء الله قلت له ياخوي تلفو نكم هاذا أزعجنا لا خلا لنا ليل و لانهار
نرتاح فيه وتتصل علينا بنت من عندكم مزعجتنا إذا كلمتها أنا ماترد عليه وإذا رد عليها زوجي ترد عليه
وتجلس تسولف معاه فيا أخي فكنا شر هالبنت الله يرضى عليك قال أبشري لك عليه ماعاد تدق على رقم بيتكم أبد
وبعدها قفلت الخط و أقسم بالله من ساعتها إن رقم تلفونها ماعاد دق علينا أبد
والحمدالله أرتحنا من إزعاجها وأنا كان هاذا الموقف أول موقف لي في حياتي مع زوجي وبعد ماحلف لي زوجي صدقته وماعمري دققت عليه بعدها في شئ وواثقه فيه لأبعد الحدود و الحمدالله زوجي صريح جدا معاي وماعمره أخفى عني شئ أبد حتى لوأتصلت عليه إمرأة يرد على جواله وأول
مايرد يسمع صوت إ مرأه إذا كان لحاله يقفل الخط و إذا كنت أنا عنده يعطيني الجوال أرد عليها إذا كانت غلطانه تعتذر وتسكر وإذا كانت مدلعه أغسل شراعها وأ كرشها و أقفل الخط وما أرد عليها حتى تبطل تدق مرة ثانيه .
أختي أنا أطلت عليك وحبيت اقول لك هاذي السالفه إللي من واقعي و أنا أنصح الحريم إن الوحده لوجاء زوجها وقال لها عن شئ من مثل هالسوالف أول شئ لاتنفعل
ولاتعصب عليه و تخليه حتى يكمل سالفته لها و بعدها تبتدي في مدحه و الثناء عليه و إخباره بأنه أهل للثقه و إنه إنسان محترم و يخاف الله و إنها معجبه بتصرفاته وإن ما أخبرها بذلك إلا دليل على حبه لها و إحترامه و تقديره لها و لابأس بإخراج قليل من العتب و الغيره عليه بس بشكل خفيف و غير مؤ ثر
حتى يحس إنك تحبينه و تغاري عليه .
أسأل الله لك السعادة و التوفيق في حياتك الزوجية .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي ، سوالفك تجنننننننن
و تعليقاتك من جد تضحكني مرات


لوووف أوف لايف

إيوة ، مرات أحكي لزوجي بطريقة تشبه طريقة زوجك بس قصص مختلفة
و تكون صحيح حصلت بس كانت مزحة مع زميلتي و كذا
بس أجيبها لزوجي بطريقة ثانية عشان أشوف يغار و لا لأ و انبسط ؟

في البداية كان يطنشني و ما يهتم أبداااااااااااااا و أبرد ما عنده و انقهر بداخلي
بس بعد كذا بديت أحسه من جد ينقهر و انبسط منه ، بس يرد علي ..
أصلا واثق فيك أكثر من ثقتي بنفسي ..


و صدقيني ، دام إنه حكى لك ..
فتطمني من ناحيته

و قوليله ، صاحبك ( حاسدك ) لإنك مرتاح مع زوجتك و بيخرب عليك
و امدحي في زوجك و إنك واثقة فيه و كذا

أظن الرجل اللي عارف زوجته مو انفعالية ولا راح تسبب مشاكل على الطالعة والنازلة عشان موضوع زي هذا

بيقول لها على طول وهو مبسوط وفرحان مثل حالة زوجك

لأنه يبغى يوصلك بطريقة غير مباشرة انه وسيم وحلو ومين قده ممكن يلفت انتباه البنات بسرعة

ويمكن بيتحرش في غيرتك شوي

طبعا البنت وقحة وصديقه ما عنده سالفه يعني انه مسوي خير

لكن الحمد لله زوجك مو حق هذه الخرابيط بإذن الله والدليل قالك عن الموضوع وردة فعله

