ربي يحفظكم ويسخركم لبعض .. وعين الرضا عن كل عيب كليله .. وعين السخط تبدو لك المساوءا
نعم ذوي الأحتياجات الخاصه اذا كانت لهم جوانب اخرى جيده من مقومات الحياة يستطيع ان تستمر الحياه معه وتستقر فلماذا الرفض .. كحاله زوجك و غيره .. بصراحه انا ارى العيب في الأنحراف الأخلاقي ونقص العلم والثقافه وقله المروه في الرجل ..وليس الإعاقه .. او غيرها ..

.. زوجك اصله طيب وانتي كذلك اطيب واطيب ..

هذه المشكلات ستصقل علاقتكم ..ستعرفون بعضكم أكثر .. وتتفهمين زوجك اكثر ونتائج الدروس ..
- اهتمي بالعلاقه الخاصه لا ترفضين له طلباً بل بادري احيانا و اجعلي نفسك فاتنته بالحلال بل اذا احتسبتي فأنتي مأجروه أيضاً بحسن التبعل له
- دعيه يشعر بأنك تغارين عليه .. الرجل يتسلسل في الأمور حتى يشعر ان زوجته تغار عليه .. لا تدعيه يصل الى مرحله انتي لا ترغبين بها
- لا تشعريه بنقص دون ان تشعري .. احيانا قد يعلق هو على نفسه بشعور القصور و قد يجد اجابه تأييد بنظره عينك يفهما بأنها تأييد ! .. انفي ذلك .. و وضحي له اشباه الرجال كثير .. ولكن المروه و اصاله المعدن و العقل هي الرجوله وليس رجله قولي له لو كانت رجليك الأثنين وليس واحده .. انا لا يهمني ..
- اتمنى ان يرزقك الله بطفل عن قريب يارب العالمين ... سيملء حياتك وحياة زوجك .. شعور الأبوه وحاجه ابنه له شعور جميل وايضا اظهري حاجتك له ..

وفقك الله وسهل الله امورك و حفظك الرحمن انتي وزوجك من كل سوء ..وعليك بالمعوذات انتي وزوجك .. استعيذي من شياطين الجن والأنس ! .. على حياتكما

وفقكم الله

ماشاءالله تبارك الله أختي الله يرزقكم الذريه الصالحه جميلة الخلق والخٌلق

ادام الله عليكم السعادة و المحبة و رزقكم بالذرية الصالحة
أما بالنسبة لسؤالك
مش كل معاق طيب القلب وحنون لأنه قد تولد الإعاقة في قلبه القسوة و الشدة
حتى لايظنه الناس أنه ضعيف ومغلوب على أمره
و كما قال المثل ( كل ذو عاهة جبار ) و لكل قاعدة شواذ

ياهلا والله ياهيا

كييييييف حالك غالييتي

متابعتك بس ماتابعت مستجداتك الاخيره لاني كنت بفترة اختبارات

طمنيني ان شاءالله كل شئ تمام ؟؟

الله يسعدكم ويخليكم لبعض وفي ناس طبيعيه لكن عقولها مو طبيعيه

__________________

..ماشاء الله تبارك الله..

الله يسعدك بهذا الزوج وتسعديه.. ويحفظكم من العين..
زوجك صفاته رائعة .. ولا يختلف عن أي أحد بل يتمييز عليهم..
أنا لا أعتبر ماوصفتي به زوجك .. به شيء من الإختلاف..
بل البعض يملك كل شيء.. إلا صفة الحنان والقلب الرحيم..

بارك الله فيكِ.. أعجبني تفكيرك بهذه الطريقة..

__________________

>> لا إله إلا أنت سبحانك إني كنت من الظالمين <<

ماشاءالله تبارك الله
الله يسعدكم
الله يرزقكم بالذريه الصالحه انشاءالله

__________________
سلامات يا قلبي...
اتمنى اعرف اخبارك...

ما شاء الله يهنيكم ...
الطيبون للطيبات..

