17-02-2011, 04:22 AM
|
المشاركة الأصلية كتبت بواسطة & نور دبي&
مبروك مقدما
ولاتنسى تدعي ربي هب لي ولدا صالح يعني منك الدعاء ومن الله الاختيار |
17-02-2011, 06:55 AM
17-02-2011, 07:22 AM
17-02-2011, 07:44 AM
17-02-2011, 07:50 PM
20-03-2011, 11:05 PM
|
المشاركة الأصلية كتبت بواسطة بنت الحكمي
ماشاء الله تبارك الله ألف مبروك لك ولزوجتك وربنا يرزقكم من أوسع أبوابه ويبارك لكم في جوري وإللي في بطن أمها إن شاءالله ويجعلهم لكم قرة عين بالنسبه لخلفة البنات أنا أعرف تنتين حريم عز المعرفه وتربطني فيهم صداقه قوية وحده عندها 9 بنات والثانية 8 بنات الحرمه إللي عندها 9 بنات مارزقها ربنا أولاد إلا آخر شئ جابت 4 أولاد بعد 9 بنات جاها ألأولاد في الأخير وبالنسبه للحرمه الثانية إللي عندها 8 بنات باقي ماعندها أولاد ونفسها في ولد مره لدرجة مره ولدة أنا وهية بأسبوع واحد أنا جبت ولد وهي جابت بنت فشاورتني قالت إيش رأيك نفسي أرضع ولدك علشان يصير أخ لبناتي من الرضاعه ويكون إبن لي من الرضاعه شوفي يا أختي كل خلفتي بنات وزوجي لاقدر الله يجيه شئ والله ما أحد يفكر فيه أنا وبناتي من أهله أو أهلي نفسي ولدك هاذا يصير محرم ليه أنا و بناتي أخاف إن الله مايرزقني ولد في حياتي وفي نهاية العمر نتشتت ونضيع أنا والبنات بعد زوجي لقدر الله عليه بشئ .
أنا بصراحه رفضت رفض باتا وخفت يكون هالشئ حرام وبالذات أنا ما أعرف وش حكمه في الشرع فأعتذرت منها وقلت لها لا كذا مايصير ربنا إن شاء الله بيرزقك ولاتقنطي من رحمة الله رحمته وسعت كل شئ ثما أنا ولدي بكره يكبر وحب يتزوج وحده من بناتك وش أقول له هاذي ماتجوز لك أختك لوقال مين السبب أقول له أنا وخالتك أم فلانه رضعناك منها وأنت طفل علشان تصير محرمها هيه وبناتها وأقنعتها والحمدالله أقتنعت أسأل الله أن يرزقها ويرزق كل مسلم ومسلمه يتمنى الولد والبنت وبصراحه الولد زين يحمل إسم أبوه ونسله ويكون سند وعون لك وقت التعب والشدايد ويتحمل مسؤلية أهل البيت في غيابك ولاكن البنت لها مميزات كثير حلوه عن الولد ومن أهمها البنت دائما تحب أبوها وتدلع أبوها وتهتم فيه ولو قدر الله وتعب ماترتاح ولايجيها النوم تلقاها أحرص الناس على علاجه وأ كله والإهتمام فيه وتتميز بالعطف والحنان بالذات تجاه أبوها أنا عندي ثلاثة أولاد هما الأوائل وبعدهم ثنتين بنات وحده عمرها أربع سنوات والثانية سنتين والله لمايقول أبوهم ليه جيبي لي كأس موية إنهم يسبقوني على المطبخ كلن تبغى تشرب أبوها وأعطيهم كأس الماء يتضاربون عليه كلن إللي بتوصله الأولى لأبوها مايوصل كأس الماء عند أبوهم إلا ماباقي إلا نصف الكأس ماء كله ينكب وهما يتجاذبونه بينهم كل وحده ماسكه من جهة ويحبون أبوهم مره جنان يراقبون أبوهم لما يجي من برى ويجلس على الكنب يمد رجوله وهما كل وحده فيهم تمسك له رجل ويجلسون يهمزونها وأحيانا يجيبوا علبة الفازلين ويدلكونها له لما يحسونها خشنة من أسفل يجلسون يسألونه بابا إيش هاذا في رجولك شوك بعدين الكبيره تسأل تقوم الصغيره تسأل نفس سؤال أختها ولو ماجاوبها ياويله تزعل وتعصب وتبكي وماترضى إلا يوديها البقاله شوف أولاده الثلاثه ماعمر أحد فيهم جبر أبوه يوديه البقاله والبنات لو نصف اليل تبكي تبغى البقاله قال لها أبشري كم عندي أنا بإسم الدلع حقهم أنا ماصدقت إن البنت تأسر قلب أبوها إلا بعد ماجاني بنات وشفت طريقة دلعهم ودلالهم على أبوهم وماشاء الله عندهم أفكار أنا أتعجب منها بناتي لما أبوهم يجيب لهم شئ من برى ويعطيهم ينتظرون أبوهم لما يجلس ويجونه يبوسون راسه وإيدينه وشكر بابا و يرفعوا إيدينهم لفوق دعاء جماعي يقولون يارب عافا بابا لو شافوه طالع مع الباب رايح مشوار يودعونه مع السلامه بابا وجيب معاك أيسكريم جيب معاك حلاوه ويرمون له البوسات من على الدرج وهو نازل باي باي بابا الله يحفظك طبعا أسلوب التوديع أنا علمتهم إياه ماشاء الله حفظوه وطبقوه وزادوعليه طلباتهم الخارجيه من أبوهم وأنا الحين لوأحكي عنهم لبكره