الله يسلم عمرك ويبارك فيك يا أم جمانه والحمدالله أبشرك بنتي إبتدت تتحسن أفضل من أول بس المشي ماتقدر تمشي ولاتوقف على رجولها علشانها متورمه بشده وفي الحقيقه هي عندها مرض وراثي بكرات الدم الحمراء ويأثر بنسبه عاليه على نخاع العظم و يتجلط الدم بالأورده بسبب تشوه في كرات الدم الحمراء يصعب مرورها من الأورده بطريقه طبيعيه وتتكسر الكريات في الأورده ويصير عندها إحتشاء في الأورده وشرايين الدم ومن ثما الدم يتجمع في أحد الأماكن ومعظمها المفاصل ويتورم المكان ويبدأ الألم في نخاع العظم وتصير تتألم وسبحان الله هاذي أول مره تتعب فيها بنتي وتدخل المستشفى علشان مرضها من يوم جبتها صح تتعب كحه وحساسيه وإلتهاب بالحلق مع حراره بس ماتأثرة مثل هالمره لأنها هاذي المره نزلت البحر تسبح مع إخوانها ورجعت معاهم تسبح بالمسبح وطلتعتها هي وإخوانها يوم الجمعه حول الساعه 11 بالظهر على أساس نتسبح ونغير ملابسنا وبنرو ح الجامع إللي جنبنا نصلي الجمعه طبعا تجهزنا وشفتها أنا إنها بالكاد تمشي وكل ما مشت شوي تصيح وتتألم من رجولها أنا أفتكرتها طاحت من البلاستيك إللي كانت تسبح فيه وأنكسرت رجلها بس لاحظت رجولها كلها متورمه وباطن القدم قاسي جدا فخذنا العيال وطلعنا نصلي بالجامع وبعدها مرينا شرينا الغداء ورجعنا لشاليه وجينا بنفرش الأكل ونجلس ناكل إلا وهيه تصيح وتبكي وتتألم بقوه ماعاد قدرت توقف نهائيا ولاسكتت تصيح وعلى طول شلناها على المستشفى بنفس المنطقه هناك شخصوا حالتها على أساس عندها إلتهاب بالحلق ونزل على مفاصل رجولها وصرفوا لها دواء مع مسكنات خفيفه بس وأنا أختك مافاد معاها ولامسكن فضطرينا نمشي نرجع منطقتناوعلى طول الطريق وأنا جالسه أقرأ عليها الرقيه وهيه تصيح ولما وصلنا المستشفى العسكري وشافوا حالتها دخلوها التنويم على طول وأعطوها الموروفين كل ساعتين والحمدالله أبتدت تتحسن من الآلام والدكتور قلل عليها الجرعات شويه والحين الحمدالله كل فحوصاتها سليمه
وشخصوا حالتها بأنها إلتهاب فيروسي بالحلق وعلشان مرضها الوارثي هي ماعندها مناعه مناعتها ضعيفه فتأثرت وصار عندها مضاعفات بالإضافه لسباحتها بالمويه المالحه والجو كان هواء وكانت تسبح مع إخوانها بالبلاستيك هاذا إللي على شكل بطه أو سلحفاه وكان الماء مايلامس إلا رجولها وشكل موية المسبح كانت بارده والعيال وأبوهم صحيوا قبلي الصباح وأبوهم بالبدايه نزل الأولاد الكبار يسبحون بالمسبح والصغار قاموا يصيحون بينزلون فنزلهم معاهم بالاستيك يسبحون وأنا ما أدري وصحيت لاقيتهم كلهم في المسبح وإلا أنا ما أحب أنزلها في المويه البارده لأنها تأثر عليهابالذات لو طلعت من المسبح وضربها هواء على جسمها وهي ماتتحمل فتعبت عليه وهاذي طال عمرك كل السالفه وأنا باقي معها متنومه بالمستشفى لو طلعنا بإذن الله أعطيكم خبر ودعواتكم لها أسأل الله أن يشفيها ومشكوره يا أم جمانه على نصيحتك وبقول لك ترى أنا دائما أ رقي نفسي وعيالي بالقرآن الكريم إذا أي أحد مرض فينا أول ما أبتدي بالرقيه أرقيه قبل العلاج وأثناء العلاج وبعد العلاج ويارب لك الحمد والشكر إللي يجي من ربنا خير ونعمه نحن عبيده وأمرنا بيده هو من خلقنا وهو من يميتنا وأنا وكلت جميع أموري له وحده سبحانه وتعالى وربنا كريم مايخيب ظن عبد رجاه والحمدالله والشكر لله وحده تعالى وجزاك الله خير ياأم جمانه وربنا يوفقك دنيا وآخره ويرزقك مافي نفسك يارب ويصلح لك عيالك ويحفظ لك زوجك وأولادك بحفظ الله عزوجل و بإذن الله تعالى رايحه أرقيها بالطريقه إللي قلتي لي عليها وأستأذن منك يا أم جمانه وأقول للأخت العزيزه أنفاس العطور الله يسلمك ويحفظك والله يسلم ويحفظ كل من سأل عنا ودعالنا والله يجزا كم خير وأستودعكم الله الذي لاتضيع ودائعه .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 13-04-2011 الساعة 09:38 AM
13-04-2011, 12:59 AM
ضوابط المشاركة
العرض العادي
