عزيزتي همي عيالي ..
سألتك هذا السؤال لإني شعرت بكذا من طريقة سردك لمشكلتك ..

.
.

بأعطيك حكاية ، يمكن تنفعك ؟

1 - زوجي أول ما تزوجته ، كان أبوه يمنعه يتفرج عالتلفزيون .. و زوجي يخبببببل في الأفلام الأجنبية و ما كنت أدري ؟
أول ما تزوجنا ، كان يجلس قدام التلفزيون يمكن 6 ساعات متواصلة .. و من فيلم لفيلم ، و زي كذا ..
و مرات أفلام بايخة و قديمة و مكررة .. و كنت أتضايق مرة لإنه كان يأخر الصلوات عشان الأفلام
و كان زوجي مفهمني عن نفسه في فترة الملكة ( صورة العكس تماماً ) .. فزعلت في البداية من ( كذبه علي )

و كنت الصراحة في الفترة هذيك ، ماأتفرج عالأفلام و توقفت من فترة لإنها مضيعة للوقت ..

بس جلست فكرت مع نفسي ؟؟؟؟؟؟؟؟؟؟؟
دحين لو نكدت على زوجي في كل مرة يجلس فيها قدام الأفلام ، و هو يحب الأفلام ..
فراح يتركني و يسهر مع أصحابه عشان يتفرج على الأفلام و ما تعرفي ؟
يمكن لا سمح الله يتعرف على أصحاب سيئين ؟
و من أفلام ، لسهرات ... لــ .. لــ ... إلخ ؟؟؟

فقلت أحسن شئ ، خلاص .. أجلس مع زوجي و أشاركه في مشاهدة الأفلام ..
و منها أعطي له رأيي كل مرة في كل فيلم .. و المقاطع السيئة أقوم أقلب فيها القناة ..
و الأفلام اللي مالها هدف غير المسخرة .. أحاول أبين له رأيي و زي كذا ..

و كان ينبسط يوم يجلس معاي يتفرج عالأفلام .. لإني من زمان كنت حافظة أسامي الممثلين و الممثلات
فأتشارك معه ، و حتى كان يضحك مني و يقول ( هذا و إنت ما تتفرجي عالتلفزيون ؟ كيف عاد إذا كنت 24 ساعة تتفرجي ؟ )

المهم .. صحيح كنت خايفة على نفسي أتأثر به ..
بس الحمد لله ،، هو لا شعورياً اللي بدأ ( يملّ و يطفش و يزهق ) من الأفلام ..
و دحين التلفزيون مفتوح و لا لأ ؟ فيه فيلم و لا لأ ؟

ما عاد يهمه ..

الهدف :
إنه كان ممكن تجذبي زوجك ناحيتك .. و بالتدريج تخليه يترك التدخين ..

بيني له إنك تحبيه و تخافي عليه ، قولي له مرات قصص عن ناس - من الواقع - ماتوا من سرطان الرئة و السبب التدخين ..
بعدين أدخلي له من ناحية العاطفة و قولي له ، ما نبغى نخسرك في يوم لا سمح الله ..
و صحتك عندنا بالدنيا .. و التدخين ما راح يفيدك بشئ ..

امدحي ريحته دايما و إنك تحبي تنامي على صدره .. بعد شوي ، قولي له ..
بس ريحة الدخان مرررررررررة مزعجتني و غصب عني ما أقدر أتحمل ..
زي كذا ، خليه يكره التدخين من عقله الباطن .. و بالتدريج ..

.
.

أما إنك تطرديه من البيت ؟

إذا فكرة طرد الأب لولده المراهق ( مرفوضة تماما ) .. فما بالك بالأب و سيد البيت ؟
أدري إنك قلتيها بلحظة غضب و ما تعنيها ..

بس لا تخليه يهرب لأمور أكبر لا سمح الله ..
تدخين ، ثم شيشة ، ثم شلة فساد لا سمح الله .. ثم ، ثم ، ثم ؟؟؟

احتويه ..

