سلوى يا سلوى
مالك بتبكي
عاوزة عروستي
مين هيه ( طخ طخ ^ تصفيقة )
هي دي ( لَا مش دي )
هي دي ( لَا مش دي )
لازم يكون الدور ع دي
< فيس زعلان ع الشيخوخة خخخخخ
زمن يا البراءة .. بصراحة اهنيك ع هالموضوع وع الاسلوب
شفتي انك متفوقة علي فكرة موضوعك تشبه ذاك اللي
انحذف بس انتي لك شهرة ويحبونك وخلوه بس انا ههههههه
يالله الحمدلله ع العافيه
بس اهم شي يبقي الموضوع الرائع هدا
لأني ح اعبيه مواقف ومغامرات تحمل طابع البراءة ططبعا
ههههههههههههههه
عيوني ترا انا من جيل اسكريم التوت خخخخخ
وبسكوت ابو رز اذا باقي احد يتذكره < غبااار كح كح
لي رجعه لموضوعك الرهيب

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هــلاآآآ ومسهـلاآآآ فيك يالفردوس ..
ياسـلاآآآآم وصلتنـا ذكرياآآآت جديده علينـآآآ ...
والله وحلـووووووووت الجلســه ..
يالله تكفيـن جيبي اللي عندك خلينـا ننبسط ..
وبعدين تدرين ليش موضوعك راح ..
لأنك ياقلبي ماكتبتي المقدمه صح
ولا يهمـك ياقلبي أنبسطي معانا في هالذكريات اللي تفرح القلب .

ننتظــرك لا أطـولين.. ترا نكتب لك غيـاآآآب ههههآآي ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

ذكــريات لاتغيــب ...

حرااام عليـك اقسم بالله دمـوعي نزلت من كثر ماضحـكت ..
جبتـي العيـد للسمـك وماتن كلهـن هههههههههههآآآآآآآآآآآآآآآآآآي ..

وبعدين وش ذا الخيانه لخروفي خرووفي ..أنتي أول من ياكل من لحمـه
وين رآآآح الصياآآح عليـه ههههآآآآآآآي ..
ذكريات لاتغيب تتذكرين أنشودة ..
خرووووووفي خرووووفي ..ليش ماأنشدتيها لصديقك الخروف ههههآآآآي ..

الله يسعـدك ياقلبي كثر ماضحكت على موقف السمـك ,,هههههههه

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

فغلا موضوعك حلو يالغلا وبنفس الوقت احس بالم داخل قلبي
والله ودي ذيك الايام ترجع كان اي شي يعجبنا وقنوعين مومثل الحين
كنا العصر متسدحين بالصاله عند الرسوم ((طبعا انا من الجيل القديم
مايفتح التلفزيون الا العصر وكان على البحرين يجي مفسر يفسر بعض الأيات وحنا ننتظر متى يخلص
عشان يجي افتح ياسمسم وتوم سوير وغيره طبعا احب سالي وهايدي وفلونه وسيده ملعقه بس ليومك انقهر اذا صارت صغيره ونيلز ماكنت احبه صغر ودبل تسبدي
سانشيرو حادي بادي
اي كرتون يطرى علي اكتبه لاني مدمنه رسوم متحركه

من المواقف الي للحين اتذكرها
لماكنت برابع ابتدائي ((رابع ب ))
كانت اختي الكبيره بالمتوسط(( هي الحين ام ومعلمه)) كانت مهمله درجه اولى وماتزين دروسها الا الصبح
طبعا مره جانا الباص وهي باقي تلبس مريولها ومن العجله خذت شنطتها وكانت
بجنب الشنطه كيس مدري ليه يمكن فيه كراسة التفصيل
المهم لما ركبنا الباص الزحمه انا كنت قدامها بالكرسي وهي واختي الى اكبر منها بجنبها هذيك اتوقع نايمه
المهم نادتني ورديت ليتني مارديت عليها قالت افتحي الشنطه وخوذي الين امتلت شنطتي بالسيارات الصغيره مرة اكيد تعرفونها يجي منها اشكال والوان ((توها تصحصح الاخت خمت الكيس وهي نايمه
كان اخوي الصغير يلعب فيها بالشارع وكلها تراب وتوزعت السيارات بينا
وانا من داخل بموت من القهر الشنطه تقرقع بس لاني صغيره ماحد داري بس هي برستيج
ومتوسطه خذت كم حبه تسكتني
دخلت مدرستي وانا زعلانه وطول يومي قاعده احرس هالشنطه

تعبت وانا اكتب واذا تذكرت بدخل وانا متابعتكم
الله يسقي ذيك الايااااااام

__________________
كبرنا كثيرا" يارفقه 8-8
ولم تُعد آآيامنآ كماكانت بسيطه

موضوع جميل ..
بس ذاكرتي ممسوحة خخخخ

عيوني :: وش هالإبداعات اللي طلعتيها من القلوب والذكريات ...
ذكرتيني بالاتجراف <<<<< كان اختراع في في ذاك الوقت ..