للحياة الوان
هلاااااا وحشتيني والله
الحمدلله ولعلمك انا لمن وافقت بيه لمن جا خطبني طبعا ماكنت اعرفه ولا اعرف طباعه
يعني يادوب اعرف انه مداوم عالصلاة وكان هذا الشي يكفيني اما اخلاقه وطباعه فكانت شي مجهول بالنسبه لي وكنت خايفه
انه يكون معقد لكن الحمدلله من ايام الملكه تلاشت عندي الشكوك ولقيته انسان عادي جدا ومايتحسس من شي
وبالنسبه لأنه احيان يقول شي يلمح على نقصه فنعم صح كلامك وكثير جدا يعلق ويجيبها بمزح يعني يتريق على نفسه
انا ما اعلق واكتفي بنظره هو يفهمها انا ما احب اسلوبه لمن يحكي عن نفسه كذا يعني انا اتقبل تريقته علي احيان
لكن ما اقبلها عليه احس انه فاقد ثقته في نفسه ونبهته للموضوع قلت بكذا انت تقلل من قيمة نفسك ولا تتكلم كذا
هو الان خف كثير لأن انا ما اساعده بل العكس اتضايق من كلامه
مثلا بعيد الفطر الماضي يوم العيد في الصباح جلست اتغزل فيه واقله شكلك عريس وسكبه وحركات قال بس وانا جالس
ولا وقفت راح كل البرستيج قصده لانه يعرج هو كذا دايم يقلل من قيمة نفسه كلامه اوجعني حسيته مو واثق في نفسه
بعكس شخصيته ككل
وبالنسبه للعلاقه الخاصه الحمدلله تحسنت بينا لكن انفتحت شهيتنه لها هههه وانا اقله لا خلينا على كلام الطبيب واتفقنا تكون مرتين بالاسبوع وطبعا هذا تقدم لان كنا في ست اشهر مانقرب بعض الا خمس مرات تقريبا طبعا ايام ماكان زعلان مني
الحين الحمدلله تحسنت علاقتنا الخاصه وعلاقتنا ككل ويارب يرزقنا بطفل من جد انا نفسي وهو بعد
وبالنسبه للغيره الله لا يوريك طبعا هو اصبح يحب يلبس بالبيت شورتات علشان رجله المهم انا الان قلت لا وجبتله ترنقات وسيعه من عند الساق مريحه يعني وهو يبي شورتات قلت لا والله وتجلس كذا قدام الشغاله؟
هو ضحك قال تغارين منها؟
قلت اغار وبعدين مايجوز تجلس بالشورت قدامها وقدام اختك مو زين في اول ايام العمليه اوكي عادي لان توك لكن الان مابسمحلك وغصبته يلبس ترنق ههههههههههههه
تحياتي لك

بسمه
هلا فيك وجزاك الله خير
تحياتي
آسره
هلا فيك والله يسعدك
كلامك صح واحيان لمن يتكلم معي عن المجتمع احسه حاقد عليه وما الومه لانه انظلم كثير يعني كان حلمه يدخل العسكريه وماقدر بسبب اعاقته وبالجامعه عانى صعوبات لكن بالنهايه اذكره بأنه الان لو سار ضابط ممكن مايكون مبسوط في عمله
مثل الحين لانه الحمدلله مره مرتاح وحاب عمله واقله عادي لا تلوم المجتمع ولا تخليه شماعه شوف كيف لمن حبيت تنجح وتوصل وصلت000انا ما اخليه يسترسل بالكلام علشان ابغاه مايكون حاقد وناقم عالمجتمع ابيه ياخذ الامور ببساطه
تحياتي

اميرة الرومانسيه
هلا فيك وكيف امتحاناتك
سبع ولا ضبع؟
الحمدلله كل اموري تمام وهو كمان تحسن كثير
والله يسعدك
تحياتي

قلبي حنون
هلا فيك منوره
الحمدلله وكلامك صحيح برغم ان اقاربنا والله مايعرفونه على حقيقته
وانا سرت ما اهتم فيهم المهم اني مرتاحه معاه وهو كمان مرتاح
يعني تخيلي مثلا عمتي ماتعزم زوجي بأي مناسبه والله مره تحرجني معاه
وهو طيب يقلي روحي العزيمه ومسكين يكون هو ما انعزم لكن انا ارفض طبعا
واقله اللي يحبك يحبني والعكس صحيح واي احد مايحترمه احط عليه اكس
وهو بالعيد يوديني عند كل عماتي وخالاتي يقول لازم نكون احسن منهم
مايشيل بخاطره ولا يكرهم علشان خاطري ودايم يطلب مني اواصلهم
الا عمه لا نصحته خلاص كأني ارتكبت جريمه فسرت خلاص ما افتح موضوعه نهائي
الله يخليلك زوجك ويديم المحبه
تحياتي

الحائره
هلا فيك
وجزاك الله خير
تحياتي

ذكريات لا تغيب
هلا فيك
وجزاك الله خير
تحياتي

ليه الغرور
هلا فيك وحشتيني
الله يخليلك زوجك ويديم المحبه يارب
وعلى قولتك النذل نذل لو ايش كان
والطيب طيب
تحياتي