.
.

و إنت شفتي كيف القوة ما مشيت مع زوجك ..
و لا تحسبي طيبته و حلمه ( خوف منك ) .. بس الرجل يكتم يكتم يكتم .. ثم ينفجر فجأة ..
أو ينحرف لا سمح الله ..

و بالتوفيق ..

انا مع الكلام روح الطير

__________________

من اجل الاولاد تهون مصائب الزوج
كثيرات يعلمن خيانة ازواجهن اعظم مئات المرات مماهو فيه التدخين ولا يطلبن الطلاق ويساعدن ازواجهن فى التوبة والرجوع اليهن
وانتى اختى الكريمة ببساطة تريدى ات تطردى زوجك وتطلقيه بسبب التدخين
لاتفعلى ولاتفكرى فيه فالطلاق ابغض الحلال الى الله والضرر اعظم فالتدخين ضرره اقل
ادعى له بالهداية وكونى قريبة منه واخبريه عن مضار التدخين ومايسبب من امراض له ولى من حوله
ربنا يهديه ويقلع عن التدخين عاجلا غير اجل يارب

يا اختي طريقة كلامك عن زوجك خاطئة
كيف تقولي لولا عيالي لطردته!! زوجك القيم عليك الواجبة عليك طاعته الليفتح لك بيت و عززك و كرمك
اللي الواجب عليكي تحني عليه و تسمعيه احلى الكلام و تقدريه تقولي اطرده
تخيلي فيك عيب و اكيد كلنا مليانييين عيوب و هذا العيب يكرهه زوجك فيك ,.تخيلي يقول لولا عيالي لطردتها!
اين الإحترام له و التقدير اختي انصحك من اخت لك ان لا تتلفظي بهذا مجددا بينك وبين نفسك لان ما بداخلنا سينعكس و يظهر لامحالة على شكل اقوال و افعال ,,فأحيطي زوجك بما انه قايم بك و مو مخلي عليك قاصر ..احيطيه بالأحترام و الحنان و مشكلتك ابدااا لا تستحق منك هذا,,وزوجك مو كبير بالسن كثير و حتى لو كبير يحتاج منك للصبر و النصيحة ..
و المعاملة الطيبة..موفقة

__________________

لا والله انا اللي فتحت البيت ..وانا اللي شارية سيارة من فلوسي وانا اشتري ملابس عيالي من فلوسي ..وماعمري سفرت معه ابدا ..كل السنة اسافر مع اخواني او عيال اختي احيانا على حسابي..

شكل مشكلتك تراكميه وتتعدي مسألة الدخان لوحدها

لا تخربي بيتك بأيدك ياأختي ولا ينطبق عليكِ المثل المصري " دبور وزن علي خراب عشة " !؟

__________________
اللهم ارحم والدي واغفر له

أختي

بداخلك تراكمات سابقة ، و المشكلة هذه كانت القشة التي أقسمت ظهر البعير
واضح إنك شايلة كثييييييير .. و ربي يكون في عونك عزيزتي

أنا مع أخي المسدآني الدخآن عيب فيه

ومع ذالك أحترمك ولايدخن بمنزله

ولا أرآك أحترمتيه حتى في غيبته

وماذا تقولين في الذي يدخن

عندي وعند أبنه ..

فالضرر له ولي ولأبننا

وماكآن لنآ إلا الصبر والدعآء

__________________
::
ربي أني أسألك مفآجأهـ لايسع قلبي تصديقهآ
::

طيب ليه..
ماعنده فلوس او مستغلك ..
يبقى زوجك عزيزتي و يظل الإحترام واجب و هذا السبب (التدخين) ليس مقنع لطلب الطلاق
هل معاملته لك حسنة؟

__________________

وضعه المادي ضعيف بس يجيب لنا اشياء مهمات مثل مقاضي المطبخ او صيدلية او اغرض مدرسية لاولادي ...بالنسبة معااملته معي بهدؤء واحيانا يعاندني واحيانا اسلوب جاف