اللهم امييييييين يارب...الله يجزاك خير اسهرني الجرح
والله مقهوره مو عارفه وين الصح واقول لامي اتدخلي اقل شي هم كبار راح تفهم امها ع امي بدل ما تطلع مثل الكلام اللي قبل اني غيرانه واني واني هي واختهااللي يصيروا عمات زوجي

لو سكت يمكن يرجعون بيكونون اكثر حرص راح يطلع شريحه بدون اسم مثل المره الاخيره طلعها لما اكتشف اني عرفت الرقم الثاني بس ما اخذت اربع ايام الا سبحان الله طاحت بيدي بقدرة ربي احس بالقهر..

الحمد لله كما ينبغي لجلال وجهه وعظيم سلطانه

الحمد لله كما ينبغي لجلال وجهه وعظيم سلطانه

الحمد لله على نعمه ظاهرها وباطنها

الحمد لله في الاولى والأخره

الحمد لله .....الحمد لله...الحمد لله

صارت امور كثيره واحداث كثيره ومازالت ..والأهم إن الاحداث لصالحي والحمد لله
مثل ماقلتلكم كنت محتاره بوصل الموضوع لأهلها ومو عارفه استخرت كثير وماارتحت اقول لأمها لاني خايفه اني اشتت اطفالي بالطلاق بلحظه غضب...اتصلت ع وحده من اخواتها حصلت رقمها من زماان عندي وبالبدايه خفت بس اتشجعت لأن امي مو راضيه تتدخل وتكلم امها ومافيه الا اني انا اسوي كل شي بنفسي...اتصلت عليها ..كيفك وكل عام وانتِ بخير ..انا فلانه...وشوي وشوي قلتلهابكلمك بموضوع خطير وما يتحمل تأجيل ..وقلتلها كل شي بالبدايه قالت مو عارفه وش اقول لك..انا شفت الورق اللي جبتيه وقللها وش هذا قالت فلانه تقول اني اكلم زوجها وع طول قطعته..قلتلها انا كل شي عندي تبغيني ارسله ع ايميلك او ع البيت واواجه اي احد ماعندي مشكله انا صاحبة حق ومو خايفه من شي وكل شي يثبت انهم يكلمون بعض وبينهم تحويلات..اخر شي قالت خلاص وعد ماعاد تتصل عليك وزواج اتطمني..قلتلها انا مو علشان الزواج اول شي هي ع ذمة رجال وحتى لو اتطلقت مثل ماهي مخططه مو شايله هم هالشي قد مو قاهرتني وقاحتها وكلامها علي واستغلاله لزوجي وقلب زوجي علي بكل شي صح بزعل بس اهم شي مايكون بالحرام وبإستغلال بعد ...صار نقاش طويل ووقلت ادري كثير بيكذبوني قالت ماعليك انا معاك ومصدقتك وهي اوريك فيها ارسلي رقمها الثاني (لانهم مو عارفين انها مطلعه رقم ثاني)قلت اهم شي امك تدري وتوقف الاثنين عند حدهم لانها هي اللي لها سلطه عليهم....طبعا هي ممهده لامها الموضوع وقايلتلها ولد اخوك حولي المبلغ الفلاني طبعا اقل بكثير من اللي حوله واختها تقول بس ما ادري ليه قالت كذا قلت لان لي اسبوع اهددها بقابلك عند امك واوري اهلك كل شي فحبت انها تمهد وتقلب راسكم قبل لا اجي وبعدين لو محولها ما سألتوها كيف حولك؟ وكيف عرف انك محتاجه هالمبلغ وع اي اساس يحولك؟كان قال لامك اقل شي...شوي ارسلت اختها علي رساله تقول ارسلي كل شي بالايميل واعطيتني ايميلها تقول لانها انكرت كل شي...وامها اتصلت ع زوجي ونادته وحاولت تفهم تقول فلانه تقول اخذت منك المبلغ الفلاني وانك انت تقولها بساعدك علشان تتطلقين من زوجك واتزوجك..وحلف عندها انها تكذب قال هي تتصل وتبكي وتقول محتاجه وما احد وقف معاي لا اهلي ولاغيره وابغى منك هالفلوس سلف ولما اسكن ارجعها اقساط وقلتلها تخليها عن طريقك وقالت لا..وجاني يقول ربي اخذ حقك منها ومره يتبسم ومره ينقهر يقول ليه تكذب علي ليه ما اعترفت انها طلبتها مساعده وليه ماتقول المبلغ كامل؟
