قبل ان اجيب عن اسئلتك اشكرك جدا لمحاولة مساعدتي واتمنىذلك
عمري 32 سنه وعمر زوجي 52 سنه عمر زواجنا 12 سنه زواجه الثاني عمره 8 اشهر ( وللمعلوميه زوجته قويه وقد تطلقت طلقه واحده بعد 6 اشهر وحاولت الرجوع وارسال له الرسائل الغراميه لمراضاته اريد ان او ضح ان زوجي هو الصعب وهو مزواج فقد تزوج من قبلي اكثر من 12 امراءه وخلف من 6 حريم )وانا اكثر زوجه جلست مع زوجي
مشاكلي الدائمه دائما يتهمني بالتقصير والاهمال مع انه غير صحيح افعل ما بوسعي لم يكن لدي شغاله وكنت مسئوله عن بيت كبير واولاد زوجي واطفالي 3 مشكلتي انه دائما يحملني اخطاء غيري يعني لواحد من اولاده كسر كاس قالي هاد بسببك ليه ما شيلتيه وهكذا وايضا لا يعبر ابدا عن مشاعره جاف معنا كل من في البيت صامت يا ما على التلفزيون يا على النت الي يقهر اتشوفيه مع الناس اواهله او اي احد غريب مو من البيت يضحك ويسولف ويمزح اول ما يروحوا الناس سكتم بكتم اي شي اطلبه في الغالبيه يرفض بس عناد لو اقوله بروح السوق بشتري اغراض نا قصتني لا انت حقت اسواق تموت على الاسواق فهمته الف مره اننا ما احب الاسواق بس ليه احتياجات واطفالي يبيلهم ممن فتره لفتر ملابس والله اني ما اروح الا كل شهر مره وبالغصب او بالمناسبات يقول انه يحبني لكن لا ارىذلك ابدا لم اشعر معه بالامان احس بالغربه في بيتي قبل زواجه وبعد زواجه يعاملني على اني غريبه لا ادري لاني غير سعوديه من جنسيه عربيه بس متربيه في السعوديه والي اخذذها سعوديه قبيليه فاصبحت ارى الفرق في المعامله مع انه ينكر ذللك ويقول انا عادل من الاشياء الي ضايقتني مررررر وحزت في خاطري انه بعد زواجه الثاني وانا كنت عند اهلي زعلانه لين ما يتم زواجه المهم شرا كلب حراسه ويعرفهم على اهل البيت علشا ن ما يهجم عليهم المهم انا لمن رجعت عرف اولادي على الكلب الا انا وبنتي الصغيره بحجة انه البنت ما تقدر على الكلب لانه يحب يمزح مع الي يعرفهم بقوه وقلتله طيب انا عرفني عليه رفض بشده قلتله طيب انت معرف زوجتك الجديده عليه وانا ليه لا قال مو لازم قلتله انا ما يهمني اتعرف على الكلب بس انت ليه ماتبي اتعرفني عليه اتشك فيني قالي لو اشك ما خليتك بذممتي دقيقه وحده هو واثق فيني بس عناد المهم من يومين كان الكلب مربوط بسلسله بالحوش وكنت خارجه لمدرسة بنتي قام الكلب ينابح بقوه وانقطعت السلسله هجم علي لولا فضل الله اني كنت قريبه من الباب وركضت بسرعه واحمد ربي انه بنتي ما كانت معي ركضت وصرخت باعلى صوتي انادي زوجي وهو كان في البيت الثاني لمن جا عندي زوجي يسالني عضك قلتله وانا منجد معصبه ومرعوبه وابكي من الخوف لا بس كان راح يعضني بسببك لانك معتبرني غريبه من النذاله الي فيك اتعرف البيت كله عليه الا انا ولانا الي عشت معك 12 سنه هو ما ناقشني سحب عمره وطلع فوق ومن هادي الامور كثيره يتناذل معي انا انجرحت منه كثير الحين مشكلتي الحاليه مو قادره انسا الي سواه فيع وننذالته معي مع اني ما قصرت معاه ابدا يحاول يكره اولادوا واهله فيني ولكن بفضل الله الكل يحبني جدا ويحترموني ويدعولي ان الله يوفقني ويقولولي اصبري واتحملي مصيره برجعلك اخرمشكله حدثت وامه كانت موجوده راح يحلفله اني انا اسبكم واسب اهلو انقهرت وحلفتي لعمتي انه والله ما صار ها الكلام قامت امه اتهديني وتقولي ما عليك هو بس معصب واحنا عارفينك من يوم ما دخلتي علينا وعارفين اخلاقك الي يقهر انه زوجته الجديده هي الي سبة اهله ةسبت امه وسبته اتقوله يالشيبه وسجل كلامها على الجوال يقوم يغير الحقايق ويقول لاامه اني انا الي سبيتهم ومسجللها اشرطه انا لهذا السبب بالذات مصممه اقطع علا قتي فيه واجلس في بيتي من اجل اولادي وبس ان كل يوم اصحى افكر معقوله هانت عليه العشر معقوله يجرحني لم اعد اتحمل نذالته معي واهانته لي هل لاني عربيه وليس لي عزوه يسوي فيني كده وهي الها اهل وقبيليه يرفع بقدرها وترا زوجي من الي يهمه الفشخره وبقوه قدام الناس اعتذر عن الاطاله بس حبيت اوضح لكي لعلك تقدري اتساعديني لارجع زوجي لي من اجل اولادي وحبيت افضفض عما في داخلي من جراح لا احد يفهمني ولا يمكن يحسوا بالنار الي احس فيها اصبحت عالقه مو قادره اعيش مع زوجي واراه واتذكر حرقة قلبي ومو قادره اطلع واسيب اولادي او اخذهم معي اصبحت جدا عصبيه حتى على اولادي ادعي الله دائما ان يهديه ويسخره ليه اسفه على الطاله مرة اخرى وارجوا انك تساعديني بالي الله يقدرك عليه

