تعبت من زوجي ولي متعلقه فيه
السلام عليكم ...مادري كيف ابدأ لاكن تعبت وأبغى أعرف وش أخرتهاا مع زوجي أنا قبل سنه وأكثر كتبت مشكلتي أن زوجي طلع مع وحده أستراحه وشفت جوال في سيارته وحصلت مشكله كبيره ورحت بيت أهلي وجتني الردود الي قلي أطلقي ولا قال أتحملي وأصبري المهم ماعليناا رجعت وبدأت صفحه جديده ولاكن لم يتغير شىء فيه غير أنه ربى اللحيه وقصر الثوب وقدامي يعمل نفسه مايسمع أغاني وأنه عقل لاكن للأسف نفس الشخص ونفس البنت الي يعرفهاا من أيام شبابه الين تزوج وهو مستمر وكل مره أقول أتحمل بيتغير عندي أمل أنه بينصلح لاكن يصدمني في كل مره ويفاجئني وتطلع هياا تعبت معاه وتعبت منهاا حاولت وتصلت وكلمتها ليش تبغي تخريبي بيتي خافي ربك جيتها بالين هددتهاا حاولت بكل الطرق تخاف يومن شهر أثنين وترجع تكلمه المشكله أنها متزوجه وعندهاا 4أطفال أخر مشكله الي هي قبل حوالي 5 شهور عرفت عنوان زوجها وأسمه أرقامه ومن غبائي رديت عليها قامت تبكي وقسم بالله أنها حزنتني قلت ليش تسوي كذاا قالت اخر مره وهذا وعد لأن هذي المره صوتها مسجل وهي تتكلم مع زوجي كلام كأنوا زوجهاا وقالت عندي أولادي وحلفت ونا قلت من ستر على مسلم ستر الله عليه يوم القيامه وقلت لها أنسي رقمي ورقم زوجي قالت بغير كل شيى يومتها انا كنت حامل في الثامن المهم ولدت وخلصت الاربعين ويوم رحت أبغى أجيب غرض لبنتي دخلت عليه غرفه النوم الا أنفجع وسبحاان الله بان عليه شفت نور الجوال قربت عليه على طول قام ورمى الجوال تحت السرير أنهرت وبكيت وحاولت أشوف رقم مين وفي الأخير طلعت هي قلت يعني ليش كذاا انا خلاص ماعاد أتحمل قال والله هي داقه محتاجه فلوس تبغى تسوي عمليه وما عندها احد يسلفها المهم قلت خلاص هذ المره بفضحهاا دقت عليهاا ورديت وأكيد زوجي يقولها بكل شىء أخطط له قالت مافضحتيني أول والحين تفضحني ونا مادقيت الا للضروره ومحتاجه شديت معها بالهرج وقفلت جا زوجي من برا وصرخ عليه وحلف أني لو طبيت بيتها مايصير خير لاكن لأخر لحظه حاولت أمسك نفسي وقلت يالله جت على دي المره وحلفته أنها تكون أخر مره ولا ترد عليها وقولي لو كلمتك ولا دقت عليك وحلف وأقسم ووعدني مادري كم عدا شهر ولاأكثر ولاأقل المهم جت رساله على جوال زوجي وأنا خلقه أشك فيه شكيت وقلت مين قلي وحده غلطانه دخل ينام رحت الين عنده وقلت ترا انا مو ناقصه يحصل شىء ثاني الله يخليك لا تقهرني ولا تخوني الي تسوي فيااا ماحد يرضى قلي ليش أنتي تشكي فيا خلاص أنا وعدتك وبعدها بيوم كنت معزومه زواج وكنت عندي أحساس أنه بيصير شىء انا عندي تسجيل لاكن والله أنه كنت رفعته سنين طلعته يوم كنت حامل وسمعت وذي المره ونا نازله من السياره حاولت أدقه بالكلام لا تغلط لا تزعلني والله كأني قاعده أقوله أنتبه رجعت ونصدمت رجع يكلمها وكلام مافي وحده تقدر تسمعه ولا ترضى تسمعه أنهرت بكيت تجننت صحيته من نومه وقلت وديني عند اهلي خلاص ماأبغى أخذ ولا أعطي معاك حاول بكل الطرق انه يهديني وبكي لاكن ماهز فيني شىء كل مره أحزن لاكن هذي المره أحس خلاااااااااااص تعبت ونا الحين أكتب ونا في بيت أهلي مو قادره أنام ولاأكل حاسه بضيااع فوق هذا كله أفكر في اطفالي أيش ذنبهم لاكن أنا ماعاد أتحمل أرجع عشانهم كل مره أرجع عشان اقول بيتي بناتي لاكن خلاص أحس نفسي أعيش من غير شك ولا تفكير ولا عذاب وجوالات وبنات وأتصالات نفسي أعيش بعيده عنه أرتااح من كل شىء وأمس وحده من صحباتي قالت تعرف واحد وااصل مره في الهيئه نروح ونبلغ رسمي وفعلا أتصل الشيخ وقلت كل شىء وهذي من يوم زواجي وهي تسوي مشاكل ودق على زوجي ومن ذا الكلام قمت دقيت على زوجي أوضح الصوره المشكله كلهم قالوا لاتقولي لا يدري خلي يتفاجئ دقيت وقلت صار كذا وكذا حاول اذا كلمك الشيخ قوله هي الي تجري ورايه قام قال كلام أقسم بالله الين الحين مااكلت بس أبكي حتى أمي تقول أشفي أقول لا بس زعلانه قال لو حصلها أي شىء انا بدخل في الموضع وأطلعها بسوي المستحيل عشان مايصير فيها شىء هيا ضحيه وأنا ضحيه بكيت يعني أنا المجرمه ونا الي أبغى خراب البيوت يقولي انسي وارجعي البيت مافي شي يستاهل ذا كلوا الي تسوي وأنا محتاره هل أفضحها عن طريق الهيئه ولا أروح لبيتها وبس محتااره والتفكير ذابحني ومادري أيش أسوي أطلق ولا أجلس عند أهلي وأكتفي ولا؟؟؟؟لاكن أني أرجع أقسم بالله ماأقدر أطالع في وجهه لأني كرهت صورته وأسمه على قد الحب والعشق الي كنت احبه على قد الكره الي حاسه فيه الحين وسامحوني على الاطاله
__________________
حجم الصورة اكبر من المسموح به
10-07-2011, 06:30 AM
ضوابط المشاركة
العرض الشجري