أختي معليش حسبتك ناقصه .
الحسبة الصحيحة 6000 استقدام للشغالة و 6000 استقدام للسواق وفوق كذا اذا خلص و يبي يرجع لبلدة فيه تذاكر عودة للسواق والشغالة علي حسابك + تكاليف استقدام غيرهم . يعني بحسبة بسيطة
1450 ريال × 24 شهر =34800 ريال راتب سنتين + 12000 ريال استقدام =46800 + تكرتين عودة خلونا نحسبها 4000 ريال يصير مبلغ التكلفة لسنتين = 50800 ريال
وأكيد ضروري قبل لا يروحون لازم خدامة وسواق ويكلف 12000 ريال بيصير تكلفتها 62800 ريال من غير تكاليف الفحوصات و استخراج الاقامات ووو الخ وكل الراتب في خلال السنتين بيكون 84000 ريال يعني نخصم منها 62800 ريال يصير الصافي 21200 ريال طيب خلونا نقسمها علي سنتين بيطلع صافي الراتب الشهري 883.33 ريال للشهر . فهل تستحق 160 ساعة عمل ؟؟؟؟؟؟ للشهر

كنت بشجعك على الوظيفه بس لما عرفت انها في بنك فياليت تسألي شيوخ لان بعض البنوك ربوية ورواتبها مايكون فيها البركة والعلم عن الله

والشي الثاني اذا وضعك مرتاح خليكي مرتاحه في بيتك مع اولادك يجي زوجك بيتك نظيف واكلتك جاهزة اهم بمليون مرة من الراتب

والله يختارلك الخير ان شا ءالله

اعجبني جدا التعليق ذا اشكرك اختي
بالنسبه انه ربى الصراحه شرحولي لكني مازلت خايفه ابغاه حلال 100%100 الظاهر اني بتركها لله فمن ترك شيئا لله عوضه الله بافضل منه

ممكن عدة أسئلة ... بما إن زوجك موافق على العمل ..

* ساعات الدوام متى تبدأ ومتى تنتهي ؟؟؟

** هل فيه اختلاط بالرجال بشتى أنواعه (مع موظفين البنك او مع العملاء سواء كانت مباشرة او بالاتصال) ؟

** هل عمل البنك شرعي (عندما تسأليين لا تتحرين الذين يحللون) ؟


آنتظرك ....

__________________
***من لا يقبل النقد لايستحق المدح ***

اشكر مداخلتك وفي انتظارك

* إذ كان الدوام للظهر ... أعتقد ما راح يأثر على البيت إذا لم يكن لديك أطفال.
لأن البعض كمثل من يصلي صلاة النافلة ويترك صلاة الفرضية (أي يخدم الناس ويترك من هم أهلاً للرعاية)

** إذا التواصل عبر التليفون ... أسئلي عنها هل تجوز أم لا ؟؟؟ وهل زوجك لا توجد لديه مشكلة من هذه الناحية إذا كان الأمر جائز؟؟

بالنسبة للبنك هل هو اسلامي ام ربوي ؟؟
شوفي هذا الرابط للشيخ : محمد بن سعود العصيمي
....
ريال حلال أفضل من مليون تأتي بالحرام .. >> وإن شاء الله يكون البنك إسلامي.
أخيرا:

إذا كان هذا الامر فيه خير لك وصلاح إسئل الله لك التوفيق و السداد.

__________________
***من لا يقبل النقد لايستحق المدح ***

الراتب ممتاااز ..

بشرط تحسبينها صح ..!

يعني الشغالة والسواق على زوجك بما أن راتبه اعلي ..

وانتي تعفينه من مصروفك ... !!

الوظيفة لا تعووض صراحة ..

بسم الله الرحمن الرحيم
أختي أدمنتك . أنا حبيت أمر بهذه الصفحة لأفيدك . و أرد جزء من جمايلك علي . أنا كنت موظف في أحد البنوك من تاريخ 2005 وحتي 2008 . يعني أنا عندي بعض الامور يمكن تفيدك.
أختي الكريمة . الحمد لله أن وضع زوجك مادياَ ممتاز . وأنت متفرغة لبيتك وبيته و لأولادك و أولادة . الحمد لله أنك ما أنتي محتاجة الوظيفة .
أختي الكريمة أحمدي ربك لا شغالة ولا سواق وأقسم بالله إنها أعظم النعم إنك ما تحتاجينهم . يا أختي كم من وحدة خطفت طفل أو عذبته أو أهانته والله الدنيا واموالها وبيوتها وووو الخ ما تسوي أن الواحد يحصل ولدة ولا بنته فيه شيء يضره . يا أختي أدخلي اليوتيوب وأكتبي ((الخادمات )) والله إنك تحمدين ربي ما انت ماجتاجة خدامة انا توني قبل اسبوع شايف خدامة خلت الطفل لسي ما يمشي مع علبة(( فازليين)) والطفل المسكين جالس ياكل من الفازليين و هي تصورة فيدوا انا بغيت اموت من القهر ولو كنت قريب منها اكلتها تراب وانتم تكرمون . والسواق كم من قضايا سمعناها يندي لها الجبين يا أختي الله ما يجعلنا عبرة للناس . الاب ولام مستعدين يموتون في سبيل الطفل يعيش . وحنا نجيب الخدم والسواقين ونقول بالله اهتموا في اولادنا!!!!!!!!!!!!!!!!!!!!!!!!!! .
ثانيا : أختي الكريمة . هل تتوقعين أن مكالمتك للرجال وظيفة تستحق أموال الدنيا؟؟؟؟؟ أنا أقول يا أختي ليش البنك يضع نساء يكلمون الرجال؟؟؟؟؟ يعني خلاص الشباب كلهم متوظفين مافيه عاطلين؟؟؟؟؟؟؟ لا لأن كثير من الرجال يحب يتكلم مع الحريم و يجلس يتكلم معاها طريقة جذب. وبتجلسين تكلمين رجل بعد رجل بعد رجل الخ يعني هل ترضين تكوني اداة جذب ؟؟؟؟؟؟ . هل ترضين أن زوجك 8 ساعات يكلم حريم ؟؟؟؟؟؟؟؟؟؟ وأنا أتوقع أن فيها محظور شرعي . أنا ما أقول حرام او جائز ولكن اقول تأكدي هل يجوز مكالمة الرجال.

أخيرا من وجهت نظري المتواضعة . لو كان راتبي 2000 ريال و وضعي المادي ضعيف جدا جدا انا لا أقبل أن تتوظف أختي أو زوجتي هذه الوظيفة . ومن ترك شيئا لله عوضه الله خيراً منه .

لك خالص دعائي بالتوفيق .