نعم هي المشكله الاساسيه معي لا يوجد حوار لا يعطي فرصه للحوار اذا غالطتيه يعصب لازم كل الي يقوله صح لانه هو الانسان المثقف وانتي الجاهله والزوجه الثانيه سبب طلاقه الطلقه الاولى انها كانت مصممه اتناقشه في موضوع وهو مومعطيها وجه يقوللها ابي انام لين موصل الموضوع للطلاق الحين هي اتعلمت وما عادت اتناقشه تسمع وبس وهادي طريقتي معه

كلامي موجه الى أخي الغالي البليغ الله يرفع قدره لمساعدته للاخرين:
أنت قلت لها كلام بنا على كلامها بس وانت ماتدري عن سوايها مع زوجها وشف كلامها للماضي الدفين وش تقول
تقول انه يتهمني بالتقصير وأنا ماقصرت
قسم بالله كانها تتكلم عن زوجي انا الثانيه ومعاملته مع الاولى زي معاملت زوج صاحبة الموضوع
وتطرقت معه في موضوع العدل وقلت أنا أحبك وأخاف عليك من النارليش ماتعدل قال قسم بالله الحياة لاتطاق معها لولا اولادي لطلقتها واللي قاهرني انها تقول لي اني ماقصرت
أنا لست ضد صاحبة الموضوع بل هي جت تستشيرنا ولازم نوجهه ليش هو يعاملها كذا اكيد فيه شي او سبب
لازم نسألها كيف معاملتها معه بعض الحريم دايم تحس انها مظلومه ومسكينه وهي من راسها الى اخمص رجليها اخطاء
ويقول المثل امش مع اللي يبكيك ولا تمشي مع اللي يضحك
لوحنا ضحكنا معها وقلن فعلآ انتي مسكينه زادات مشاكلها وخربت حياتها ولا حلينا المشكله زدناها تعقيد
بس لو بكيناها وقلنا انتي مخطيه واعترفي باخطائك عشان نساعدك بكذا وصلناها الى بر الأمان
ياصاحبة القصه أنا معك الى الأخير اسألي وأنا اجاوب يمكن افيدك عن صفات زوجت زوجي السيئه وتكون فيك وهي اللي مضايقته وأكون سبب في سعادك

أختي الكريمة/ القلم الأخضر
كلامك صحيح وفي محله.
أنا لم أتناقش مع المرأة في مشكلتها، و لم أوجّه لها أي سؤال.
هل تعرفين لماذا؟
لأنها طلبت طلباً واضحاً محدداً وهو توجيه رسالة لزوجها فقط.
لهذا اكتفيت بالرد فقط على طلبها، أما المناقشة والردود والحلول فهناك الكثير هنا من الأعضاء والعضوات من يستطيع إدلاء الرأي السليم.