الذكرى ناقوس يدق في عالم النسيان ... الله المستعان .. كل ما قريتها ضحكت ..
واكتب لك بالازرق حبي لك مزورق..
واكتب لك بالاحمر صداقتنا لا تتغير..

اللي ما انساه .. اسكريم التوت المثلج من الخاله في المدرسه .. واشتريه واروح البيت
وابوي (الله يغفر له) يعصب علي .. جنونه الشغل البلدي .. ولا اسمع فيه ..ومع الحر والشمس يكون عز الطلب ..

مواقفكم كلها شقاااوه ..
وفطستوني ضحك ..

من عيوني .. هي والكت كات .. كان عشقي الابدي ..القصديره المعها تلميع
للـأسف احس الان طعمه تغير .. الان عشقي ( مااارس )

ونيت مان .. هو وريالينه ...يحق لك تتكبر وتتفشخر..

الى ذكريات .. هي وخروفها ..يا حليلك زعلك ما يطول .. مرة اخوي اتفقت مع الخروف ..
والفجر هربته من الباب .. لماصحوا اهلها يدورون ضحيتهم قالت بكل برااءه :: فتحت وطلعته
حرام عليكم تذبحونه .. وإلى يومك وهي نباتيه ..

اما موقفك يا طيوووف انتي واختك تحفه ضحكتيني من قلب .. حبيبه انتي .. طيب كان حطيتهم في الباص هم وكيستهم .. لا عاد هالسياير ..



مشكوره يا عيوني على الموضوع الخفيف الدم ..
لطفت جونا .. الله يسعدك دنيا واخره
...

__________________

طيب ابشري ياعيووني بما إني انا اكبر منكم بالعمر بقول لكم

بعض المواقف بس هاه ترى انا عمري بالثلاثينات مو كبيرة

مرةبعدين ترى مواقفي وذكرياتي كثيرة بس بقول اللي اقدر عليه
بالبداية طبعا جيلنا من اللي لحقنا ايس كريم الفمتو وكمان

البطاطس المهروسة في الأكياس الصغيرة ويضيفوا لها التمر

الهندي والشطة الحارة طعمها يجنن وكمان كنا نحب بسكوت


السفاري وريكو عاد ريكو ذاك الوقت له طعم خاص وكمان فيه

بسكوت اتوقع اسمه صحاري كانت مصورة عليه صورة غزال

المها ولها قرون وكنا نحب عصيرات الببسي والمرندا كانت تصميم
الوانها مختلفة وجذابة طبعا بالإضافة لسيرلاك ابو القمح والعسل


كانت امي تاخذه لأخونا الصغير وحنا مانقصر انا واخواني الباقين


ناكله جاف بالملعقة هو وحليب النيدو طبعا فيه انواع بسكويتات

اخرى منها ابو ميزان وبسكوت المداح هاذي كانت لها طعم و


شعبية كبيرة عندنا في ذاك الوقت بالنسبة لأفلام الكرتون طبعا

قرانديزر وعدنان ولينا وكابتن ماجد وماوكلي بالإضافة الى افتح

ييا سمسم ابوابك والليث الأبيض هاذي طبعا كنا نتابعها ونحبها انا

واخواني وياويله اللي يتكلم وحنا نتابعها يطلع برى بالنسبة

للمواقف كثيرة اذكر موقف لما كنت بالمدرسة كانتعندنا بنت

بالفصل هي وبنات عمها واختها عددهم اربع وكانت البنت هاذي

المدرسة حاطتها رئيسة على الفصل يعني اي بنت تغلط او

تسولف وتشاغب كانت تسجل اسمها وتعطيه للمعلمة طبعا

تعرفين البنات لما شافوا البنت هاذي حارمتنا من السوالف مع

بعض وهية جالسة تسولف مع اختها وبنات عمها وماخذين

راحتهم على الآخر وحنا مكتمين بالفصل مانقدر نقول ولا كلمة لو
تكلمت اي بنت سجلت اسمها واعطته للمعلمه وتاخذ لهاعلقة