بعدها بكم يوم عمته قابلته وشكلها متغيره وزعلانه غير المره الاولى ..المره الاولى كانت تحط اللوم ع بنتها ليه تطلب الرجال واحنا عندها ومو مقصرين..المره الثانيه تقوله ما ادري وش قصتكم انتم كل واحد يقول مبلغ وما ادري كيف اعطيتها اياه؟قامت تشك فيه ان عنده شي
كم يوم ثانيه واتصلت علي بنفسهاوتقول ما ادري وش اقول وما ادري قلتلها وليه متصله بما انك مو عارفه شتقولين..وكل شوي ترمي بالكلام وتلمح ان زوجي فيه وفيه تحاول تشككني فيه وانه هو اللي يجري وراها ويقولها بساعدك وبساعدك..قلت اول شي كيف قدرتي تحطين راسك ع المخده وانتِ عارفه انك ظالمه وحده؟ ولما كنتي تلعبين مع اطفالك في بيتهم وتمزحين معاهم ما اتذكرتي ان فيه وحده هي واطفالها عند بيت اهلهابالاسابيع ويصرخون ع امهم نبغى بابا ونبغى بيتنا ونبغى ونبغى وانتِ السبب في حرمانهم من ابوهم..وتسكت وتقول مو عارفه ليه متصله..حتى بإتصالها ما حسستني انها ندمانه او انها غلطانه احسها تكابر بشكل كبيرسبحان الله..وقلتلها واذا زوجي طفشك بالمساعده هو وش عرفه لرقمك؟مو انتِ اللي اتصلتي عليه؟ مو انتِ اللي لما كنا نتمشى انا وهو بعد المشكله اللي قبل ارسلتيله هذا رقمي الجديد خلينا نتواصل عليه وانت طلعلك رقم بدون اسم؟ مو انتِ اللي كل ماقلك زوجتي شاكه تقولين هي شيطانه وش يدريها انك تكلمني؟ مو انتِ اللي كل ما ارسلتلك رساله طبعا بعد ما اشك شك كبير انكم لسا مع بعض تقولين زوجتك طفشتني كل شوي تتصل وترسل ويجي يعصب علي ويكسر الجوال ويسوي حركات ماقد شفتها منه..مو انتِ اللي تقولين فكر لقدام يمكن يكون بيتك وانا مو مرتاحه للمكالمات نفسي نكون مملكين,,وانكرت كل شي تقول هو يكذب عليك وانتِ تصدقينه قلتلها اجل اصدقك انتِ وانا اعرف حركاتك معاي ..واذا فرضا زوجي طفشك بالمساعده كيف تاخذين الفلوس وتصرفينها؟وليه ماقلتي لأمك واشتكيته عليها اذا فعلا انتِ صادقه ولا عجبتك سالفه الفلوس بدون تعب تقول ما اخذت فلوس قلت لا اجل التحويلات تقول هو يحولها..معقوله شخص يحول بدون ما احد يطلبه وبعدين وش عرفه لرقم حسابك؟قلتلها وش المطلوب الحين تقول بتصالح معاك قلت روحي اتصالحي مع ربك وانا ماراح اسامحك وراح ادعي عليك وع اللي ظلمني طول عمري ورقمي لا عاد تتصلين عليه وقفلت بوجهها.....احس ارتحت كثير الحمد لله صار كل اللي ابغاه
وزوجي اللي مضحوك عليه لحد اخر لحظه كان يقول حرام ذحين ظروفها صعبه لاتطلبينها الفلوس الحين خليها لماتسكن وتجيبها اقساط مثل ما اتفقنا...وحرام هي شكلها مسكينه كل ماكلمتني القران شغال وتقول صحيني للفجر استغفر الله ياربي استغفر الله
بس لما عرف انها ما اتعرفت بالمبلغ كامل وانها اتصلت علي وحاولت تشوه صورته عندي قال والله ما احسبها كذا..قلت كويس انك معترفلي بالكلام اللي بينكم لاني كل ما اقولها قلتي كذا تتفاجأ وتسكت وماتعرف ترد وتقول هو كذاب وهو اللي يحول بدون ما اقوله ويقول مساعده وانا لي شهرين بس اكلمه قلتلها البرنت عندي وواضح انك لك اكثر من خمس شهور تكلمينه..