اشكرك يا اختي في الله على محاولتك مساعدتي وانا فعلا احتاج لمساعدة الجميع وابداء النصح لكن الي احب انك تفهميه اني طيبه جدا مع زوجي وتنازلت عن اشياء كثيره من اجل العيش بسلام انا ما راح اتكلم عن نفسي لانه حتكون مجروحه ولكن اقسم بالله اني كنت اسال الي عايشين معي في البيت وهم بنات زوجي الحين هم تزوجوا وهم جامعيين كنت اساله بالله اتشوفوني مقصره مع ابوكم في شي هل انا غلطانه معه ما ابي احد يجاملني والله انهم كانوا وما زالوا يقولولي لا والله انت مو غلطانه مع في شي بس هو طبعه كذا واكبر دليل على كلامي زوجته الجديده الي ما صارله 8 شهور متزوجه من شهر ين اتهاوشت معاه اهواش كبير وهجره شهر كامل عندي ولمن جاو اهله يصلحوهم قال فيها كلام واتعمه بالتقصير نفس الي كان يتهمني في وبعد ما تصالحوا وتنازلت هي ما تبي تطلق للمره الثالثه نسال الله الغافيه قالت لبنت زوجي والله الحين اتاكدت انه فلانه الي هي انا مظلومه والي كان يقولوا عليه كذب ومبالغ لانها جربت بنفسها زوجي صعب جدا رغم طيبته وحنيت قلبه الي ما يبينها لا احد ترا ما احد اتحمله زي وما احد اتنازل عن حقوقه زي هو استضعفني لاني يتيمه ما لي احد بعد الله الاول لمن كان والدي عايشه ما كان يتجرا يسوي كده كان في اشياء تقهر لكن زاد بعد وفاة والدي زوجة الثانيه يسويلهاويكبر في راسها لا نها قبيليه يبي يثبت للناس انه طيب وكريم ومظلوم ليه لان جلس 12 سنه يخطب لانه موسوس زواج وما كان احد من جماعته يبي يزوجه وطلعه عليه انه بخيل ولمن خطي هذه وافقت وبعدين رفضوا لانهم قالوا سمعنا انك بخيل المهم لمن رجع وطلبوا مهر 15 الف لانها مطلقه دفع 50 الف ريال ولمن سالته بنته ليه كدا قال علشان اكسر عين الجماعه وما يقولا عني بخيل هو اهم شي عنده كلام الناس فهمتيني انا ما اقول ما فيني تقصير الا اكيد فيني الانسان مو كامل لكن ما يستاهل ابدا الي يسويه فيني انا لمن كان بتزوج كنت عند اهلي وكنت ابي الطلاق لكن هو الي صار يرسلس ارجعي بعد اسبوعين من زواجه ويقولي انه يحبني ما يقدر يستغنى عني هو يحبني بس حب تملك اذا قربت منه ودلعته بعد وشاف نفسه علي واذا حس انه بيخسرني رجعلي زوجي صعب وما احد اتحمله هو متزوج قبلي اكثر من 10 حريم واكثر وحده جلست معه 3 سنوات وبس انا اهله يقولولي ما شاء الله عليكي بنعطيكي جا ئزة التحمل وللمعلوميه هو مو بس معي صعب مع كل الي عايشين معه في البيت مجننهم حتى اهله وصارورسميين معه وينفخوا فيه علشان ما يزعل ويقلب عليهم

لا حول ولا قوة اإلا بالله الله يهدي زوجي ويعرفه الحق حقا ويرزقه اتباعه الله يهديه ويسخره ليه يارب
الله يحنن قلبه علي ويحس فيني ويقدرني الله يصلحه لنفسه ولي ولا اولاده

أختي الغاليه:كسرتي قلبي بس كل زوج له مفتاح لازم تاصلين له هل سويت اختبار البوصله لزوجك ابي أعرف وش نمطه ابي اساعدك وواصلك باذن الله لمفتاح قلبه؟؟

والله اعلم شكله شمالي

[QUOTE=القلم الأخضر;2587255]أختي الغاليه:كسرتي قلبي بس كل زوج له مفتاح لازم تاصلين له هل سويت اختبار البوصله لزوجك ابي أعرف وش نمطه ابي اساعدك وواصلك باذن الله لمفتاح قلبه؟؟

والله اعلم شكله شمالي[/QUOT تسلمي حبيبتي والله يجزاكي الف خير
زوجي نمطه شمالي شرقي اذا تقدري اتساعديني فلا تبخلي علي محتاجتكم كلكم بعد الله طبعا

[QUOTE=امل الحياه7799;2587409]غاليتي أنازوجي شمال شرقي والحمدلله عرفت له 80 بالميه ادخلي موضوعي هذا
http://www.66n.com/forums/showthread.php?t=221243
وقري اللي كاتبه عن الشمالي الشرقي وكتبي لي مشكله مشكله وخلي اعلمك
كيف كنت اول احلها قبل اعرف لزوجي والحين كيف صرت احلها وأنجح والحمدلله اللحين أنا ملكته المتوجه

أختي الكريمة ...

بداية أطلب منك عزيزتي أن تتوقفي عن لوم زوجك والمقارنات بينك وبين زوجته , بل ابدئي باصلاح حياتك معه شيئا فشيئا , حاولي أن تكوني له كما يريد , وأن تقومي بشؤونه كما يحب ...
هندام انيق ونظيف بيت نظيف أطفال هادئين وناجحين ومتفوقين وهكذا , توقفي تماما عن اللوم والعتب وفكري في أن تصلحي ما بينك وبينه بتغيير أسلوبك معه ...
هو سأم من ضعفك ومن كثرة شكاويك ولذلك قد لا يقيم لك احتراما , فكفي عن الشكوى والتذمر واعتمدي على نفسك وثقي بها ...

ابدئي بالاهتمام بنفسك فهذا له أثر جميل على النفسية , وقمي بهذا الأمر لأجل نفسيتك أكثر من كونه لأجل زوجك , اشغلي حياتك بالمفيد سواء دورة حاسب او انجليزي مع أهمية التحاقك بمركز تحفيظ تخرجين فيه من قوقعة زوجك التي حصرتي نفسك بها ...

حاولي أن تعامليه بلطف وباحترام شديدين وتجاهلي تماما زوجته ..

فزوجك مزواج من السابق فلا تلتفي كثيرا لزواجه بل فكري في نفسك وفي حياتك وكيف تريدينها أن أتكون

وفقك الله لكل خير