ساخنه البنت المسكينة طبعا حنا طفشنا وبلغ بنا السيل الزبى

الوضع كان لايطاق طبعا انا اخذت كل بنات الفصل وقت

الفسحةومابقيت إلا هيه البنت واختها وبنات عمها لحالهم دائما

يفطروا مع بعض وانا جمعت زميلاتي اللي بالفصل كلهم وقلت

لهم الوضع هاذا لايطاق لازم نتصرف ونشوف للبنت هاذي حل

هالمهم اتفقت معاهم انا نكتب ورقة نوضح فيها شكوانا لمعلمة

الفصل وتحمل توقيعنا كلنا وانا اعطيها المعلمة واتكلم بالنيابة

عنهم كلهم طبعا بدون علم البنت وشلتها وكتبت الرساله ووقعوا

عليها كل زميلاتي واخذتها واتجهت لمعلمتنا كانت فلسطينية الله

يذكرها بالخير اعطيتها الرساله و قرأتها وجمعتنا بالفصل وقالت

يابنات صحيح الكلام اللي وردني في هاذي الرساله وان فلانه

تسوي كذا وكذاقالوا البنات نعم يا ابله طبعا البنت وشلتها انذهلت

وانصدمت وماعاد عرفت وش تقول والمعلمه استجوبت بنات

عمها واعترفوا عليها وقالوا هي اللي تجلس تاكل فصفص

وتسولف معانا حنا مالنا دخل بالسالفة المهم مسكتها المعلمه

ومسطتها مسط بخرطوش الموية وبعدها قالت خلا ص يبنات

رشحو ا لكم رئيسة بالتصويت طبعا كلهم صوتوا لصالحي انا

ومسكت المنصب عاد تعالي وشوفي وش سويت والله ان البنت

هاذي كانت لو تكح والا تعطس اسجل اسمها على طول واعطيه

للمعلمه والمعلمه اشتغلتها شغل البنت بغت تتعقد نفسيتها من

المدرسة وكانت تغيب واخر شئ امها في الصباح وحنا جايين

بالباص مارين عليها بنروح لدوام ماشفت امها الا وهي تفتح باب

الباص وتنادي فين بنت الحكمي عاد انا كنت راكبه جنب


الباب بالضبط وقت سمعتها تنادي قلت جاك الموت يتارك الصلاة



واحط رجلي إلا وانا ورى على الكرسي اللي ورى راس السواق


جلست على البنت اللي كانت جالسة على الكرسي ماشفتها من

الخرعة واطالع وراي للحرمة هي لحقتني والا باقي البنت ترفس

تحتي تبغى تموت وانا وشنطتي فوقها وما انتبهت الا متأخرة بعد

ماقال لها السواق وش تبغين فيها بنت الحكمي قالت ابغاها في

كلام قال لها تبغينها روحي لها بيت اهلها او روحي لها المدرسة انا
ماني فاضي سكري الباب بمشي طبعا الحرمة تناقرت معاه شوية
وبعدين قالت بسيطة انا وراها بينناالمواجهة اليوم في المدرسة انا

وهيه وقفلت الباب بعصبيه السواق جارنا وكبير بالسن وكنا كلنا

البنات نناديه ياعم المهم الحمدالله الله فك في البنت اللي جلست

عليها كانت تبغى تموت بعدها جلست اناظر في البنت مسكينه

انعفست تسريحة شعرها وتطايحت شباصاتها وجهها صار لونه

احمر وقالت وش فيك انتي ماتشوفين اللي قدامك طبعا اعتذرت

منها والبنت طيوبة سامحتني والحين يالله خارجنا جلست الأفكار

تروح بي وتوديني وش تبغى تسوي فيه اليوم ام البنت ياويلي

اليوم بتذبحني لامحاله وصلنا المدرسة ونزلنا وصفينا طابور

صباحي و انا في حوسة وانصرفنا لفصولنا وبنت الحرمة ماداومت
معانا طبعا مدرستنا كانت عبارة عن مبنى شعبي متعدد الغرف

