نهار التجديد

مو فاهمه قصدك ياليت تنصحني بكل وضوح ونا متقبله نصيحتك

دراما بنورما

الله يستجيب منك

روح المساء
الطلاق بتفكيري بكل وقت والله يقرر متى يصير اذا الله كاتبه

متفائله
الوالد كلمه عن الصلاه بعد مشكلتي الكبيره معاه قبل فتره وحاول يحافظ عليها فتره وبطل ماتعود وماعنده اهتمام كبير فيها مشغول بتجميع الدراهم الله لايشغلنا الا بطاعته هالايام يصلي بلاسبوع بالكثير فرضين او ثلاثه الله يهديه ويكفيني شره بس

سنا نجمه

لما صارت بيني وبينه مشكله كبيره وضربني ورحت لاهلي جاء عند اهلي وحاول يرجعني ورفضت قام طلب الولد على اساس انه بياخذه ويسلم عليه وبياخذ له لفه انا عرفت انه بيخطفه عطيته الولد ورفضتت اعطيه الشغاله اخذ الولد وامي حاولت تترجاه انه حرام طفل وش ذنبه تبهذله بعز البرد وهو صغير كان خمس شهور ضحك على امي قالها شوي وبرجعه بس انا عارفه انه كذاب ويبغى يلوي ذراعي بولدي لكني قسيت قلبي وقلت خليه ياخذه بعدها كلم ابوي كان الوالد مسافر قاله انه عمتي يقصد امي رمت الولد علي وقالتلي خذه؟؟؟؟ورايحه مكه من غير ماتستاذن مني ونا اخوي استاذن منه وقاله طيب
لما رجعت له البيت لقيت اغراض الولد مجمعه بكيس عند الباب قلت ليش وين كنت رايح باغراضه قالي كنت ناوي ارسله لاهلي واهله بمنطقه بعيده عنا

رحيل

الله يعيني على هالحياه بس
ياليت اختي لو عندك رقم استشاري اسري ممتاز ترسلين لي رقمه واكون شاكره لك جدا

omran
قال ايش اللي حدك على المر قال اللي امر منه
الطلاق صعب ومر ونا عارفه والله زوجي بيبهذلني بهالولد لو مابيننا عيال والله كان خلعته من زمان وربي بيزقني باحسن منه
بس خايفه على ولدي زوجي مايخاف الله

رسيل

ومين بيصدق انه مايصلي او انه مايحسن العشره؟؟كيف اثبت هالشي

بنت الحكمي
والله اني ماتركه ودايم اساله عن صلاته واذا سالته يزعل ومره قلت له تراك كافر اذا مصليت ولايجوز اني ابقى على ذمتك يتاثر شوي ويرجع وصرت اذا جلست عند التلفزيون وجت موسيقي يقولي ايييه اذا جيت شغلتي القران واذا رحت شغلتي الاغاني ونا والله ماحب الاغاني ولا انطرب لها
ونا افكر اجيب دليل من امام المسجد بس الجيران ماضمن يمكن يخافون ومايبغو يدخلو بالمشاكل

أختي يكفي أنه لايصلي وهذا يجعل الأرتباط مشكوك فيه وهذا رابط فيه أسئله عن الزوج الذي لا يصلي سماحة الشيخ عبدالعزيز بن باز رحمه الله وأسكنه فسيح جناته وأرجو الستفاده منه للجميع ولاتنسونا من دعائكم والحل مع زوجك هو
الحل الأول : تصبري على زوجك وترضخي لمطالبه وإما أن يصلح حاله الله وإما أن يبقى على ماهو عليه وتصبري
الحل الثاني: أن تطلبي الطلاق وتربي أبنك وربك ممكن يعوضك بزوج خير منه وآسئل الله له الهدايه وجميع المسلمين.
الرابط
http://www.khayma.com/ftat/f/Alsalah.HTM