|
|
07-03-2011, 11:09 PM
|
المشاركة الأصلية كتبت بواسطة بو فهـــد 45
بسم الله الرحمن الرحيم..
سلام من الله عليكم.. مثل ما أنتوا شايفين أنا عضو جديد , عن طريق عضو كبيييير عندكم وهو اللي اقترح علي أعرض مشكلتي عندكم , وقالي وحرصني على بعض الاعضاء السيف المهند أخي في الله وشاطئ المحبة وأبو فلان والبليغ والحكيم ومعدن الرجوله ولا يهونون الباقين من أخوني وأخواتي الأعضاء. ونبهني لنقطة, الهجوم من بعض الاعضاء لكن مو بـمشكله بإذن واحد أحد قلبي وسيع لكم ولإستفساركم لمشكلتي من كل الجوانب حتى يتسنى لكم الرؤية الصحيه والاخذ بيد أخوكم للصواب.. خاصة انه اللي بوسط المشكلة يغفل عن بعض النقاط بخلاف البعيد يرا جوانب مخفية يستطيع من خلالها استشفاف الصواب.. بداية.. أنا رجل عمري 41 سنه .. هادئ.. أجتماعي.. فيني حس الدعابه.. لي حضوري في المجتمع.. محافظ على صلواتي.. غير مدخن ومالي بهالخرابيط.. مو راعي تلفزيون .. لكن تجذبني بعض البرامج . عندي زوجتين.. الاولى (د) عمرها 28 والثانية (ف) 31 متزوج الاولى من 11 سنة.. متزوج الثانية من 5 سنوات سبب زواجي الثاني بصراحة أنا كنت أتأثر بكلام الناس شوي وكنت أحس بالنقص بزوجتي.. هي بنت حلال , وظليمتها شينة , صغيرة كملت الثانوي عندي, مأدية واجباتها وزود , لكن كنت أطمع بأكثر.. وخاصة في العلاقة الخاصة..
كنت أسمع وأقرا عن أشياء ما شفتها بزوجتي , من ليالي حمرا وبرتقالية ومدري وشو , من طريقة طلب الزوجات لأزواجهم للـ (.........) فكنت أفتقد هذا الشي في زوجتي.. ولا من ناحية أهتمام وكشخة وغيره بالعكس مو مقصره . طبعا أول اربع سنوات كنت أوكي ما حسيت بالنقص .. لكن بعدها وبعد ما تعودت عليها وبعد انتشار المنتديات والمواضيع الجريئة.. وبعد ما أخوياي تزوجوا لابد هذا يجدع كلمة منا و ذاك يلمح .. وهذا اللي يقول عن المنتدى الفلاني وهذاك اللي يقول المنتدى العلاني بديت أحس.. طبعا كلمتها ووضحت لها- لكن هي شايفة انه الوضع طبيعي واني انا خيالي زيادة عن اللزوم وانه هذا الشي هي سوته لكن أنا ما أستشعره ومن هالكلام.. وبدت تذكرني باليوم اللي فاجأتني فيه يوم جابت لي هدية بمناسبة ترقيتي , ويوم سويت عمليه ونجحت عمليتي, ويوم رجعت من السفر. أنا عن نفسي كنت أحس أنه حركة عادية ما أججت مشاعري, يمكن المشكلة فيني لأني تزوجت شوي كبير . المهم قررت اني اتزوج , ومن حقي اتزوج لأني الحمدلله مقتدر ماديا ونفسيا وجسديا.. طبعا حطيت شروط أول شي قلت ابيها ناضجة , جميلة , ياحبذا تكون موظفه , عشان تكون في دخله وطلعة وشي جديد يعني مو مثل اللي تكون علاقاتها محدودة. ولقيت كل المواصفات وفرحت كثير وتزوجت. طبعا أول سنه زواج أقصد أول سنة تعدد تعبت فيها شوي من زوجتي الاولى بسبب صدمتها من زواجي وصلنا فيها للطلاق لكن الحمدلله عدت. وخاصة يوم شافت اني عادل بينهم فمثل اللي بردت النار اللي بقلبها.. ورجعت معاي تقريبا مثل أول واستبشرت خير. السنة الثانية كانت الامور ماشيه بهدوء , السنه الثالثة بدت مشاكلي مع زوجتي الثانية زوجتي (ف) إنسانة غيورة حد المرض سليطة طبع وسليطة لسان بشكل مو طبيعي لدرجة بديت أكره الحياة معاها.. ما أخفيكم انها بارعة جمال لكن