وفيه حوش كبير وساحة كبيرة وكانت الفصول كلها على جهة

وحدة مصفوفة واللي مقابلتنا الإ دارة والمقصف والمستودعات


وبوابةالمدرسة وفي النص الساحة اللي نصفه فيها طابور ونفطر


فيها في الصباح فصلنا كان مقابل الإدارة وغرفة حارسة المدرسة

وجنبها بوابةالمدرسة طبعا كانت ابواب فصولنا مفتوحة ونشوف



كل شئ قدامنا وحنا جالسين على طاولاتنا وانا بدلت طاولتي


بطاولة زميلتي اللي عند باب الفصل علشان براقب اشوف متى

تجي الحرمة وتاخذ بثأر بنتها مني هاذاك اليوم لافهمت الشرح ولا

ولا ادري وش تعلمنا وايش اخذنا من واجبات وحتى الفطور

مافطرت مع البنات ومكتمه وافكر في ام البنت واراقب يمين

ويسار متى تجي للمدرسة المهم بحدود الساعة عشرة الا وبوابة

المدرسة تدق كان الباب حديد مع اول دقه تسمعها كل الفصول

وفتحت الحارسة الا وهي المصيبة بكبرها الحرمة وبنتهامعاها

دخلت للإدارة عند المديرة وعند المعلمات وجلست تشتكي على

المديرة من المعلمه ومني وإني انا جالسة لبنتها وامتحنتهاوان بنتها
يدينها تورمت من شدة الضرب واني انا متعدية عليهاواسجل اسمها

واظلمها المهم المعلمة كانت تدافع عن نفسها وعني وقالت لها

بأن بنتها خالفت النظام واللي تخالف النظام رايح تتحاسب ايا كانت
المهم اخذت واعطت معاهم واحنا نسمع كل كلامهم وبعدها

هدتها المديرة وبعض المعلمات وسكتوهاوالبنت جت عندنا

للفصل والحمدالله امها ماجت معاها وإلاكان هي تدخل مع الباب

وانا اطلع مع النافذة امها شكلها ضخمه وتخوف بصوتها ونظرتها

وبصراحة ذاك اليوم زين ماجاني انهيار عصبي روحت البيت

مسخنه والله اني مرضت خفت تمسكني والله تحطني تونه بس

الحمدالله عدت على خيروانا بطلت ماعاد سجلت ولا طالبه

عساهم مايحطون عرس بالفصل مادخلني فيهم وبعد فترة ابو


البنت قابل ابوي الله يرحمه وقال له يا اخي وش فيها بنتك امتحنت
بنتي وتسلطت عليهاودايم تشتكيها عند المعلمه وتضربها وحتى

زوجتي راحت للمدرسة وتكلمت على المعلمه يا اخي شوف لبنتك

حل ترى بنتي تعقدت من الدراسة وكرهتها بسبب بنتك والمعلمة


جاء ابوي الله يرحمه يسألني يابنتي وش عندك انت وبنت فلان

فضحتينا مع الرجل قلت له يابوي البنت مشاغبة هي وبنات عمها

وانا المعلمه معطيتني صلاحية ان اي بنت تشاغب اسجل اسمها

واعطيه المعلمه تعاقبها وانا سويت واجبي وامها زعلت طبعا

ماقلت له بالصدق اني لو البنت كحت ولا تنحنحت ولا عطست

سجلت اسمهاوالله ماغير ابوي يسطرني تسطير والوالد قال لي

عيب هاذي زميلتك وصديقتك لا تغلطين بحقها المهم جلس

ينصحني وانا في داخلي اقول توبه خلاص ماعاد اعيدها بعد اللي

شفته صارمن امها . عيوني ترى هاذي قصة كاملة من موقف



واحد فقط والمواقف غيرها كثير بس ترى طولت عليكم ولو

سمح لي الوقت بدخل واقول لك عن مواقف كثيرة ان شاء الله

تعالى .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

صبـــآآح آلورد وكــل آلــود’’’ لكل اللي أسعـدوني بموآآآقفهم. .

طيـوف الأمل ..
ليـه ياقلبي تتألميـن أحنا الأن بفترة الشباب والشباب أمـل الحياة وحاضرها لاتتألميـن ياغاليه ..
وبعـدين رهييييبه رابع ب رهيييييبه من قلب .. أنا ربع أ ..ههههههآآآي ..
وياحياتي على اللي دخلت المدرسه والشنطـه كلها سيارات رحمتــــك ههههههآآآآي ..
بصراحـه موقفك تحـفه تحفـه تحفــه ههههآآآي ..
الله يسعدك على هالموقف ..