وإذا سكت الصديق خلاص موقف ومر

المشكلة لو بيصير زنان رنان ويتكلم في نفس الموضوع أو مواضيع مشابهة

لكن إحنا يالحريم هذه السواليف ما ننساها للأبد ونظل حاقدين على مثل هذا الصديق

وعلى فكرة مثل هالأصدقاء كثير وإن تغيرت الطريقة والاسلوب

عند زوجي زميل في الدوام دايما يقولهم اللي يبغى يتزوج مسيار الله يحييه

وقالي عنه وأنا انقهرت قلت له ليش أحد طلب منه الأخ مسوي فيها وجاي يعرض خدماته

قهرني زوجي أكثر لين قال يبغى يسوي خير

قلت أي خير حسبي الله عليه يروح يسوي دعايه

اللي يبغى بيسأل أو يدور من نفسه

الله يعين بس انت حاولي تشيلين الوساوس من راسك عشان لا تتنكدين

وربي يحفظكم ويديم عليكم الود

والله ضحكت و انا اقرا الموضوع يا لوف .. تخيلت شكلك لما قالك

سبحان الله صار لي موقف مشابه بس على افظع

ايام العقد .. مرة و انا رايحة الجامعة الظهر و اجري من باص لباص

اسمع رنة موبايلي و اشوف مسسج من حبيب القلب ( احبك ) فقط

طبعا صاحبتك طااارت من الفرحة و كبر رااسي و اتخيلي قعدت امشي بالشارع مبتسممممة

و بالمحاااضرة متنحة .. طبعا متعودة عالهكلمة منه بس لانه جت بشكل غير متوقع بوقت غير متوقع فرحت فيها

المهم اول ماروحت البيت على طول اتصل عليه اقوله ايش المناسبة ( بعد كم كلمة حلوة )

و هنا المهم

قال : : و اللكلام على لسانه

اليوم كنت رايح بسيارة الاسعاف (كان لساته يطبق)

و اسعفنا شاب (اوروبي طبعا) و كانت معاه صاحبته .. طلعنا الثلاثة بالسيارة

و عملت له اللازم .. و انا بالطريق اشوف البنت مطنشة صاحبها المغمى عليه و قاعدة تسوي حركات هبلة

بشفايفها و بملامح وجهه .. مفهوم معناها .. و انا عملت نفسي مو منتبه و اشغلت نفسي مع المريض

المهم و هي نازلة من سيارة الاسعاف اعطته رقمها و مشت ..

اتصوووووووررري شعوري هذيك الساعة .. وحدة تطلب من زوجك علاقة عيني عينك ليلة عاابرة

سكتت ماعلقت .. بس هو استدرك (حلوة اسستدرك ) ,, المهم قالي هذيك الساعة على طول جت صورتك قدامي

و ارسلت لك المسج

مسكت اعصابي و مانرفزت .. و للحين اي موقف ينرفز احاول امسك نفسي .. عشان اضمن انه يحكي لي


موقفك حلللو .. و اهم شي المحافظة على الهدوء . مع زيادة كم المديح له و انك مفتخرة فيه الخ الخ

بس تعرفي مادري ماحسيت بالقهر من صديق زوجك.. على الاقل استاذن زوجك قبل ما يعطيها الرقم ..
و هذه تحسب له .. كان ممكن يبلشه فيها و يعطيها الرقم و يقولها لا تقولي انه انا الي عطيتك و يالله دوري الفكة منها ..


ربي يسعدكم و يحفظكم و اولادكم من كل شر ..

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

لا خلاص صدقت
و الله كنت اعتقد انه بس في الأفلام و كدا و كنا خايفين من الأجانب اللي ما يعرفون الله و لا عندهم اي حياء و حشمه
الحين صارت من بنات بلدنا.. الله يهديهم و يستر عليهم ان شاء الله

و مشكوره على المرور حبيبتي

__________________

الامومة هي ان تضحي بكل شيئ جميل ليكون في اطفالك الاجمل