والله أنها لاتؤثر فيني قدر انملة. زعلت منها , عاقبتها , هجرتها, مافي فايدة , !! الان صرت اخاف ربي يعاقبني بعدم عدلي.. حذرتها بينت لها مافي فايدة متسلطة , إذا غضبت تحولت لوحش كاسر, تتلفظ بألفاظ بذيئة ومافي رجل يقبل بالكلام هذا لكن تحملتها وصبرت من أمثلة تسلطها وغيرتها .. أنا ولدي الكبير فهد.. وأسمي أبو فهد .. إذا صرت عندها وجاتني مكالمة من الدوام او من أحدا الشركات وويسألوني من معي أقول : أبوفهد. تقول ليش ما تقول أبو سارة؟؟ ولا عشانها بنت  أحاول أسايسها وأطيب خاطرها وأضيع السالفة.. جاني منها ناصر صارت تقول طيب هذا ولد ليش ما تعترف فيه  ليش ما تقول أبو ناصر .. ولا هذا مو ولدك بس فهد هو اللي ولدك!! قلت لها يا حبيبتي أنتي شايفتني حالت سارة وناصر بالشارع عشان تقولين أعترف وما أعترف؟!! أنا أبو فهدو ما جبت سيرة اخوانه كللهم لا اللي منك ولا اللي منها !!! تسوي لي سالفة وتزعل وتطنقر وتلوع كبدي. مثال ثاني: أنا متعود إذا جبت شي لزوجتي (د) وتكون هي محتاجته . على طول أعطي زوجتي (ف) قيمته. مثلا زوجتي (د) تبي سشوار لأنه سشوارها انحرق اشتري لها السشوار. وأروح لبيتي (ف) أعطيها قيمة السشوار من باب العدل. وهي كذلك إذا اشتريت لها مكوا ملابس إذا رحت بيتي (د) أعطيها مبلغ اللي هي قيمة المكوا. بدون ما أفصل لهم وش سويت ولا وش شريت للبيت الثاني إلا إذا عرفت أنهم اثنينهم يبون نفس الشغله اشتريلهم اثنينهم. أتعامل معاهم مثل أولادي كلهم سواسيه عندي مافي وحدة أحسن من الثانية. صارت زوجتي (ف) تتدخل بالموضوع هذا إذا جبت لها شي تقول خلاص مو لازم تعطي زوجتك الاولى قيمته لأنه مكلف وهذا شي ضروري مو كمالي عشان تعطيها!!! وتسوي لي مشكلة مالها أول ولا لها أخر وتنكد علي عيشتي .. وأمشي الموضوع معاها وأقول لها خير ان شاء الله , بعد بكرة اللي هو يومها ترجع تسأل عطيت بيتك الاول تكلفة اللي سويته لي؟!! أقول لها لا ما أعطيتها , تقول أحلف , وربي يحرمك عيالك منها إذا كنت كذاب وكلام ماله داعي وسب وتلفظ أعوذ بالله.. وينقلب يومي نكد بسبتها!!! ومواقف كثيرة لا تعد ولا تحصى يبيلي أتفرغ عشان أكتبها.. والمشكلة أنه مشاكلي معاها مو مشاكل زوجية تحصل في اي بيت - لا مشاكلي معاها لازم في طرف ثالث بالمشكلة يا زوجتي الاولى او أصحابي أو أهلي , أو عيالي من الاولى فعلا قرفت . ساعات أقول هل هذا ابتلاء من الله لي عشان يرفعني بصبري غصباً علي , أو هذا عقاب لأني ماحمدت ربي على زوجتي بهذاك الوقت وربي بيورني النعمة اللي كنت فيها. ألحين صرت أقول ااااااااه لو اني قاعد على وحدة كان مالي بعوار الراس وبعدين أتعوذ من الشيطان وأقول فترة وتعدي - والان لي ثلاث سنين وانا ما ذقت الراحة والاستقرار بسببها , مدري يعني لمتى اصبر عشان تعدي. طبعا انا الان طالب إجازة من الدوام , واضطريت أكذب عليهم بأنه عندي انتداب , وأنا والله لا انتداب ولا هم يحزنون. صرت أتهرب من بيتي الثاني بسبب نكدها وعلتها.. واهرب من بيتي الاول عشان ما أغلط عليهم بسبب نفسيتي الزفت. شوروا علي وش اسوي ؟ |
07-03-2011, 11:23 PM
08-03-2011, 01:32 AM
|
المشاركة الأصلية كتبت بواسطة البليغ
مرحباً بك عضواً و أخاً جديداً...