أمـاني القلب ..
وشـلون الذاكره ممسوحـه يعني جالك الزهايمر ههههآآي ..
ماراح نرضى ألين تذكرين لنا مواقفك الحلوه .. ننتظـرك ..


شقــــردية ..
تسلميــن ياحياتي ..
يقولون أن اللي يدخل السعاده على قلوب البشر يصير مهـندس هههااآآآي تخبيصــه ههه أمزح ..
وياســلاآآآآم على القريحه اللي كانت عندكم ..
وش ذا القافيه والوزن أنتم ولا المتنبـي هههآآآآآي ..
وياعمـري على اللي تشتري آيس كريم ولاتتهنـى فيه ..ههآآآي
وصادقه ياشقرديه حلاآآآآة الكت كات بالقصدير ..اللحين مشي حالك طعمه
أمـا نيت مان محـــد قــده عليه طلب ههآآآي ..


بـــنت الحكمـــي ..

أهـآآآآه تقولين بالثلاثين حددي حددي أول الثلاثين ولا أخرها ترا تفرق هههآآآي ..
وبعدين تعالي الفيمتـو مشيناها بس البطاطس وش ذا الخلطه العجيبه بجربها اليوم ..
أمـا ريكــو عندكم سيـــد الشوكلـت هههههآآآآآآي ..
تصدقين قلت لأمي عن الشوكلت اللي ذكرتيها والحكايات قالت لاتكون هذي صديقتي هههآآي
أمي توها داخله الأربعين أكبر منك بشوي ..
بس تبين الصراحـه فطســــت على عريفتكم من الضحك هههههآآآي
قلبتـوا عليها بصراحه بعذركم أناآآآآنيه ..هههآآي
أمـا يوم جت أم الطالبه وربي كأني أتخيل شكلك مرعوووووبه هههآآآآي
حتى الدروس مع السلامه من الرعب هههههههآآآي ..


الله يسعــدكــــــم ...
كثر ماضحكت وأنبسطت معاكم على موقفكم البريئه من قلب ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

صباح الخير ..
كيفكوم إن شالله منيحين ... رجعت يا عيوني > فوز والعهده على شق شق
وش هالطلة الحلوة يا أم سلطان قسم بالله اني احبك واني وودي لو انك تاكيه معي بالحوش
احس انك على راعية هروج زيي خخخخخ
ذكرتيني بأيام الإبتدائي اووووه وربي زمن خشيت جو مع حكيك
أتاريك عفريتة يا بنت ومسويه فيها ما تحبين الغلط ههههههههههههه
... لى عوده من اللايباد
الكيبورد هنا يجيب العافيه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

طيــب تعآآآلوآ معـآآآآي...

نتـذكر أياآآآآم الطفوله مع المطـــــــــر ههههآآآي ..


أتذكر أذا شفنـا قطرة مطـر نزلت بالحوش ولا أي قناة أخباريه مثـلنا..
نلج في البيت وأزعـاآآآج والنايم يصحى من صراخنـا ..
مطــر مطــر مطـــر ..

وأتذكر أذا جانآ المطـر نتجمـع كلنا ونفتـح أفواهنـآآآ ... ليـــش ..
نبغى المطر يدخل بفمٌـنا ونشربه وفي الأخير نفتـح أفواهنـا ساآآآعه ولانشرب ألا شوية قطرآآت هههاآآي ..

وأحياناآآ وأحنا فاتحين أفواآآهنـا تجي صاعقه وركضــــه وحده داخل البيت
أم الرعب ههههآآآآي ..


واذا راحت أصوات الصواعق نطلـع نلعب بالحوش بس كيف نلعب ..؟؟
نمتـر الحـوووش رايحيــن جاييــن وعلى هالحال هههآآآآي ..

وفيه حركـه نسويها وقت المطـر؛؛
نجيب أكواب ونخليها تمتلـي من موية المطـر ..
وأذا أمتلـت كبينـا اللي فيها ورجعنـا نحطهـا مره ثانيـه ..ليش ماأدري ..
يمكـن فضـاآآآآوه ههههااآآآي ..



يالله نبــي ذكرياتكم وقت المـطر ..؟؟

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’