الموقف الي انحطيت فيه ورايكم فيه
من سنين بالمنتدى واول مره انزل موضوع مو لاني ماعندي مشااااااكل
عندي لليل بس بستعين بالله على حلهاااااااااااا
بذكرلكم قصتي على عجاله وبعدها الموقف الي هو لب موضوعي
انا قبل مازوج تهورت وكلمت خطيبي يعني انا الي بديت بالمكالمه مو هو وكان متفاجيء اول مره بس بعدين استانس وقااااااااام يبادلني بس على خفيف وبكل حذر و كان موكل لي المهمه اكثر لان تلفوننا كان مشترك مع اخوي ولانها كانت سريه محد يدري عنا
بتقولون ليش بقولكم وضعنا
اساسا هو كان غير مبلط بيتنا 24 ساعه اصحا وهو بالمجلس
وانام وهو بالحوش يجلس عندنا اكثر من اهله وخطبتنا دخلت
الرقم القياسي باطول واعتق خطبه وماكلمته الا بالسنه ماقبل الاخيره يعني بعد ست اوسبع سنين واخته المستوره حالها زي حاله ودايم تنقلي اخباره وكانت من بينها انو يبا يكلمك وليش ماتكلمينه وووو
ومره تكلمت عند امي وقالتلها لو كلمته فيهاشي قالت امي لا مافيها شي يبا يكلم خليه يكلم وكاني اخذت الضوء الاخضر من امي وحصل الي حصل
مع اني ندمت كثير مو لشي بس احسها مالها داعي وهو للامانه ماركز عليها كثير بعد زواجنا عشان لايجرحني لان
اول سوال سالني اياه بخصوصها حس اني محرجه مره
وقلت ان اخته هي الي زنت علي وقالت انت الي طالب وجلس سنين وهو ساكت ونسيناها تقريبا ولا عن نفسي ماتروح من بالي بس اتناساها
والي حصل قبل فتره ملكو اثنين من اخوانه وكانت الهرجه الدارجه وقتها
هم ومكالماتهم وحركاتهم كمخطوبين
واحد من اخوانه مو قادر يكلم خطيبته لانها طلعة مستحيه وماتبا تكلم وتتهرب ووووو
فكان حديثنا وقتها عنها وتفاجئت من زوجي قاطع هرج اهله واخواته
وقاعد يقول اعرف واحد خطيبته هي الي كلمته مادرى الا جواله يرن وطلعت هي واش كلام وجنان
انا ما اخفيكم جتني رعشه قلت هذا له 10 سنوات ساكت بيفضحني الحين
طبعا ماسكتت طالعت فيه وقلتله اكيد هذا غير عن باقي الرجال
فيه شي خلاه يسلب عقلها ولا فيه بنت تسوي كذا بس اذا تعرفه قلنا شي عنه باين عليه واحد واحد اش شجاعه ورجوله
والله انه سكت وماقدر يرد
هو صراحه اعجبه الرد حسيت انه بينط علي من الوناسه لكن
انا ارتبكت وربي
حتى لما رحت البيت
هو شكله نسي وانا ماجبتلها سيره لاني زي ماقلتلكم
كل ماتذكرها احس ان غبيه واتمنى اني ماسويتها
التعديل الأخير تم بواسطة مجموعة حروف ; 14-11-2011 الساعة 11:37 AM
14-11-2011, 11:34 AM
ضوابط المشاركة
العرض الشجري