نادمة على زواجي وحياتي سلسلة مشاكل لا تقف
ياماا كنت اسمع من الناس ان الحياه الزوجيه ممتعه بس مو كل يوم بيمر عليك بيكون فرح لازم بتجيك ايام بتزعلين وايام بتتضايقين وايام بتستانسين اهم شي تكونين صبوره ومثل ماتعيشين مع زوجك الحلوه لازم تعيشين المره الحمدلله انا كنت مقتنعه بدا الكلام ولا تفاجات من التغير الي حصل بالزواج في اول شهوري كنت الدلوعه الي لو تطلب الدنيا يعطيها مايقدر يفارقها يسهر ويااها يرجع من الشغل مستعجل عشانها ماتوقف الرسايل بينهم وكلام حب يسلاام شعور راءع تعيشه الزوجه مايقدر على زعلها يراضيها ومن هيك شغلات
اما بعد تقريبا الشهر الخامس مو شرط الخامس يعني بعد مرور كم شهر تبدا تتغير شخصيه الزوج ليش كدا وش السبب قسم بالله مافي يوم يمر بدون هوشات انا ليا الحين سنه متزوجه فقط تجريح في تجريح موستحيل يراضيني المشكله هوا الغلطان بس قد قالي لو تموتين ماراضيك طقي راسك بالجدار وارضي من نفسك دايما مشغول عني بدرجه مو طبيعيه هوا يشتغل دوامين يجي ياكل ويرجع دوامه بعد الدوام دايم عندو طلعات مايرجع الا وقت النوم على طول ينام مايراعي مشاعري كان يالله بعد هوشه يجي يقعد معاي خمس دقايق بالغصب ويروح ينام طفشت من حياتي كل مره افكر بالطلاق بس اتعود من الشيطان واروح اشوف لي شغله اشغل نفسي بيها
مو بس هدي المشااكل الي سارت بينا كثيرر لدرجه اني تعبت رسايلو ليا بالجوال كلها انتقاص لانوثتي سب ومايدور فيني الا السلبيات ماعمرو قالي اسف اني غلطت بعد مايرسلي كلام يغث ودايميا يقولي انتي ماعمرك سويتي انتي ماعمرك قد قلتيلي كلام حلو انتي نكديه وتطفشين
وفي عبارات كان يقولها ليا لما يهاوشني بس ماقدرت انساها اثرت في حياتي كثير منها انا لو ادخل برنامج اعتراف باعترف انك انتي اكبر غلطه بحياتي لو ماتزوجت احسن كان قعدت عزابي متهني بحياتي . ومره قالي ادا ربي كتب وطلبتي الطلاق وربي ماطلقك بعلقك بخليك تموتين قهر وباتزوج وحده بدلعها وبعيشها في بيت وبجيب لها الي تبي ( ملاحضه انا عايشه في ملحق فوق السطوح صاله فيها ثلاجه وفرن وغرفه نوم وحمام فقط وصابره ) اتكلم عن توسيع البيت بس دايم ينقلب النقاش لهوشه مستحيل نخلص راضين . يقولي انتي ماحد يهديك ورد انتي ماتستاهلين الا الشوك لاني انا احب الورد واتمنى يجيب لي يقعد يجرحني سبحان الله اشوف الي حولي مبسوطين ونا عايشه بهم مايعلم فيه الا الله
في ملاحضه بعد اضافيه انا سرتت مريضه بمرض الشك واعترف انو يمكن من الاسباب الي خلت زوجي يبتعد انا شفت عليه خيانه ملموسه بس اعترف لي انو تاب وانها سارت قبل مايتزوجني بس انا دمرتني هالسالفه سرت ماقدر اثق فيه غصب مو بيدي كنت لما اطلع معاه برا يجون بنات يسلمون عليه اقعد ابكي رجعني البيت مابيك ولا ابي اعيش وياك بس هالسوالف سارت يوم كنا مبتعثين يقعد يقنعني انه مااله علاقه بهالبنات كانو يدرسون معاه بالفصل بس ماسرت اقدر اصدقه مادري لي انجرحت منه ومع مرور اربع شهور رجعنا السعوديه وعشنا ثماني شهور تقريبا والى الان والمشاكل الي تدور حول موضوع الشك ماوقفت كنت اشوف محادثات بلاب توبه ماتنقال انا كنت اواجهه مادري الي اسويه صح او غلط كان ينكر ماهي ليا هدول اخوياي كانو يستخدمون جهازي اقوله طيب اخوياك مو زينين ليش تجلس وياهم وتسهر معاهم لين اخر اليل ادا سوالفهم كدا بالاب توب اجل وش تسولف معاهم سار من بعد دي السالفه موستحيل القى محادثات سار يحدفها اول باول انا هنا زاد شكي زياده ومره خلى جواله بالبيت جيت قلت خلني اشوف الرسايل لقيت اسم مشكك اسم ولد بس لماا يتكلم معها باين انها بنت زعلتت مره وبكيت وبرضو واجهته قال هدا صديقي قال بيستهبل عليها وانا كنت معاه بس والله مو انا قلت طيب ليش رقمها مسجل عندك على انها ولد ومخبيها دامك تستهبل قال اش دراني باين انه كان مرتبك
وفي اشياء كثير مامداني اكتبها بس هدي نبده مختصره عن حياتي معاهه
والحين انا عند اهلي متزاعلين له اسبوع ماكلم اخر رساله منه كانت سب فيني فقط مادري ليه احس اني بتطلق تعبتتت ويااه انا ماقول ان حياتي معاه ماكان فيها سعاده بالعكس كان يسوي اشياء حلوه بس اسلوب حياته معاي خرب كل شي حلو بينا
التعديل الأخير تم بواسطة الماضي الدفين ; 01-07-2011 الساعة 04:52 AM
السبب: تعديل عنوان الموضوع
01-07-2011, 01:18 AM
ضوابط المشاركة
العرض الشجري