ماراح تفهم كلامي إلا لما تكبر بنتك جوري وتشوف كيف تتعلق فيك وتجبرك على دلعها ودلالها وبعدها إذا الله عافانا تكتب عن البنات ومحبتهم وغلاوتهم . وأختم كلامي ببعض أبيات الشعر إللي قالها الشاعر الكويتي عبد الرحمن رفيع في قصيده عنوانها البنات وأنا أنتقيت بعض الأبيات منها فقط وبعضها تركتها لأن فيها بعض الأبيات ماتصلح أقولها في المنتدى فأقتبست منها أبيات إن شاء الله إنها حلوه قال فيها : غمض عيونك تصور بلدة مافيها بنات الشواطئ خاليات والشوارع خاليات والمجالس خاليات فتح عيونك وقول مثل شنهو هالحياة وش كثر ثم وش كثر لولا البنات ومن سحرهم تنسحر دنيا بكبرها هم الساس وتاج الراس وكل الناس وهم جنة الماضي والحاضر إللي آت وش كثر ثم إيش كثر كانت لولا البنات وكانت كريهة هالحياة وأنت قايم وأنت نايم منهو دايم يفتح عيونه عليك يسهر يبات البنات قول منهو إللي يخلي قلبك الخامد يشب البنات وأنت متضايق وغرقان في الزعل منهو يقلب عيشتك المره عسل البنات في الروايات والقصص ماحلت قصه ولاطابت رواية خالية مافيها بنات هم شئ في كل شئ وهم كل حي لو طفت ساعه مكينة الكهرباء هم القمر إش كثر تربح ) بتيلكو ( من حكي الناس في البنات وش كثر ثم إيش كثر كانت كريهة هالحياة لولا البنات قولو ا آمين لين دعيت الله يخلينا البنات . وأنا أقول آمين يارب تخلي لنا البنات الحبوبات الحنونات الطيبات وترزقنا برهم وصلاحهم وتجعلهم أمهات صالحات وأزواجهم رجال صالحين وطيبين . |
20-03-2011, 11:06 PM
|
المشاركة الأصلية كتبت بواسطة نور عيني22
يا اخي ابو جوري اسأل الله العلي القدير الذي بيده خزائن السماوات والأرض أن يرزقني وإياك الأولاد الصالحين تامي الخلقه والخلق عاجلا غير آجل
|
20-03-2011, 11:07 PM
|
المشاركة الأصلية كتبت بواسطة حلوة المعاني
انا وخواتي مجموعنا 7 بنات والحمدلله ابوي الله يرحمه عمره بحياته مااشتكى مننا ولامن امي بخصوص انها ماتجيب اولاد
ولافكر حتى يتزوج كان يوفر لنا كل شيء وخصوصا في الدراسة ومستقبلنا ولافكر حتى انه يزوجنا بدري علشان يفتك من حمل مصاريفنا توفي والدي الله يرحمه وكثير ناس فيهم الخير قالو انتم 7 بنات ووالدكم رباكم واحسن في تربيتكم وان شاء الله تكونو بنات صالحات وابواب النار 7 ابواب وكل وحده يوم القيامة بتغلق كل باب من ابواب النار في وجه ابوها او بتكون حجاب له هذا لو نفرض انو قصر بشي بس الحمدلله والدي كان ابن حلال وطيب ^ قالو كلامهم استنادنا لحديث الرسول صلى الله عليه وسلم ( من كان له ثلاث بنات فصبر عليهن واطعمهن وسقاهن وكساهن من جِدَتِه كن له حجاباً من النار يوم القيامة ) ابن ماجة ( 3669 ) . وهذي حكايه حقيقة والله الي تحكي القصة هي ام الاولاد تقول : كانت عندي جاره خلفتها كلها بنات الله يحفظهم وانا خلفتي اولاد بس تقول كبرو اولادي وزوجتهم وكل واحد راح بطريق سبيله وجارتي ام البنات نفس الشي بناتها الله يحفظهم تزوجو تقول كل اسبوع الآ وحده من بناتها وعيالها تجي تزورها وتجيب معاه الحلى والثانية تجيب المعجنات وووو والي تنام عند امها خميس وجمعة وتقول ام الاولاد لما ازور جارتي ام البنات اشوف بيتها فيه حياه اكثر من قبل بكثير ومبسوطه الام وانا والله بحسرتي اولادي مااشوفهم الابالشهوووووور ونادراً مايتصلو وان جوو هم وزوجاتهم يجلسو شوي ويروحو مايمديني اشبع فيهم والي فيهم مايدق علي الآ بالأعياد ولا كأني امه |
20-03-2011, 11:39 PM
20-03-2011, 11:47 PM
|
المشاركة الأصلية كتبت بواسطة بنت مكة2008
الف مبروك على حمل ام جوري الله يتمم حملها على خير يارب
كفاية انهم حجاب من النار الاعضاء ماشاء الله قامو بي اللازم كانوا زمان ماما اول ماتجيب بنت الكل ينتقد كانها مدري ايش جابت والان الكل يحسدها علينا على قولتلهم بناتك جابولك رجال يساعدوكي البنات البنات الطف الكائنات << من مويدين خلفة البنات الله يباركلك في اولادك وان شاء الله تشوفهم احسن بنات واولاد |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