شكراً لثقتك, ولثقة من أوصاك. لن تعدم النصح هنا فهذا المنتدى يحتوي أناس رائعون... قرأت قصتك على عجل، وسوف أعود لقراءتها مرة أخرى للرد عليك |
07-03-2011, 11:28 PM
08-03-2011, 12:53 AM
|
المشاركة الأصلية كتبت بواسطة ازال2006
زوجتك مغروره والذي زاد من غرورها انها الثانيه
وقولها بصريح العباره انا كرهت البيت لانك فيه ما في شئ يجبرني ارجع عشان كذا انا حسيب البيت لك ولعيالك ويوم ما تتحسن تصرفاتك وتقدرين قيمتي كزوج واب ساعتها ارجع البيت اتمني الذي صار معك يخليك تحس بقيمة زوجتك الاولي |
|
المشاركة الأصلية كتبت بواسطة ابو جـــــوري
وعليكم السلام ورحمة الله وبركاته
حيا الله ابو فهد نورت المنتدى واحيك نيابه عن الأخوان والأخوات الموجودين بالمنتدى وحياك الله بين أخوانك واخواتك وان شاء الله تلاقي حل يريح قلبك بإذن المولى انا قريت قصتك كامله حسيت انك طيبه زياده عن اللزوم وحرمتك مستغله هالنقطه ومن أمن العقاب أساء الأدب انا عندي لك فكره وان شاء الله تعجبك بس ما انصحك فيها حقيقةً ليش ماتجرب تطلع اشاعه انك راح تتزوج الثالثه حتنعدل الثانيه بإذن الله صدقني راح تجنن وتبداء تنتبه لأسلوبها وحركاتها الطفوليه اللي قاعده تسويها بما إنها غيوره طلع إشاعه انك خطبت الثالثه وفهم الأولى القصه وان شاء الله تنعدل أمورك وتتحسن حياتك بمشيئة الله الله يسعدك ويوفقكم ويهدي سركم يارب |
08-03-2011, 01:23 AM
|
المشاركة الأصلية كتبت بواسطة الماضي الدفين
أخي الكريم أبو فهد أعانك االله على مشكلتك وحقيقة مشاكل التعدد تحتاج لسعة بال وضبط من قبل الزوج , ويعتمد هذا أيضا على اختيار الزوجتين ... أكثر من طولة بالي وسعة صدري ما أعتقد فيه .قبل أن أعطيك جواب أخي الكريم وأتمنى أن تجيبني بصدق ... افترض أننا عكسنا االآية وكانت هذه المشاكل من قبل زوجتك الأولى هل كنت ستفكر في الطلاق ( وستعزم عليه ) وتأخذه كحل لانهاء المشكلة ؟ أتمنى أن أجد جوابا بصدق ... جواب بصدق!! أستغربت صراحة من سؤالك أخوي. بس أوكي بجاوبك لو يأست في أصلاحها أكيد بختار الطلاق. أنا رجل أبحث عن الهدوء والراحة والاهتمام. بالمقابل أنا أيضا اعطي اهتمام للمهتم فيني. يعني ما أخذ بدون ما أعطي. ولا أقبل أني أعطي بدون مقابل.طبعا نصيحتي لك أخي الكريم لا تعجل بالطلاق فالثانية كما تبين لي أنها لك منها طفلين , فلا تكن الرجل الأناني الذي يتزوج لأجل نفسه ويطلق لأجل نفسه وينسى ما يترتب على الزواج والطلاق من مسؤووليات أمام الله فأنت الآن أمامك مصير لطفلين ولست تبحث فقط عن راحة بالك الخاصة !!!! عارف أخوي وش اللي يستفزني منها بعد, كانت دايم تقولي مايربط الرجال غير عياله !! والله لو تكون زوجته وش ماتكون غصبا عليه مايقدر ينفصل إذا عنده عيال منها!! فكنت اخالفها بالراي وأقول لها لو كان منطقك صحيح ماكان شفنا طلاق وبينهم ابناء. بالنسبة للهجوم عليك: لا تخاف مادام الأمر جاي على راس الثانية مافي أحد بيهاجمك , بالعكس أنت القدوة و المثال والعبرة الآن للرجال  فيعني اطمئن وقل ما عندك دربك خضر أخوي  فانطلق ولا تخف  وفقك الله لكل خير |
|
المشاركة الأصلية كتبت بواسطة أم داليا
و عليكم السلام ورحمة الله و بركاته ..
يحتاج المعدد إلى حزم أكثر .. و طولة بال .. و التغاضي عن بعض الامور الحاصلة .. لان إدارة بيتين بوقت واحد تستصعب على الرجل أن تكون كل الامور تسير في الاتجاه السليم .. الاهم هنا الزوجة الثانية تعامل معها بالاتي : - أخبرها أنها تزوجتك و تعلم أنك متزوج و من العقل أن تروض غيرتها .. - علمها أن حدودها لا تتعدَ بيتها .. يعني لا شأن لها بما يحصل في البيت الاخر إطلاقا .. و أكد لها ذلك عند كل سؤال لها في هذه الناحية .. أن هذا ليس من شأنها .. وفقك الله ؛ |
07-03-2011, 11:36 PM
08-03-2011, 01:40 AM
|
المشاركة الأصلية كتبت بواسطة nosa81
اخي مشكلتك واضحة زوجتك الاولى انسانة مظلومة يعني من خلال ما قرأت فزوجتك الاولى ليس بها اي عيوب وما تشكو منه هو من زوجتك الثانية فقط التي لديها حب التملك والتحكم وهذا شيء متعب حاول ان تكون حازم اكثر انت تزوجتها لترتاح لا لتتعب فهمها هذا الكلام واذا ما اتعظت حاول انك تهددها بقرار حازم اذا ما تغيرت الله يكون في عونك ويفرج همك
|
08-03-2011, 12:51 AM
08-03-2011, 01:16 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور